Карлабаьккхинарг 32:22 - Делан Йозанаш

²² ХӀунда аьлча Сан оьгӀазаллех цӀе яьлла, лахарчу эхарте кхаччалц дагадо цо. ЦӀаро латта доу лаьтто кхиийначуьнца цхьаьна, чахчош ду лаьмнийн кӀажаш.

Карлабаьккхинарг 32:22 Referencias Cruzadas

Тийжамаш 4:11

Л атийра Везачу Эло Цийонехь цӀе, иза бухара дуьйна яга а еш. ОьгӀазвахара Веза Эла, Шен дералла тӀехьажийра Цо Цийонна тӀе.

Ярми-ЯхӀу 15:14

Аса уьш, мостагӀийн лолле дӀа а белла, шайна бевзаш боцучу махка дӀабохуьйтур бу. Сан дералло цӀе латор ю, ткъа оцу цӀеро уьш дӀакхоллур бу».

Цапни-ЯхӀу 3:8

Иштта, хьежа Соьга, – боху Везачу Эло, – царна дуьхьал тоьшалла дан Со гӀоттур волчу дийне хьежа. Ас билгалдаьккхина халкъаш тӀегулдар а, пачхьалкхаш тӀегулъяр а, Сайн оьгӀазалла царна тӀе Ӏанорхьама а, Сайн чӀогӀа дералла царна тӀе хьажорхьама а. Сан эмгараллин цӀаро дерриг а латта дӀакхоллур ду.

Мика-ЯхӀу 1:4

Цунна кӀелахь лаьмнаш дешар ду, цӀергахь лела балоз санна, уьш тогӀеш чу текхар ду, гуна тӀера охьадогӀу хи санна.

Ярми-ЯхӀу 17:4

Аса шу, мостагӀийн лолле дӀа а делла, шайна бевзаш боцучу махка дӀадохуьйтур ду, хӀунда аьлча аша Сан оьгӀазаллин цӀе самаяьккхина. И цӀе массо а ханна йогур йолуш ю».

Лелар 16:35

Везачу Элера цӀе йоьссира, цо дӀакхаьллира хаза хьожа йогӀучу сегӀазан сагӀа доккхуш волу ши бӀе шовзткъе итт стаг.

Ӏебархошка 12:29

хӀунда аьлча «вайн Дела массо а хӀума дӀахьулъеш йолу цӀе ю».

2 Тассалникахошка 1:8

Оцу хенахь шайна Дела вовза ца лиинчарна а, вайн Веза Эла волчу Ӏийсах болу хаза кхаъ тӀе ца эцначарна а дӀадоькхур ду Цо.

Маттай 23:33

Лаьхьанийн тӀаьхье! Жоьжахатих муха довла дохку шу?

Маттай 18:9

Хьан бӀаьрг бахьана долуш хьох къа леттехь, иза, схьа а баккхий, дӀакхосса. Цхьана бӀаьргаца Далла уллохь вехаш хилар гӀоле ду хьуна, ший а бӀаьрг а болуш, жоьжахатин цӀергахь хьо вагавойтучул».

Маттай 10:28

Ма кхера шайн дегӀ ден йиш хиларх, шун са церан карахь дац. Ткъа кхералаш шайн дегӀ а, са а жоьжахатехь хӀаллакдан йиш Йолчунах.

Хьабукъа 3:10

Хьо гича, лаьмнаш дегадо. Стигалара хиш охьахьовду. КӀоргачу хӀордо шен аз схьахозуьйту, леккха шен куьйгаш хьала а ойу.

Яхьазкхиал 36:5

Иштта боху Хьалдолчу Эло: ‘Сайн карзахдаьллачу эмгараллехь Ас элира кхечу къаьмнашна а, Эдомна а дуьхьал, хӀунда аьлча цара, шайн дагахь са а къералуш, кхарда а кхаьрдаш, Сан латта шайна дола даккхархьама дӀаэцна, цуьнан дежийлаш шайна ижу санна хилийтархьама’“.

Тийжамаш 2:3

В уно чӀогӀа дар а велла, Ша оьгӀазвахча, Исраилан берриг а ницкъ Цо хӀаллакбина дӀабаьккхи. МостагӀий царна хьалха дӀахӀиттича, Шен аьтту куьг царна тӀера Цо юхадерзий. Цо иза дича, йогуш йолчу цӀеро санна, вайн махкара гонах мел дерг Цо дӀа ма кхаьлли.

Ярми-ЯхӀу 4:4

Веза Эла волчу Сан дуьхьа сунтде, ЯхӀудан халкъ! Шайн дегнаш тӀера пардо дӀа а даьккхина, уьш цӀан а дина, сунтбина хила, Ярушалайман бахархой! Шу иштта ца лелахь, Сан дералла, цхьаьнгге а сацалур йоцу сийна цӀе санна, летар ю, аша мел лелийнарг бахьана долуш».

ЕшаӀ-ЯхӀу 54:10

Лаьмнаш дегадахь а, гунаш меттахдовлахь а, Сан хьоьга болу хедар боцу безам дӀабер бац, Сан хьоьца бина машаран барт меттахбер бац», – боху хьох къинхетам беш волчу Везачу Эло.

ЕшаӀ-ЯхӀу 30:33

Дукха хенахь дуьйна Тупат цӀе йолу меттиг кечйина ю, цигахь цӀе латорхьама. И меттиг Ашуран паччахьна лерина ю. Иза кӀорга а, шуьйра а ю. Цу цӀерга туьллуш алссам дечиг ду, иза йоккха хилийта. Везачу Эло мох тоьхча, саьмгал санна, хьалалетар ю иза.

ЕшаӀ-ЯхӀу 24:6

Цу бахьанина латта неӀалто дӀакхоллу, ткъа цунна тӀехь Ӏаш болчара шайн къиношна доггӀург дӀакхоьхьу. Цу бахьанина лаьтта тӀера бахархой морцуш бу, цхьа кӀезиг бен ца буьтуш.

Забур 144:5

Д уьйцур ду аса Хьан доккхачу сийлаллин барамах. Хьан инзаречу гӀуллакхех лаьцна ойла йийр ю ас.

Забур 97:3

Цо биц ца бина Шен хедар боцу безам а, Исраилан халкъана Ша тешаме хилар а. Лаьттан массо а маьӀӀера болчу нахана дӀагина вайн Дала Шен халкъ кӀелхьардаккхар.

Забур 46:2

Ва массо а халкъаш, тӀараш деттийша! Даккхийдеран озаца Деле кхайкхийша!

Забур 21:9

«Везачу Элах тешна ма вара иза – Цо иза кӀелхьарваккха веза-кх. Везачу Эло иза паргӀатвоккхийла, Ша цунна реза велахь».

Карлабаьккхинарг 29:20

Везачу Эло ишттачунна гечдийр дац, амма Везачу Элан оьгӀазлонан а, дераллин а цӀе ер ю ишттачу стагана. Кху тептар тӀехь яздина долу дерриге а неӀалташ цунна хир ду. Везачу Эло цуьнан цӀе а дӀайойур ю лаьтта тӀера.

Ӏамалъяр 26:20

Эрна хир ду аша къахьегар, лаьтто ялта лур дац шуна, дитташа стоьмаш а лур бац.

Лелар 16:33

Шайн долахь мел хиллачу хӀуманца, дийна боллушехь, лаьттан кийра а бахана, эхарта чу бахара уьш. Лаьтто дӀахьулбира уьш. Халкъана юкъара, хӀаллак а хилла, дӀабевлира уьш.

Яхьазкхиал 38:19

Сайн эмгараллица, Сайн дераллин цӀерца Ас чӀагӀо йо, оцу дийнахь Исраил-махкахь чӀогӀа мохк бегор бу аьлла.

Ӏамос 7:4

Сан Хьалдолчу Эло, хаам беш, иштта сурт гайтира суна: Везачу Эло кхел ян цӀе кхоьллира. Оцу цӀеро лаьттана бухахь болу боккха хӀорд а бакъийра, ткъа кхаш дӀа а кхаьллира.

Тийжамаш 2:2

Б ерриге а Якъубан мохк Хьалдолчу Эло хӀаллакби. Къа ца хеташ, къизаллица Цо и бохийна дӀабаьккхи. Ша дарвеллачохь Цо йохийна дӀаяьккхи ЯхӀуд-мехкан ерриге а чӀагӀйина йолу меттигаш. Пачхьалкх а, цуьнан элий а Цо лаьтта охьа ма теси, сийсаз а баьхна, уьш берриш а Цо охьа а ма бехки.

Тийжамаш 2:4

Г онахарчу мостагӀчо санна, секхаӀад Цо тӀехьажий. Куьг тӀе а кховдийна, мостагӀчо санна, бӀаьргана мел безнарш хӀаллакби. ЦӀе санна йолу Шен дералла Цийонан йоӀан четар чу Цо охьаӀаний!

Яхьазкхиал 19:12

Амма, оьгӀазаллехь лаьттара хьала а даьккхина, и таьлланг лаьтта охьакхоьссира. Малхбалехьара схьахьаькхначу мохо цуьнан стом бакъийра. Цуьнан онда га дакъаделира, ткъа цӀеро иза дӀа а кхаьллира.

Яхьазкхиал 22:21

Шу схьа а гулдина, Ас Сайн оьгӀазаллин цӀеран Ӏаь тухур ю шуна тӀе, тӀаккха шу цу юкъахь лелар ду.

Ӏамос 5:6

Лехалаш Веза Эла – дийна дуьсур ду шу. ЦӀеран алу санна, Иза Юсупан цӀенна тӀе ма кховдийта. Оцу цӀеро иза хӀаллакдийр ду. Бетал-гӀалахь цхьа а хир вац и цӀе дӀаяйа.

Цапни-ЯхӀу 1:18

Церан долахь долчу я детига, я дешига кӀелхьарбахалур бац уьш Везачу Элан оьгӀазаллин дийнахь. Цуьнан эмгараллин цӀеро хӀара дерриге а латта дагийна дӀакхоллур ду. Цо лаьтта тӀехь вехаш волу хӀорра а цӀеххьана кхоччуш дӀавоккхур ву.