Romanos 13:2 - Kaxinawá Bíblia (BR)

² Ha inũ, Deusũ hawẽ xinãnẽ tsuara katukĩ kuxipa wakĩ yunukĩ hatu shanẽ ibu wabiakẽ tsuabũra habũ hatũ shanẽ ibu yunua danãkĩ txibãkatsi ikabumawẽ taeshũ hatũ shanẽ ibũ hatu kupimashanikiki.

Kashinawa : Diosun Jesúswen taexun yuba bena yiniki

² Ja inun, Diosun jawen shinanen tsuada katukin kushipa wakin yunukin jatu xanen ibu wabiaken tsuabunda jabun jatun xanen ibu yunua danankin chibankatsi ikabumawen taexun jatun xanen ibun jatu kupimaxanikiki.

Romanos 13:2 Referencias Cruzadas

Êxodo 16:8

Moisĩ ana hatu yuikĩ: —Mã Senhor Deus yuaĩ nĩkashũ mã pinũbũ bari kaya nami matu inã mã yani wanũbũ penaya misi itxapari matu inãriashanikiki. Mã nukuki ha ibiaya nukurã, nũ hawamaki. Hakia nukuki ha ikama nukũ mekenika Senhor Deuski mã ha ikaii— hatu watã

Isaías 58:2

Ẽ hiwea bai unaĩ benima bestinũ ishũ shaba tibi mã ea benakubainaii, mae pepawẽ hiwea ikasi pepai inũ ẽ yunuti hãtxa txakabuwama kaneama ikasriairã. Ẽ yunuti kushipa pepa ea yukatã ea beparãkĩ ea uĩmai benimabirani ea anu bemisbuki.

Mateus 23:13

nasaukei dabeketã betsaburi metukĩ yuikĩ: —Deusũ hãtxa kenenibu yusĩnanãmisbu inũ fariseubu mã beparamebuũ, mã peirawa! Deusũ hãtxa hawẽ hiweti unãbiai nĩka pewama tsuabura Deus shanẽ ibuai anu hikikatsi ikaibu mã hatu nemamiski. Maturi mã hikitirumabia habu betsabu hikipanãbũ mã hatu nemakubainaii.

Marcos 12:40

Haska inũ, aĩbũ bene ma mawakĩ shũnunikẽ hawẽ hamapai pepayabi hawẽ hiwe mebinũ itã aĩbu beparãkĩ hakiri pe xinãmanikapai Deusbe hãtxai txaipahairamisbuki. Haskamisbuwẽ taeshũ Deusũ hatu unãti watã kupiarã, yumãhairashãkanikiki— hatu watã

Lucas 20:47

Haska inũ, aĩbu hawẽ benẽ shũnunitũ hawẽ hiwe bianũ, ishũ, aĩbu paraĩ beparani Deusbe hãtxai txaipahairakubaĩmisbuki. Haskamisbuwẽ taeshũ habu Deusũ hatu kupihairashanikiki— itã

Romanos 13:1

Ẽ betsabu inũ ẽ puibuũ, unãnuma nũ hiwenũbũ haska huni kuxipabu matũ shanẽ ibubu mã nĩkakubainũbũ matu yusĩnũ nĩkakãwẽ. Haska Deusũ amis habũ unãbumabiakẽ dasibi shanẽ ibu betsa betsapa mai anua katushũ Deusũ hawẽ kuxipawẽ hatu yunukĩ mistukubaĩmiski. Haskawẽ taeshũ hatũ yusĩa txibãkĩ hatũ yunuti inũ hatũ nemati dasibibũ nĩkakĩ hau txibãkubainũbũwẽ.

Romanos 13:3

Hanua yura kuxipabu matũ shanẽ ibubu Deusũ hatu warã, hau habu mã pepaibu hawẽ matu datekĩ mesewati akamaki. Hakia habũ txakabu akĩ habũ hãtxa txibãbuma haskaibuwẽ taeshũ nemakĩ hatu habu kupikatsi amiski. Haskawẽ taea mã dateyabi hiwekatsi ikamarã, hatũ yunuti inũ hatũ nemati hãtxa nĩkai pe hiwekĩ txibãkubaĩkãwẽ. Hanushũ shanẽ ibũ txanima mã hawa txakabuma unãkĩ hawa txakabu matukiri xinãtirubumaki.

Romanos 13:5

Ha inũ, hau Deusũ matu kupiyamashanũ, iwanã, matũ governo shanẽ ibubu Deusũ matu txibãmakatsis ikaiwẽ taeshũ hatu kuxipa wakĩ matũ shanẽ ibu wa habũ yunuti inũ hatũ nemati nĩkatã mã txibaĩnã, matu kupiai nemati bestimaki. Hakia haska Deusũ abuai akaibu nĩkakĩ mã xinãtirubuki.

Romanos 9:19

Deuskiri mã xinaĩ: “Hawara Deusũ nuku amakatsi ikai tsuabũra hawẽ xinã nũ beshtetirumaki, haki kayakinã.”

Tito 3:1

Ikũwaĩbu hau eskakubainũbũ ẽ mia hatukiri xinãmaii. Habũ mae yunuaibu shanẽ ibubũ hatu hawakirira yunuabu hatu nĩkatã hau ashũkubainũbũwẽ. Hawa txikixama hamapai tibi hatu yunuabu: “Hamaki”, ikama hau ashũkubainũbũwẽ.

Santiago 3:1

Ẽ betsabu inũ ẽ puibuũ, matuwẽ nuikĩ ana matu yusĩnũ nĩkakãwẽ. Hatira itxapa matũmebi hatũ yusĩnanũ ika hawẽ kemuyamakãwẽ. Na hiwea nũ unãmabia nũ Deus dayashunũ ikaiburã, haska tibi hatu merabewai nũ hãtxakĩ hatu yusĩbiamis habiawẽ taeshũri hawa kaneama Deusũ nuku tibi unãti washanikiki.

1 Pedro 2:13

Nukũ Shanẽ Ibuwẽ taea na mai anu matũ shanẽ ibubu hatu nĩkakĩ txibãkubaĩkãwẽ, ha dukũ hatũ mai pakea shanẽ ibu betsa binuatũ yunu keyua