Карлабаьккхинарг 24:15 - Делан Йозанаш

¹⁵ Цунна дӀабала беза мах цо болх бинчу дийнахь малх чубузале дӀало. Иза къен волу дела, и ахча цунна оьшуш ду вахархьама. Иза де, цуьнга Везачу Эле Ӏаткъам а байтина, шайх къа ца хьарчийтархьама.

Карлабаьккхинарг 24:15 Referencias Cruzadas

Аюб 31:13

Нагахь ас сайн ялхошца нийсо лелош ца хиллехь, церан сайца къовсам баьлча,

Аюб 31:38

Сан лаьтто суна дуьхьал кхайкхош делахь, оханна тӀера хершнаш доьлхуш делахь,

Аюб 34:28

Уьш бахьана долуш, къечеран узарш Далла хьалха ду, ткъа гӀело хьоьгучеран узарш а Цунна дӀахезаш ду.

Аюб 35:9

Дуккха а йолу гӀелонаш ловчу адамаша орца доккху, ницкъболчийн куьйгаш кӀелара схьахезаш ду церан узарш.

Аюб 7:2

Стаг, суьйренан ӀиндагӀах хьоьгуш волу лай санна ву, иза иштта алапе сатесна волу белхало санна а ву.

Забур 24:4

Г айтахьа суна, Веза Эла, Хьайн некъаш, Хьайн лаамаш а бовзийтахьа суна.

Забур 25:1

Даудан назма. Веза Эла, бехказаваккхахьа, цӀеначу новкъахула леларна, со. Цкъа а гал ца волуш, Хьох тешна лелаш ма вара со.

Забур 86:4

«Со вевзачу къаьмнашна юкъахь Ас хьахор ду Мисаран къам а, Бавелан къам а. ПӀелаштамхойх а, цорахойх а, хушахойх а лаьцна эр ду, уьш Сан гӀалахь бина бу аьлла».

ЕшаӀ-ЯхӀу 5:7

Берриге а ницкъийн Везачу Элан кемсийн беш – иза Исраилан халкъ ду, ЯхӀудан халкъан адамаш Цунна хазахетта йолу таьллангаш ю. Иза нийсо хиларе хьийжира, амма ницкъ бар хилира, бакъдолчуьнга хьийжира, амма бакъонаш йохор хилира.

Ярми-ЯхӀу 22:13

Декъаза ву шен паччахьан цӀенош хьарамлонца дийриг, цӀенойн лакхара чоьнаш харцонца йийриг, шен махкахошка маьхза къахьоьгуьйтург, цара бинчу балхана алапа ца лург.

Ӏамалъяр 19:13

Ницкъаца хьайн уллорачуьнгара хӀума схьа а ма яккха, иштта цунна къола а ма де. ТӀелаьцна болх биначунна йогӀу ял сахиллалц цунна ца луш ма Ӏе.

Ӏамалъяр 25:35

Нагахь санна хьайн ваша, къийвелла, таро йоцуш велахь, гӀо де цунна, тӀевеанчу стагана я хьешана санна, иза шуна юкъахь кхидӀа а Ӏайта.

Малъаки 3:5

«Со шуна гергакхочур ву кхел ян. Аса сихха тоьшалла дийр ду бозбунчашна а, кхечуьнца лелачарна а, харц дуйнаш кхуллучарна а, тӀелаьцначу белхалочунна йогӀу ял дӀалуш боцучарна а, йисинчу зудчунна а, бо берана а гӀело ечарна а, тӀевеанарг дӀатоьттуш болчарна а, Соьга ларамах буьзна боцучарна а дуьхьал», – боху массо а ницкъийн Везачу Эло.

Маттай 20:8

Суьйре тӀекхаьчча, беш йолчу дас ша белхалошна тӀехьажа хӀоттийначуьнга элира: „Белхалой схьа а кхайкхий, царна алапа дӀало – тӀаьхьара болчарна тӀера дӀадоладай, хьалхарчарна тӀекхаччалц“.

Марк 10:19

Дала тӀедехкина гӀуллакхаш хьуна хууш ма ду: „Адам а ма де, нахаца а ма лела, къола а ма де, харц тоьшалла а ма де, хӀилла а ма леладе, дай-наний а лара“?»

Карлабаьккхинарг 15:9

„Декхарш дуьтуш долу ворхӀалгӀа шо тӀекхочуш ду“, – боху цӀена йоцу ойла шайн даг чу йожарх, варелаш, ларлолаш. Иза а аьлла, шайн къомах волчунна хьалха шу бӀаьрмециг довла мега, цунна юхалург хӀума а ца елла. Ткъа цо Везачу Эле латкъам бан тарло, тӀаккха иза шуна къилахь лорур ду.

1 Тимапига 5:18

ХӀунда аьлча Делан Йозано хӀара боху: «Оруш болчу стеран бага дӀа ма къовла». Кхин а боху: «Къахьоьгург шена догӀу алапа схьаэца хьакъ долуш ву».

Якъуба 5:4

Шун аренаш лелийначу белхалойн ял ю кхойкхуш, аша, дӀа ца луш, сацийна йолу. Ялта чудерзочеран тийжар массо а ницкъийн Везачу Элан лергашка кхаьчна ду.