Salmos 40:17 - Kaxinawá Bíblia (BR)

¹⁷ Hamẽ ẽ nuitapai bika betsa betsapa tenebiaya Senhor Deusuũ, ea hakimayamashãwẽ. Senhor Deusuũ, miã besti mĩ ea merabewamiski. Hatishuĩra ana ea manamama hamapai tibi ẽ tea ea hawaira tashnimariwe.

Salmos 40:17 Referencias Cruzadas

Salmos 34:4

Datekĩ Senhor Deus ẽ benakĩ yuka ea nĩkakĩ kemaya ha hawẽ ẽ dateai ea henemakĩ putamaimaki.

Salmos 34:6

Nuitapakĩ ẽ Senhor Deus kena ea nĩkakĩ kemakĩ ẽ bika teneai dasibi ea putamaniki.

Salmos 40:5

Ẽ shanẽ ibu Senhor Deusuũ, dami betsa betsapa hawẽrua itxapa mĩ anirã, nukuwẽ nuikĩ duawakĩ mĩ nuku ashũmiski. Tsuã mia binua mia keska betsa hayamaki! Mĩ pepakiri ẽ txanikauani hãtxatirubia haska washũ ẽ hati hatu yui keyutirumaki.

Salmos 69:33

Tsuara nuitapaibu Deusũ hatu nĩkamiski. Ha inũ, hawenabu itxakawakĩ bitxiti hiwe merã hatu bitxĩbiabu hawa hatu danaĩsmaki.

Isaías 41:17

Enabu nuitapai hawa pei hayabumã ũpash benabiai ibubis betxiabumaki. Ũpash manui hatũ hana tashkai tetsusĩbiaibũ hakia ea Senhor Deusũ ẽ hatu amashanaii. Israelĩ mekenika Deus eanã, henekĩ ẽ hawa hatu putabainama ishanaii.

Mateus 8:20

hawẽ xinã unãnũ, iwanã, Jesusũ yuikĩ: —Kamã inu hawẽ kini hayaki. Peiyabu hawẽ na hayabuki. Hakia matũ Hutxi Kayabi Iuwa eã ẽ hatu yusĩkubaunai hanu ushati hiwe ẽ hayamaki. Ẽ ikai keskai mĩ iriatirumẽ?— akaya

2 Coríntios 8:9

Ha inũ, nukũ Shanẽ Ibu Jesus Cristo nai anua hawẽ Epa Deusbe hiwea habe shanẽ ibuhairabia dasibi hawenabia henebirã hawẽ pepawẽ matu pepawanũ ika matuwẽ taea nuitapai matuwẽ nui mawaniki, hawẽ taea mã nuitapama dasibi haska yubakani mã ibu washanunã. Haska matu washuniwẽ taeshũ mã hatu merabewatiruki.

Hebreus 13:6

Haskakẽ ma nuku yubani haska haki txiti itã hawa dateama yuikĩ: “Yavé Deusũ ea merabewamiswẽ taea hamapai tibiwẽ tsuabũra txakabuwanũ ishũ ea amanũ ikaibu ‘Ẽ Shanẽ Ibũ ea merabewaya ẽ dateamaki’ ”, ikĩ hatu yuikubaĩtiki, dateamarã.

Santiago 2:5

Ẽ betsabu inũ ẽ puibuũ, matuwẽ nuikĩ ẽ matu abuai ẽ hãtxa nĩkairakãwẽ. Na mai anua tsuabura nuitapaibu Deusũ katua habũ Deus ikũwã kayabiaibu pepakanikiki. Hanua txipu haska hiwekũkainaiwẽ taeshũ niti akama nai anu habe hiwemashanai Deus yubakanishũ danãma hatu abumisshũ hatu manakushanikiki, nai anu hatu hiwemakinã.

1 Pedro 2:23

Hanushũ Cristo itxabiabu hatu bebis kemanamei hãtxama iniki. Isĩ tenemabiabu hawẽ hatu dateti hãtxa kuxipa tashnimama iniki. Hamẽ haskama Deusũ hatu unãti wakĩ txanima kaneismatũ hau mekekubainũ hawẽ hiwea hawẽ Epa Deus inãkubainiki.

1 Pedro 5:7

Ha inũ, hawara tibiwẽ mã bika tenei teai niti imis tibi Deus inãkubaĩkãwẽ, hatũ matukiri xinaĩkikirã.

Apocalipse 22:20

Na hãtxa hatũ ea pewamaitũ yuikĩ: “Txanima ẽ samama ana kashanaii”, ikaki. Habiaskaki. Nukũ Shanẽ Ibu Jesus Cristoõ, menã hawaira huriwe, nũ mia xinaĩnã.