Маттай 1:8 - Делан Йозанаш

⁸ Аса – ЯхӀушаптин да, ЯхӀушапти – Йораман да, Йорам – Ӏузи-ЯхӀун да,

Маттай 1:8 Referencias Cruzadas

Сулим 15:24

ТӀаккха Аса-паччахь, дӀа а кхелхина, шен дайх дӀакхийтира. Царна уллохь иза Даудан гӀалахь дӀавоьллира. Цуьнан метта паччахь хӀоьттира ЯхӀушапти.

ТӀаьххьарнаш 14:21

ТӀаккха дерриг а ЯхӀудан халкъо ялхитта шо кхаьчна волу Ӏузи-ЯхӀу шен ден Амци-ЯхӀун метта паччахь дӀахӀоттийра.

ТӀаьххьарнаш 3:1

ЯхӀудхойн паччахь волчу ЯхӀушаптис паччахьалла деш долу берхӀитталгӀа шо долуш, исраилхойн паччахь хилла дӀахӀоьттира Ахьабан кӀант ЯхӀурам. Цо шийтта шарахь, Шамран-гӀалахь Ӏаш а волуш, паччахьалла дира исраилхошна тӀехь.

ТӀаьххьарнаш 8:16

Ахьабан кӀанта Йорама Исраилан халкъана тӀехь паччахьалла до пхоьалгӀа шо долуш, ЯхӀудан халкъана тӀехь ЯхӀушапти паччахь волуш, яхӀудхойн кхин паччахь дӀахӀоьттира ЯхӀушаптин кӀант ЯхӀурам.

1 Шерашкахь 3:11

ЯхӀушаптин кӀант хилира ЯхӀурам. ЯхӀураман хилира кӀант Ахьаз-ЯхӀу. Ахьаз-ЯхӀун хилира кӀант Юаш.

2 Шерашкахь 21:1

ЯхӀушапти, дӀа а кхелхина, шен дайх дӀакхийтира. Иза царна уллохь, Даудан гӀалахь, дӀавоьллира. ЯхӀушаптин метта паччахь хилира цуьнан кӀант ЯхӀурам.

Маттай 1:7

Сулим-паччахь РахьбуӀаман да хилла, РахьбуӀам – Аби-ЯхӀун да, Аби-ЯхӀу – Асин да,

Маттай 1:9

Ӏузи-ЯхӀу – Йовтаман да, Йовтам – Ахьазан да, Ахьаз – Хьузакх-ЯхӀун да,