Довзийтинарг 16:4 - Делан Йозанаш

⁴ КхоалгӀачу малико шен боган чохь дерг хиш чу а, хин хьостанаш чу а охьадоьттира. Царах цӀий хилира.

Довзийтинарг 16:4 Referencias Cruzadas

Арадаккхар 8:5

Везачу Эло Мусага кхин а элира: «АхӀароне дӀаала, шен Ӏаса карахь йолу куьг хишна а, татолашна а, Ӏаьмнашна а тӀехула лаца алий. ТӀаккха берриг а Мисар-мохк пхьидех хьалабузур бу».

ЕшаӀ-ЯхӀу 50:2

Со схьавеанчу хенахь, цхьа а хӀунда вацара? Ас кхайкхича, дуьхьал жоп хӀунда ца делира? Сан куьг дацделла ткъа шуна гӀо дан, я Сан ницкъ дӀабаьлла ткъа шу кӀелхьардаха? Ас Сайн омрица хӀорд бакъабо, хих яьсса аре йо, тӀаккха царна чуьра чӀерий, хи а ца тоьий, дахкало, хьогаллина ле.

Яхьазкхиал 35:8

Ас лаьмнаш декъех хьаладузур ду, уьш массо а гунаш тӀехь а, тогӀеш чохь а, массо а Ӏаннаш чохь а Ӏохкуш хир ду, туьро хӀаллакдина.

ХӀушаӀ 13:15

Эпрайман халкъ кхидолчу Исраилан халкъашна юкъахь дебнехь а, малхбалера онда мох схьахьоькхур бу. Везачу Элан мох яьссачу аренгара схьабогӀур бу. Эпрайман халкъан шовда дакъалур ду, цуьнан хьоста а лекъар ду. Оцу мохо талхор ду сайрана чохь долу массо а деза сурсаташ.

Довзийтинарг 11:6

Цу шиннан карахь ду, Делера болу хаам шаьш дӀакхайкхочу деношкахь лаьтта тӀе догӀа ца даийтархьама, стигал дӀакъовлар. Иштта цу шиннан долахь ду хиш – церан олаллехь ду царах цӀий дар. Церан бакъо ю, шайна мосазза лии, муьлхха а тайпана долу ун Лаьттахь дӀасадаржо.

Довзийтинарг 14:7

Цу малико, мохь туххуш, бохура: «Делах кхералаш! Цунна хастамаш белаш! ХӀунда аьлча Цо кхел ен хан тӀекхаьчна. Стигал а, латта а, хӀорд а, хин хьостанаш а Кхоьллинчунна Ӏамал елаш».

Довзийтинарг 16:5

ТӀаккха хиш карахь долчу малико олуш суна хезира: «Нийса ву Хьо волуш волу а, хилла волу а Везаниг, Ахь йина кхелаш иштта хиларна.