Маттай 5:4 - Делан Йозанаш

⁴ Декъалбина бу боьлхуш берш – церан дог оьцур ду.

Маттай 5:4 Referencias Cruzadas

ЕшаӀ-ЯхӀу 12:1

Цу дийнахь вайн къомо эр ду: «Хьо хаставо оха, Веза Эла. Хьо тхуна оьгӀазвахана хиллехь а, Хьайн оьгӀазалла дӀаяьккхина, Ахь тхуна синтем белла.

ЕшаӀ-ЯхӀу 25:8

Ӏожалла гуттаренна а дӀакхоллур ю Цо. Хьалдолчу Эло массеран а яххьаш тӀера бӀаьрхиш дӀадохур ду. Дерриге а дуьнен тӀехь Шен халкъ емалдар дӀадоккхур ду Цо. Иштта боху Везачу Эло.

ЕшаӀ-ЯхӀу 30:19

Ярушалаймехь Цийон-лам тӀехь Ӏаш долу халкъ, хьо кхин доьлхур дац. Ахь орца даьккхича, Везачу Эло хьуна диканиг дийр ду. Ахь гӀо доьхуш Шена хезча, Цо хьуна жоп лур ду.

ЕшаӀ-ЯхӀу 35:10

Везачу Эло кӀелхьарбаьхнарш юхабоьрзур бу, хазахетарца кхойкхуш Цийон-гӀалина чу гӀур бу. Гуттаренна а долу ирс церан кортош тӀехь хир ду. Самукъадалар а, хазахетар а царна тӀаьхьакхуьур ду, сингаттам а, узарш а царах дӀакъаьстар ду.

ЕшаӀ-ЯхӀу 57:18

Суна гина цуьнан некъаш, амма Ас тодийр ду иза. Ас иза дӀа а лелор ду, халкъах гӀайгӀа ечарна синтем а бийр бу.

ЕшаӀ-ЯхӀу 66:10

Даккхийдейша Ярушалаймаца, цунах самукъадалий хилийша, иза езаш долу шу массо а! Даккхийдейша цуьнца хӀинца шу массо а, цунах доьлхуш хилларш!

ЕшаӀ-ЯхӀу 66:2

И дерриг а Сан куьйго кхоьллина дац? И дерриг а иштта хилла дӀахӀоьттина дацара? – боху Везачу Эло. – Ша кӀезиг хетачуьнга а, дог доьхна волчуьнга а, Сан дашна вегавеш волчуьнга а Сан ларам бу.

Яхьазкхиал 7:16

Ткъа биснарш, лаьмнашка дӀа а бахана, цигахь хир бу, тогӀешкара къаьхкина кхокхий санна. Шаьш летийна къинош бахьана долуш, цара узарш дийр ду.

Яхьазкхиал 9:4

Цо элира: «Ярушалаймехула дӀа а гӀой, гӀалахь мел лелош долу дегаза хӀуманаш бахьана долуш гӀайгӀа еш, узарш деш болчу нехан хьаж тӀехь билгало е».

Закри-ЯхӀу 12:10

Ткъа Даудан цӀенна а, Ярушалайм-гӀалин бахархошна а къинхетаман а, гечдаран доӀанийн са шортта тӀеӀанор ду Ас. ТӀаккха хьовсур уьш шаьш гоьмукъ чекхбаьккхина волчу Соьга. Цара цунах лаьцна белхарш дийр ду, цхьаъ бен доцучу берана тӀера санна, уьш гӀайгӀане хир бу дуьххьарлерчу доьзалхочунна гӀайгӀане хиларе терра.

Лака 16:25

Амма ИбрахӀима аьлла: „Сан кӀант! Дагадаийта, хьо муха Ӏаш вара. Хьуна дерриг а диканиг кхаьчнера хьайн дахарехь, ткъа ЛаӀзарна – дерриг вониг. ХӀинца цунна кхузахь синтем хилла, ткъа хьо баланехь ву.

Лака 6:21

Дала декъаладо шу, хӀинца меца дерш, хӀунда аьлча тӀейогӀучу хенахь дуьзна хир ду шу. Дала декъаладо шу, хӀинца доьлхуш дерш, хӀунда аьлча тӀейогӀучу хенахь доьлур ду шу.

Лака 6:25

Къа ду шун, хӀинца дуьзнарш, хӀунда аьлча тӀейогӀучу хенахь меца хир ду шу. Къа ду шун, хӀинца доьлуш дерш, хӀунда аьлча тӀейогӀучу хенахь шун бӀаьргех хин тачанаш оьхур ду.

Лака 7:38

Ӏийсана тӀехьа, когашка дӀа а хӀоьттина, йоьлхуш, бӀаьрхиш Цуьнан когаш тӀе а Ӏенош, юха шен ехачу месашца уьш дӀа а дохуш, Цуьнан когаш бакъа а беш, царах барташ бохура, царна тӀе хаза хьожа йогӀу даьтта дуьттура цо.

Лака 7:50

Ӏийсас цу зудчуьнга кхин а элира: «Хьан тешаро кӀелхьаръяьккхина хьо. ДӀаяло хьайна маьрша».

Якъуба 1:12

Декъалвина ву зенашна садеттарг, хӀунда аьлча иза зийначул тӀаьхьа, ял санна, хедар доцучу дахаран таж лур ду цунна Ша везачарна иза лур ду аьллачу Везачу Эло.

Довзийтинарг 21:4

Дала церан хӀора бӀаьрхи а дӀадоккхур ду. ХӀинца дуьйна кхин валар, я белхар, я тийжар, я лазар хир дац, хӀунда аьлча хьалхалера хӀуманаш дӀадевлла».