Довзийтинарг 3:15 - Делан Йозанаш

¹⁵ „Девза Суна шун гӀуллакхаш – шу я шийла а дац, я довха а дац. Я шийла, я довха делара шу!

Довзийтинарг 3:15 Referencias Cruzadas

Сулим 18:21

Эли-ЯхӀу-пайхамаро, дерриг а халкъана хьалха дӀа а хӀоьттина, элира: «Шу дукха лелар дуй те шинна а когана астагӀа лелхаш? Нагахь санна Веза Эла Дела велахь, Цунна тӀаьхьахӀитта. Ткъа Иза БаӀал велахь, цунна тӀаьхьахӀитта». Халкъо цхьа а дош ца элира цуьнга.

Кицанаш 23:26

Сан кӀант, дикка тидам бе сан, со лела некъ тамехь хуьлийла хьуна.

ХӀушаӀ 10:2

Исраилхойн дог мекарлонех дуьзна ду, церан къиношна доггӀург хӀинца царна дийр ду. Везачу Эло церан сагӀа доккху меттигаш а хӀаллакйийр ю, церан цӀушна дӀахӀиттийна тӀулгаш а дохор ду.

ХӀушаӀ 7:8

«Эпрайман халкъ вукху къаьмнех дӀаэделла. Иза буьйда дисинчу баьпках тера ду.

Маттай 10:37

Шен дай-наний Сол дукха дезаш верг Суна улло вала хьакъ долуш вац. Шен йоӀ я кӀант Сол дукхах дезаш верг а вац Соьца хила хьакъ долуш.

Маттай 24:12

Зен-зулам совдалар бахьана долуш, дукхахболчеран безам лахлур бу.

Маттай 6:24

Цхьана стеган шина элан ялхо хила йиш яц. Цунна цхьа хӀусамда везар ву, важа везар вац, я цхьанна хьесталур ву, ткъа вукхунах вешар вац. Цундела цхьаьний – Далла а, хьолана а ялхой хилалур дац шу».

Римхошка 12:11

Мало а ца еш, дукха болх белаш. Даим доьналла а долуш, Далла гӀуллакх делаш.

1 Коринтхошка 16:22

Нагахь Веза Эла ца везаш цхьаъ велахь, неӀалт хуьлийла цунна. Марана-тхьа. Волахь, вайн Веза Эла!

2 Коринтхошка 12:20

Кхоьру со, шу долчу веача, сайна луур доцучу тайпана шу хилла карорна. Иштта со кхоьру, со хила луур доцучу кепехь шуна со караварх. Кхоьру со, шуна юкъахь ишттаниг карадарна: девнаш дийлар, хьагӀ хилар, дералла, шена пайда лехар, мотт беттар, харцдерг кхоллар, кураллаш хилар, низам цахилар.

Карлабаьккхинарг 5:29

ЭхӀ-хӀай, Соьга ларамах дуьзна а хилла, дерриге а Сан весеташ кхочушдан даим церан дегнаш делахьара, шайна а, шайн берашна а гуттаренна диканиг хилийтархьама!

Пилапхошка 1:9

Аса доьху Деле шун даггара болу безам хӀума довзарца а, кхетамалла хиларца а кхин а алсамбаккхар,

2 Тассалникахошка 1:3

Динан вежарий! Вай Далла баркалла ала деза, Ӏийсах тешарехь шу чӀагӀлуш долу дела. Иза баккъалла а иштта ду, хӀунда аьлча шуна массарна а юкъахь хӀораннан а вовшашка болу безам кхин а алсамбуьйлуш бу.

Якъуба 1:8

Шалха ойланаш йолу стаг ма ву иза, ша дечу хӀуманна тӀехь чӀагӀо а йоцуш.

1 Кипин 1:22

Бакъдолчунна муьтӀахь хиларна, шайн синош а цӀандина, шайн динан вежарий шалхо йоцуш безаш ду шу. Ткъа хӀинца шайн ницкъ ма-кхоччу даггарчу безамца вовше дезалаш!

Довзийтинарг 2:2

„Девза Суна шун гӀуллакхаш. Хаьа Суна аша къахьоьгийла а, шу доьналла долуш дуйла а, мекара адамаш аша ловш доцийла а. Шаьш векалш ду бохурш а аша зийна, ткъа уьш харцлуьйш хилар а шуна хиъна.

Довзийтинарг 2:4

Делахь а, шуна дуьхьалдаккха хӀума ду Сан: аша шайн дуьххьарлера безам дӀатесна.

Довзийтинарг 3:1

«Сардис-гӀаларчу динан тобанан малике а дӀаязде: Иштта боху Шегахь Делан ворхӀ Са а, ворхӀ седа а Болчо: „Девза Суна шун гӀуллакхаш. Аша, шаьш дийна долуш санна, цӀераш лелайо, амма шу делла ду.

Довзийтинарг 3:16

Довха а, шийла а доцуш, шу мела хиларна, Ас Сайн багара а дӀадохур ду шу.