Карлабаьккхинарг 8:8 - Делан Йозанаш

⁸ Оцу лаьтта тӀехь кӀа а, мукх а, кемсийн таьллангаш а, инжирийн а, нарийн а дитташ а, зайт-дитташ а, моз а ду.

Карлабаьккхинарг 8:8 Referencias Cruzadas

Доладалар 49:11

Цо шен вир кемсийн таьллангах дӀатосур ю, ткъа виран кӀорни – тоьллачу гаьннах. Тоьллачу чагӀар чохь шен бедар яшор ю цо. ЧагӀаран мутта чохь шен духар дуьттур ду цо.

Дауд 4:6

Ткъа кевнера кӀа цӀандеш йолчу ялхочунна наб кхеттера. Рахбий, БаӀний Иш-Бошатан цӀа чу велира. Цуьнан гайх тур а Ӏоьттина, уьш бевдда дӀабахара.

Сулим 5:11

Ткъа Сулим-паччахьо бӀе эзар гали кӀа а, цхьа эзар биъ бӀе чами тоьлла долу зайтдаьтта а дохьуьйтура хӀора шарахь Хьирам-паччахьан цӀахь мел волчунна.

ТӀаьххьарнаш 18:32

аса, ван а веана, шена тӀехь кӀа а, чагӀар а долуш, бепиг а, кемсийн бошмаш а йолуш, зайт-дитташ а, моз а долуш, шун латта санна долчу лаьтта тӀе шаьш дӀадиггалц. Цу тайпана шу дехар а ду, лийр а дац. ‹Везачу Эло вай кӀелхьардохур ду›, – бохуш, шаьш ледеш волчу Хьузакх-ЯхӀуга ла ма догӀа.

ЕшаӀ-ЯхӀу 7:23

Иштта хӀума а хир ду цу хенахь: эзар дато шекхал ахча мах болу эзар кемсийн таьлланг хьалайолучу меттехь коканан а, кӀохцалан а коьллаш евр ю.

Ярми-ЯхӀу 2:7

Аса шу токхечу лаьтта тӀе схьадалийра, цуьнан ялта а, дика хӀуманаш а шуьга яийта. Амма аша, схьа а даьхкина, Сан латта бехдира, Сан долахь долчух аша дегаза меттиг йира.

Ярми-ЯхӀу 5:17

Цара хьан ялта а, мел болу кхача а дӀабуур бу, хьан кӀентий а, зудабераш а хӀаллакдийр ду, хьан уьстагӀий а, стерчий а дӀадуур ду, иштта хьан кемсаш а, инжираш а дӀакхоллур ю. Цара шайн таррашца хьуна чӀагӀйина хеташ йолу а, шу сатуьйсуш йолу а массо а гӀаланаш хӀаллакйийр ю.

Яхьазкхиал 27:17

ЯхӀуд-мохк а, Исраил-мохк а хьоьца мах лелош бара, хьан сурсаташна дуьхьал Минитара кӀа а, сегӀаз а, моз а, даьтта а, хьакхарш а лора цара.

ХӀушаӀ 2:22

Ткъа ялтин а, чагӀаран а, даьттанан а дехарна лаьтто жоп лур ду, ткъа цара „ИзраӀал“ – Дала дӀадоь – аьлла, жоп лур ду.

ХӀушаӀ 2:8

Цунна ца лаьа къобалдан ялтий, чагӀаррий, даьттий шена луш Верг Со хилар, шен дети а, деши а алсамдаьккхинарг а Со хилар, ткъа цо царах БаӀал-цӀу дӀахӀоттийна.

Мика-ЯхӀу 4:4

Амма хӀорра а шен-шен кемсийн таьллангана кӀел а, шен-шен инжиран дитта кӀел а хиъна Ӏийр ву. Царна цхьаммо а кхерамаш туьйсур бац, хӀунда аьлча массо а ницкъийн Везачу Эло аьлла иза.

Хьабукъа 3:17

Инжиран дитто заза ца даккхахь а, кемсийн таьллангана тӀе стом ца латабахь а, зайтдитто сатийсинарг ца лахь а, аренаша ялта ца лахь а, жоьлехь уьстагӀий ца дисахь а, божалахь даьхний ца дисахь а,

Лелар 13:23

Меттамотт болчуьра дӀа а бахана, НегӀаб цӀе йолчу яьссачу аренгахула чекх а бевлла, Хьеврон-гӀала кхечира уьш. Цигахь бехаш бара Ӏаьнакхан тӀаьхьенах йолу Ахьиманан, Шешайн, Талмайн гаранаш. Ткъа Хьеврон-гӀала яра Мисар-махкарчу ЦоӀан-гӀаланал ворхӀ шо хьалха дӀахӀоттийна.

Яхьъя 6:13

ТӀаккха и нах яа хӀума йиъна бевлча, царах йисина йолу оцу мекхан деман пхеа баьпкан юьхкаш схьа а гулйина, мурдаша шийтта тускар дуьзира.

Яхьъя 6:9

«Кхузахь цхьа кӀант ву, цуьнгахь мекхан демах бина пхи хьокхам а, ши чӀара а бу. Амма цунах хӀун хир ю кху халкъана?»

Карлабаьккхинарг 32:13

Цо иза лаьттан локхаллина тӀехь леладойтура. Цо иза аренаш тӀехь хьалаяьллачух дузадора, тӀулгах схьа долу моз а, чӀогӀачу тархах схьадолу зайтдаьтта а даадора цунна.

Карлабаьккхинарг 32:14

Цо бежанийн кӀалд, жийн шуьреш, дерстина Ӏахарий а, гезарий а, Башанера тоьлла долу бежанаш а, тоьлла долу кӀа а даадора оцу халкъана. Кемсех даьккхина долу чагӀар муьйлура цара.

Карлабаьккхинарг 6:3

Исраилан халкъ, ла а догӀа, уьш леррина кхочуш а де, шайна дика хилийтархьама а, шу алсам дебийтархьама а шуьрех а, мазах а дуьзна токхе лаьтта тӀехь, шун дайн Везачу Дала шуна чӀагӀо ма-ярра.

Карлабаьккхинарг 8:7

Шун Везачу Дала шу беркатечу лаьтта тӀе дӀадуьгуш ду. Оцу лаьтта тӀехь татолаш, Ӏемаш а, шовданаш а ду, тогӀешкара а, лаьмнашкара а схьадуьйлуш долу.

Карлабаьккхинарг 8:9

Оцу лаьтта тӀехь цхьа а эшам ца хаалуш, аша шайн бепиг а дуур ду, цхьана а хӀуманна тӀехь эшаме а хир дац шу. Оцу лаьттарчу тархаш чохь эчиг ду, ткъа оцу лаьттан лаьмнаш чуьра аша цӀаста доккхур ду.