Isaías 60:14 - Kaxinawá Bíblia (BR)

¹⁴ Habũ matu itxakawapaunibũ bakeburã, matuki mesei matu bebũ beti iki beshãkanikiki. Habũ matu danãhairabiapaunibu matũ tae namã dãti ishũ yuikĩ: ‘Mã Senhor Deusũ maewãki. Siãonã, Israelĩ Deus meribitũ maewãki’, akĩ matu kenashãkanikiki.

Isaías 60:14 Referencias Cruzadas

Gênesis 42:6

José Egito mai pakea hirabi shanẽ ibukĩ hatũ besti peiwẽ taeshũ shekiwã hatu inãyã hawẽ betsabũri binũ ishũ yukai bua haki nukutã hatũ beya txibaĩ José namã beti ikabu

Salmos 46:4

Hene ewapa teshesha daberã, haburã, Deusũ mae hawẽ benimakanikiki. Deus dasibi binuatũ mae meribi txakabumahaira hawẽ benimaikiki.

Provérbios 14:19

Huni txakabubũ huni pepabu bebũ dãti iki beti itã hatu kẽwãshãkanikiki. Huni pepabũ hiwe hikiti shui anushũ huni txakabubũ hatu ea ashãkanikiki.

Isaías 1:26

Matũ shanẽ ibu unãti wanikabu habu dukũ inibu keska ẽ ana matu katushũ yunushanaii. Matũ huni unanepabu habu dukũ inibu keska matu merabewakĩ ana ẽ matu katushũ yunuriashanaii. Haska tibi ẽ ana matu waya txipu tsuabũra matu uĩtã yuikĩ: ‘Ha maewã Jerusalém anurã, ana tsua itxakanika hayamaki. Ha maewã anushũ Deus besti txibãkubaĩkanikiki’, ishãkanikiki.

Isaías 45:14

Senhor Deusũ Israelbu yuikĩ: “Egito anua dayakapabu inũ, Etiópia anua mabu inananãmisbu inũ, Sabá anua ha yura keyatapabu habũ matu kẽwaĩ matũ tsumai escravo ishãkanikiki. Mane dispi txiwetameyawẽ neshea matu txipi mapua matu bebũ dãti itã kẽwãkĩ matu yuikĩ: ‘Txanima kayabi matuna besti Deus kayabi matu anuki. Ha bestihairaki, Deus betsa hayamarã’, ikaibũ”,

Isaías 45:23

Emebi hãtxai yubakakĩ hawẽ maemakĩ binumati ẽ yuimisrã, ha ẽ yubakani hãtxarã, ẽ meneshanaii. Eskashãkanikiki: Dasibibũ ea kẽwaĩ ea bebũ dãti itã, ‘Mia besti mĩ Deuski’, ikĩ ea datã akĩ

Isaías 49:23

Habu shanẽ ibuhairanibu betsairã, habu inũ hatũ aĩ matũri mã hatu tsuma washanaii. Matu dayashũkĩ matũ bakebu matu mekeshũshãkanikiki. Ha inũ, hatũ aĩbu bakebũ matũ bakebu matu txutxu amashũshãkanikiki. Matu bebũ maĩ beti ika dakashũ habũ matu kẽwãkĩ hatũ hanawẽ matũ tae tashushãkanikiki. Matu haska waibu uĩkĩ txanima ẽ matũ Senhor Deus mã eki txiti imis mã ana hawa eki dakeama ishanai mã unãshanaii.

Joel 3:8

Hanushũ matu manakuriakinã, matũ huni bakebu inũ matũ aĩbu bakebu Judeubu ẽ hatu inãshanaii. Hanushũ habũri Sabeu nawabu txai nenumahaira hiweabu hau peiwẽ hatu inãshanũbũ ẽ yunushanaii. Ea ẽ Senhor Deusũ ẽ haska matu yuiaii”, itã

Hebreus 12:22

Maturã, nukũ shenipabu na mai anua Deuski nukua datenibu keskama txanima kayabi Mati Sião inũ Deus hiweatũ maewã Jerusalém pepa txasha txasha ikai nai anu hanu hawẽ nai tsumabu hanu haki dasia tsuã hati tanatiruma habũ Deus kẽwaĩbu haskabu anu mã ma ikũwaĩ haki kemaki.

Apocalipse 14:1

Hanushũ ana uĩkĩ Deusũ txashuwã bake Sião mati anu ha yurabu 144.000 habe mapuabu hatibu hawẽ kena inũ hawẽ Epa Deusũ kena ha dabetũ kena hatũ betũkuki kene nea habe mapuabu ẽ uĩshu matu yuinũ nĩkakãwẽ.

Apocalipse 3:12

Tsuabũra ea danãma habũ maemakĩ binumisburã, hanu ẽ Epa Deusũ hiwe anu hawẽ txibu betsa keska tsuã betsetiruma keska ẽ matu washanaii. Hanua mã hani ana kaĩbaĩnama inũbariaii. Haska inũ, ẽ Epa Deusũ kena matuki kenekĩ netãkĩ hawẽ mae Jerusalém Bena ha mae nai anua butushanai hawẽri matuki kenekĩ netãkĩ ẽ kena benari ẽ matuki netãshanaii.

Apocalipse 3:9

Ha inũ, judeubu betsabu haska Deusũ abuai akamabia hãtxawẽ besti yuikĩ: Nũ judeubuki, ibiakĩ Satanás txibãkĩ haska abuai ashuĩ hiwemisbu judeubu kayabibumarã, ẽ matu abuhairamis hau unãnũbũ hatu babu watã matũ tae namã ẽ hatu dãti imashanai manayukãwẽ.