Ezequiel 18:23 - Kaxinawá Bíblia (BR)

²³ Hunibu txakabu hatũ txakabuwẽ mawaibu ẽ betxipaiamaki. Hakia shinã betsa wakĩ hatũ txakabu henetã hiweaibu ẽ kupitiwẽ hawa dateama hau hiwekubaĩshanũbũ ẽ betxipaimiski. Ea Senhor Deusũ ẽ hãtxa txanimawẽ ẽ mestẽwaiĩ.

Ezequiel 18:23 Referencias Cruzadas

Miquéias 7:18

Nukũ mekenika Senhor Deusuũ, minabu eskarabes tesheniwẽ nuikĩ mĩ hãtxa danãkĩ nũ txakabuwaima tere akĩ mĩ ana shinaĩsmawẽ taea Mekenika Yushĩ mia keska betsa tsua hayamaki. Nukuki sinatapakeama maĩtã haska mĩ nuku betxipaiai mĩ nuku uĩmamiski, nuku duawakubaĩkinã.

Lucas 15:10

Ikũkĩ habiaskari ẽ matu yuaii. Yura bestitxaitũ hawẽ txakabu atimas henetã hawẽ xinã betsa watã ikũwãyã Deusũ nai tsumabu benimamisbuki— iwanã,

Lucas 15:32

Haskabiakẽ mĩ betsa mashku mawa keska ixiã ma ana hiwea keskaki. Uatiã benuxina ikis nũ ma betxiawẽ taea benimai nũ beyusi nawai pehairaii”— hatu watã

1 Timóteo 2:4

Hatunã, hakiri hawẽ kakape txanima dasibibũ unãkĩ hau ikũwaĩ mekeshanũbũ Deusũ abuikiki.

Santiago 2:13

Deusũ nuku eska washanikiki. Matu yuinũ nĩkakãwẽ. Tsuabura nũ hatuwẽ nuisbuma Deusũri nuku unãti wai nuiama ishanikiki. Hamẽ tsuabura nũ hatuwẽ nuikubaĩmisburã, hanu kupikĩ unãti waitiã hawa nuku itxakawama hatu binumakĩ nuku pasha wakĩ binumashanikiki.

2 Pedro 3:9

Hanu Jesus huti wani ma binuaya habũ xinãtxakai hãtxamisburã, eskaki, xinãkãwẽ. Nukũ Shanẽ Iburã, matuwẽ taearã, hĩ hĩ ikamaki. Dasibibu Deuskiri xinã betsatã hau benui mawa kayabi iyamashanũbũ tenetã matu manakai ikũkainikiki.