Карлабаьккхинарг 15:9 - Делан Йозанаш

⁹ „Декхарш дуьтуш долу ворхӀалгӀа шо тӀекхочуш ду“, – боху цӀена йоцу ойла шайн даг чу йожарх, варелаш, ларлолаш. Иза а аьлла, шайн къомах волчунна хьалха шу бӀаьрмециг довла мега, цунна юхалург хӀума а ца елла. Ткъа цо Везачу Эле латкъам бан тарло, тӀаккха иза шуна къилахь лорур ду.

Карлабаьккхинарг 15:9 Referencias Cruzadas

Аюб 34:28

Уьш бахьана долуш, къечеран узарш Далла хьалха ду, ткъа гӀело хьоьгучеран узарш а Цунна дӀахезаш ду.

Забур 101:3

Соьга вон деанчу дийнахь Хьайн юьхь сох къайла ма яккхахьа. Хьайн лерг соьга схьадерзадехьа, со Хьайга кхойкхучу дийнахь суна сихонца жоп лохьа.

Забур 12:5

Ша сол тоьлла ма олийла сан мостагӀчо! Со эшна аьлла, хаза ма хетийла суна тӀаьхьа бевллачарна.

Забур 9:12

Цийон-лома тӀера олалла дечу Везачу Элана ала аша иллеш. Къаьмнашна юкъахь дӀакхайкхаде аша Цуьнан гӀуллакхаш.

Арадаккхар 22:22

Йисина Ӏачу зудчунна а, байшна а зе ма де.

Арадаккхар 22:23

Нагахь ахь царна зе дахь, Соьга уьш кхайкхича, церан мохь Суна хезар ма бу.

Арадаккхар 3:7

Везачу Эло элира: «Мисарахь Сайн халкъо хьоьгу бала гина Суна, тӀехӀиттиначара ницкъ барна цуьнан узарш хезна. Суна хаьа Сайн халкъан лазам.

Кицанаш 14:21

Шена уллорачух ца вешачо къа латадо, ткъа къечаьрца къинхетаме верг декъала ву.

Кицанаш 21:13

Мискачара доккху орца хезча, шен лергаш дӀакъовлуш волчунна, цо орца доьхуш мохь хьаькхча, цхьа а стаг цунна орцах вер вац.

Кицанаш 23:6

Саьхьарчу стеган шуьн тӀера яа хӀума ма яа, цуьнан мерзачу кхачанах вуьзна хила лууш ма хила,

Кицанаш 24:9

Сонтачу стага дан мел леринарг къилахь ду. Кхечарах кхаьрдарг дегаза хета нахана.

Кицанаш 28:22

Сутарчу стеган Ӏалашо сихха хьал гулдар ю, цунна ца хаьа, къоьлла шена мел уллохь ю.

Кицанаш 4:23

Уггар а коьртаниг – хьайн дог лардар ду, хӀунда аьлча цу чохь хьан дахаран шовда ду.

Ярми-ЯхӀу 17:10

Амма Веза Эла волу Со цуьнан даг чохь дерг хаа йиш йолуш ву, цуьнан тешар зен йиш йолуш а ву, цу нахана царна доггӀург дӀадалархьама».

Ярми-ЯхӀу 34:14

‘ХӀора ворхӀалгӀа шо дӀа мосазза долу, шуна ша воьхкина волу шайн къомах волу Ӏебархо дӀахеца веза аша. Цуьнга шайна ялх шарахь болх байта, тӀаккха иза мукъаваккха’. Амма цара Соьга ла ца дуьйгӀира, цара Со тидаме а ца ийцира.

Маттай 15:19

Аса иштта боху шуьга, дерриг а вониг даг чуьра арадолуш долу дела: вон ойланаш, стаг вер, ямартло, нахаца лелар, къола дар, эладита кхоллар, харцдерг дийцар.

Маттай 20:15

Сайн бахамах сайна луъург дан йиш йолуш вац со? Сан комаьрша хилар бахьана долуш ю хьан соьца йолу хьагӀ?“

Карлабаьккхинарг 15:1

«ВорхӀ шо чекх мосазза долу, декхарш схьа ца дохуш дита.

Карлабаьккхинарг 24:15

Цунна дӀабала беза мах цо болх бинчу дийнахь малх чубузале дӀало. Иза къен волу дела, и ахча цунна оьшуш ду вахархьама. Иза де, цуьнга Везачу Эле Ӏаткъам а байтина, шайх къа ца хьарчийтархьама.

Карлабаьккхинарг 31:10

Весет а деш, Мусас иштта элира: «ВорхӀ шо чекх мосазза долу, декхарш гечдаран шарахь, кхалорийн дезачу деношкахь,

Якъуба 4:17

Цундела, дан дезаш долу диканиг а хууш, и ца деш волчунна къа хир ду.

Якъуба 4:5

Шуна моьтту хир ду Делан Йозанашкахь эрна аьлла: «Дала вайна чохь Ӏан деллачу Синна вай Шен хила лаьа»?

Якъуба 5:4

Шун аренаш лелийначу белхалойн ял ю кхойкхуш, аша, дӀа ца луш, сацийна йолу. Ялта чудерзочеран тийжар массо а ницкъийн Везачу Элан лергашка кхаьчна ду.

Якъуба 5:9

Вовшашна аьрзнаш ма делаш, вежарий, шайна кхел ца яйтархьама, хӀунда аьлча Кхелахо неӀарехь лаьтташ ву.

1 Кипин 4:9

Шайн хӀусамашкахь вовшийн тӀеэца, яппарш а ца еш.