Карлабаьккхинарг 6:4 - Делан Йозанаш

⁴ ЛадогӀа, Исраилан халкъ: вайн Веза Дела – цхьа Веза Эла ву.

Карлабаьккхинарг 6:4 Referencias Cruzadas

Сулим 18:21

Эли-ЯхӀу-пайхамаро, дерриг а халкъана хьалха дӀа а хӀоьттина, элира: «Шу дукха лелар дуй те шинна а когана астагӀа лелхаш? Нагахь санна Веза Эла Дела велахь, Цунна тӀаьхьахӀитта. Ткъа Иза БаӀал велахь, цунна тӀаьхьахӀитта». Халкъо цхьа а дош ца элира цуьнга.

ТӀаьххьарнаш 19:5

Хьузакх-ЯхӀу-паччахьан ялхой шена тӀе баьхкича,

1 Шерашкахь 29:10

ТӀаккха гуламе гулбеллачу массарна а хьалха, Веза Эла декъалвеш, Дауд-паччахьо элира: «Азалера абаденналц декъала ву Хьо, Веза Эла, тхан ден Исраилан Дела.

2 Шерашкахь 17:9

Везачу Элан товрат-хьехамаш тӀехь болу тептар карахь а долуш, хьоьхура цара ЯхӀуд-махкахь. ЯхӀуд-махкарчу ерриге а гӀаланашкахула чекх а буьйлуш, халкъана хьехарш дора цара.

Нахьми-ЯхӀу 9:6

Хьо – Веза Эла ву! Хьо бен, цхьа а вац! Ахьа стигалш а, царна чохь мел долу седарчий а кхоьллина! Уггар лекха стигалш а, царна чохь мел болу ницкъаш а кхоьллина Ахь! Ахьа латта а, цу лаьтта тӀехь мел долу хӀума а кхоьллина! Ахьа хӀордаш а, цу чохь мел долу хӀума а кхоьллина. Массо а хӀуманна дахар а делла. Стигалара ницкъаш а Хьуна Ӏибадат деш ду!

Забур 78:5

Веза Эла, мел дахлур ду те Хьан оьгӀазвахар, Хьан эмгаралла, цӀе санна, йогуш мел лаьттар ю те?

ЕшаӀ-ЯхӀу 42:8

Со Веза Эла ву, иза ю Сан цӀе. Сайна йогӀу сийлалла кхечу далла дӀа ца йолуьйту Ас. Сайна богӀу хастам цӀушна ца бойту Ас.

ЕшаӀ-ЯхӀу 44:6

Иштта боху Везачу Эло, Исраилан халкъан Паччахьо а, и халкъ ПаргӀатдоккхучо а, массо а ницкъийн Везачу Эло: «Со Дуьххьарлерниг а, ТӀаьххьарлераниг а ву, Со воцург, кхин Дела вац.

ЕшаӀ-ЯхӀу 44:8

Кхера а ма кхера, доха а ма доха. Ширачу заманахь дуьйна хӀокху хене кхаччалц, дерриг а хиндерг Ас дӀакхайкхийна. Ткъа шу Сан тешаш а ду. Со воцург, кхин Дела вуй? ХӀан-хӀа, кхин цхьа а Тарх яц. Суна ца евза цхьа а».

Закри-ЯхӀу 14:9

Ткъа Веза Эла дерриг а дуьненна тӀехь Паччахь хир ву. Цу дийнахь цхьа Веза Эла бен Дела санна лорур вац, Цуьнан цӀарца бен Деле кхойкхур бац.

Маттай 22:37

Цо жоп делира: «„Хьайн Веза Дела доггах, доллучу синца, дерриг а хьекъалца веза“.

Лака 10:27

Вукхо жоп делира: «„Хьайн Веза Дела доггах, доллучу синца, дерриг а хьекъалца веза“, „Хьайн уллораниг хьо санна веза“».

Яхьъя 10:30

Со а, Сан Да а – Тхо цхьаъ ду».

Яхьъя 17:3

Ткъа Хьо волчохь хедар доцу дахар бохург ду: цхьаъ бен воцу бакъволу Дела волу Хьо а, Ахьа дуьнен чу вахийтина волу Айхьа леррина къобалвина волу Ӏийса а вовзар.

Римхошка 3:30

Дела цхьаъ бен вац. Адамийн тешарехула Цо сунтбинарш Шена хьалха бакъбо, ткъа оццу тешарехула Цо сунтбаза берш а бакъбо Шена хьалха.

Эпасхошка 4:6

Массеран цхьа Дела а, Да а ву. Иза массарна тӀехь а ву, массаьргахула болх беш а ву, массарна чохь волуш а ву.

Карлабаьккхинарг 4:39

ДӀа а хаа, шайн даг чохь а латтаде, Веза Эла лакхахь стигалахь а, лахахь лаьтта тӀехь а Дела вуйла а, И воцург, кхин цхьа а дела воцийла а.

Карлабаьккхинарг 5:6

„Со Веза Эла ву, шун Дела, шу Мисарара лоллехь долчуьра Арадаьхнарг.

1 Тимапига 2:5

Дела цхьаъ бен вац, иштта Далла а, адамашна а юкъахь юкъарло лелош Верг а цхьаъ бен вац. И Стаг Дала леррина Къобалвина волу Ӏийса ву.

Якъуба 2:19

Хьо теша Дела цхьаъ хиларх, иза дика ду. Ур-атталла жинаш а теша Иза хиларх – ткъа уьш кхерарна дегадо!