Карлабаьккхинарг 2:4 - Делан Йозанаш

⁴ СеӀир-лаьмнаш тӀехь бехачу шайн гергарчу къомах болчу Ӏесавах схьабевллачийн лаьттахула чекхдовла дохкуш ду шу. Уьш шух кхералур бу, делахь а шу ларлуш хилалаш.

Карлабаьккхинарг 2:4 Referencias Cruzadas

Доладалар 25:23

Везачу Эло жоп делира цунна: «Ши тукхам ду хьан кийрахь, ши халкъ схьадер ду хьох, амма и шиъ декъалур ду. Цхьаъ вукхул онда хир ду, воккхаха верг жимаха волчунна гӀуллакх деш хир ву».

Доладалар 36:8

Иштта, дӀавахна, СеӀир-махкахь ваха хиира Ӏесав (я Эдом).

Арадаккхар 15:15

Цу хенахь Эдомера элий боьхна хьийзаш хир бу, Муабера баьччанаш дага тӀе кхерам тесна хир бу, КанаӀанера бахархой, кхерабелла, ша санна, бешна хир бу.

Арадаккхар 15:16

Кхерамо Ӏадор бу уьш! Хьан сийлахь куьг а гина, тӀулгаш санна, дӀатуьйр бу уьш, Хьан халкъ, Веза Эла, тӀехдаллалц, мехах паргӀатдаьккхина халкъ тӀехдаллалц.

Маттай 5:16

Нахана шуьгара серло гойла, шун дика гӀуллакхаш гайтархьама а, адамашка Далла хастам байтархьама а».

Лака 12:15

Цул тӀаьхьа Цо элира массаьрга а: «Варелаш! БӀаьрмециг ма хилалаш. Стеган дахар цуьнан хьолах лаьтташ дац шуна, иза мел дукха делахь а».

Эпасхошка 5:15

Варелаш, леррина хьовсалаш шаьш муха лела. Хьекъалалла доцурш санна а доцуш, хьекъалалла долуш дерш санна хилалаш.

Карлабаьккхинарг 2:3

„Тоьар ду шуна хӀокху лаьмнашна гонаш даха, къилбаседехьа дӀадерза.

Карлабаьккхинарг 23:7

Эдомхой дӀа ма татталаш, уьш шун гергара къам долу дела. Мисархошна а куралла ма елаш, шу церан лаьтта тӀехь тӀедаьхкина Ӏийна дела.

Пилапхошка 2:15

Далла хьалха бехк буьллийла доцуш, цӀена шаьш хилийтархьама. Аьрхачу а, телхинчу а тайпанна юкъахь шайца цхьа а вониг доцуш, Делан бераш санна дахалаш. Царна юкъахь стигалан серлонаш санна лела деза шу,

Ковлусихошка 4:5

Арахь болчаьрца хьекъале хилалаш. БегӀийла меттиг шайна нисъелча, хьехамаш бан пайденна хилийталаш.