Маттай 17:4 - Делан Йозанаш

⁴ Кипас Ӏийсага элира: «Веза Эла! Ма дика Ӏа вай кхузахь! Хьуна лаахь, аса кхузахь кхо кхалор хӀоттор ю: цхьаъ Хьуний, цхьаъ Мусаний, кхозлагӀниг Эли-ЯхӀуний».

Маттай 17:4 Referencias Cruzadas

Забур 16:11

Уьш суна тӀе а гӀоьртина, хӀинца суна го а бина цара, шайн бӀаьргаш суна тӀе хьажийна цара, со лаьтта охьатаӀо гӀерта уьш.

Забур 4:6

Везачу Элана лерина нийса сагӀанаш цӀеначу даггара дахалаш, Цунах тешна хилалаш.

ЕшаӀ-ЯхӀу 33:17

Хьан бӀаьргашна паччахь гур ву шен хазаллехь, гена кхочуш долу латта а гур ду.

Закри-ЯхӀу 9:17

ЭхӀ-хӀай, мел исбаьхьа а, хаза а хир ду Цуьнан халкъ! КӀен ялто а, керлачу чагӀаро а, кегий нах а, мехкарий а денбийр бу.

Маттай 17:3

ЦӀеххьана церан бӀаьрг кхийтира Ӏийсаца къамел деш волчу Эли-ЯхӀу-пайхамарххий, Муса-пайхамарххий.

Лака 9:33

И ши стаг дӀаваха воьлча, Кипас элира: «Устаз! Ма дика Ӏа вай кхузахь! Кхо кхалор ей вай Хьуний, Мусаний, Эли-ЯхӀуний?» Цунна шена а ца хаьара ша хӀун дуьйцу оцу хенахь.

Яхьъя 17:24

Дада! И Ахь Суна белларш Со волчохь Соьца хила лаьара Суна. Царна а ган лаьа Суна Ахь делла долу сийлалла, хӀунда аьлча Хьуна Со дуьне кхоллале дуьйна а везнера.

Яхьъя 7:2

ТӀедогӀуш дара Кхалорийн деза денош.

Пилапхошка 1:23

Шинна а агӀор Ӏожалло а, дахаро а, къуьйлуш ву со. Аса сатуьйсу, вала а велла, Дала леррина Къобалвинчуьнца со хиларе, хӀунда аьлча иза дуккха а гӀолехь хир дара.

1 Яхьъяс 3:2

Сан хьоменаш! ХӀинца вай Делан бераш ду, амма кхул тӀаьхьа вайх муьлш хир ду цкъа хӀинца а дӀа ца делладелла вайна. Вайна хаьа, Дала леррина Къобалвинарг веанчу хенахь, вай а Цунах терра хир дуй, Иза Ша ма-варра вайна гун волу дела.

Довзийтинарг 21:23

Оцу гӀалина иза серлаялийтархьама я малх, я бутт ца оьшу, хӀунда аьлча Делан сийлаллин нуьро серлайоккху иза. Ӏахар а цуьнан къуьда бу.