Маттай 1:3 - Делан Йозанаш

³ ЯхӀуд – Парасан а, Зерахьан а да, ткъа церан нана Тамара хилла. Парас Хьацранин да хилла, Хьацрани – Раман да.

Маттай 1:3 Referencias Cruzadas

Доладалар 38:11

ТӀаккха оцу шинна хилларг жимаха волчу кӀантана Шейлана хиларна кхоьруш, ЯхӀуда элира шен несе Тамаре: «Сан кӀант Шейла воккха хиллалц, хьайн да волчу дӀа а гӀой, йисина Ӏаш йолу зуда Ӏа ма-еззара Ӏе». Тамара шен ден цӀа дӀаяхара.

Доладалар 38:6

Шен дуьххьарлерачу кӀантана Ӏаьрана Тамара цӀе йолуш зуда ялийра ЯхӀуда.

Доладалар 46:12

ЯхӀудан кӀентий: Ӏаьр, Онан, Шейла, Парас, Зерахь. (Ӏаьр а, Онан а КанаӀан-махкахь кхелхинера). Парасан кӀентий: Хьацрани, Хьамал.

1 Шерашкахь 4:1

ЯхӀудан хилира хӀара кӀентий: Парас, Хьацрани, Карма, Хьор, Шубали.

1 Шерашкахь 9:6

Зерахьан тӀаьхьенах вара ЯӀуал а, цуьнан вежарий а. ЯхӀудан тӀаьхьенах верг верриг а ялх бӀе везткъе итт стаг вара (690).

Маттай 1:2

ИбрахӀим Исхьакхан да хилла, Исхьакх – Якъубан да, Якъуб – ЯхӀудан а, цуьнан вежарийн а да,

Маттай 1:4

Рам Ӏамминадабан да хилла, Ӏамминадаб – Нахьшонан да, Нахьшон – Салманан да,

Лака 3:33

Нахьшон Ӏамминадабан, Ӏамминадаб Адманан, Адман Раман, Рам Хьацранин, Хьацрани Парасан, Парас ЯхӀудан,