2 Reis 1:3 - Kaxinawá Bíblia (BR)

³ habiatiãri Senhor Deusũ nai tsumã Tisbé anu hiwemis Elias yuikĩ: “Samaria anua hãtxa bunikabu shanẽ ibuhaira Acaziasĩ ma hatu yunua bekanikiki. Hatuki nukutãwẽ. Hatuki nukutã hatu yukatãwẽ: ‘Israelĩ enabu mekenika Deus hayamamẽ? ha mae Ecrom anu nawabũ yushibu Baal-Zebube anu mã yuka ishuĩ kairã?

2 Reis 1:3 Referencias Cruzadas

1 Reis 11:33

Salomão inũ hawẽ huni bakebũ ẽ hãtxa nĩkama danãkĩ ea henetã Sidom nawabu mekenika yushibu Astarote inũ Moabe nawabu mekenika yushibu Quemos inũ Amom nawa mekenika yushibu Milcom duawakĩ hatu kẽwãmisbuki. Haskakubainaibu uĩkĩ: Txakabukubaĩkanikiki, iwanã, ẽ hatukiri shinãmiski. Ha dikabi haska Davĩ ẽ hãtxa txibani keska wama ẽ yunuti hãtxa inũ ẽ nemati hãtxa txibãbumawẽ taeshũ ẽ hatu kupishanaii, 10 shukuabu mebĩkinã.

1 Reis 17:1

Mai pakea Gileade anu hawẽ mae Tisbé anu hiwea Deusũ hãtxa yuishunika Elias Acabe shanẽ ibuhaira anu kashũ dateama yuikĩ: “Israelĩ enabu mekenika Senhor Deusũ ea nĩkaya ẽ mia yuiaii, ẽ ha dayashũmistũ kenawenã. Eska ikũkaĩshanikiki. Ea nĩkawe. Ano tibi ikũkainaya ẽ yunuriama ui ana ikama inũ basnũ ana butuama ishanikiki”, abaini kaya

1 Reis 18:1

Aĩbũ hiwe anu hiwea 3 ano binukainaya Senhor Deusũ Elias yunukĩ yuikĩ: “Nenua kashũ Acabe hãtxa wakĩ uĩ ana karitãwẽ. Mĩ hanu kakẽ mai anu ui ẽ ana hatu yunushanaii”, aka

1 Reis 18:36

Jerusalém anushũ Senhor Deus kẽwãti hiwe anushũ inabu hirabi kuaibu habiatiãri Deusũ hãtxa yuishunika Eliasĩ txi tapu dapi nishũ hui kushipawẽ yuikĩ: —Abraão inũ, Isaque inũ, Israel mekenika Senhor Deusuũ, Israelĩ enabu dasibi mekenika Deus mĩ mia inũ ẽ mĩ tsuma mĩ ea yunushinawẽ taeshũ natiã dasibi ẽ abaũshu uĩkĩ hau unãhairanũbũ ikis hatu uĩmawe!

1 Reis 19:5

habianu hi tupã utapã namã daka ushahairakẽ nai tsuma hushũ datekĩ bestẽwãshũ yuikĩ: “Benitã piriwe”, aka

1 Reis 19:7

ana ha katxu Senhor Deusũ nai tsuma hushũ ana datekĩ yuikĩ: “Ana benitã piriwe. Mĩ hari kairã, txaihaira nenumaki. Itxapa mĩ piama txaihaira kai mĩ ana punu nukatiruki”, aka

1 Reis 21:17

hanua Tisbé anua Elias Senhor Deusũ yuikĩ: “Samaria anu hiwea Israelĩ enabu shanẽ ibuhaira Acabe anu hawaira kaĩ uĩritãwẽ, Jezreel anurã. Ikis Nabotẽ uva bai anu mĩ haki nukutiruki, ha bai ibuwanũ ika ma kakirã.

2 Reis 1:2

hanua shaba betsatiã Samaria anu Acazias hawẽ hiwe hawẽrua anu manaũri tapa betsa anua hanu niwe hikiti shui uĩbaũti anu tsaua hawa shinãma kauani maĩ tĩ iki txakamana txakayama isĩ tenei dakashũ hãtxa bunikabu hatu kena beabu hatu yunukĩ: “Ecrom anushũ hatũ mekenika yushibu Baal-Zebube ẽ txakamana ẽ isĩ teneai ẽ shushaimẽkaĩ, ea yukashũtãkãwẽ”, hatu wa buaibũ,

2 Reis 1:6

habũ kemakĩ yuikĩ: —Nũ kai bebũ huni betsa nukuki nukushũ nuku yuikĩ: “Harishũ shanẽ ibũ matu yunushu anu ana txĩtũribaĩkãwẽ. Haska Senhor Deusũ ea yuishu matũ shanẽ ibu yuiritãkãwẽ: ‘Israelĩ enabu mekenika Deus hayamawẽ taeshũ Ecrom anu nawabũ yushibu Baal-Zebube anu hau mĩ tsumabũ mia yukashunũbũ mĩ hatu yunushuwẽ taea mĩ dakati anua beniama mĩ mawaii’, akĩ Senhor Deusũ eska yuikiki”, akĩ nuku yuiawẽ taea nũ txĩtũshuki— akabu

2 Reis 1:8

habũ kemakĩ yuikĩ: —Ha huninã, txashuwã bitxi tari inũ bitxi nanesheketi sawea nũ uĩshuki— akabu shanẽ ibu Acaziasĩ unãkĩ hatu yuikĩ: —Harã, Tisbé anu hiwemis Elias matuki nukushuki— hatu watã

2 Reis 5:15

hawẽ yura ma shusha uĩtã Naamã inũ habe beshiãbu Eliseu anu ana txĩtũbaini haki nukunũ ibaini Eliseu tashnia nia Naamã haki kematã yuikĩ: —Nenu Israelĩ enabu anu Deus Kayabi hayaki. Ikis ẽ ikũwaiĩ. Txanima mai hirabi anu Deus betsa hayamaki. Ẽ mĩ dayaruwẽ taeshũ hawara pepa mia inãkuinũ ishũ ẽ mia ea akaii— aka

2 Reis 5:8

shanẽ ibũ kene uĩtã datekĩ hawẽ tari ushnishina txanibaunaibu Deusũ hãtxa yuishunika Eliseũ nĩkatã Israelĩ enabu shanẽ ibuhaira anu hau hãtxa bunũbũ: “Haskakĩ mĩ tari mĩ ushnishinamẽ? Ha huni ea anu yunuwe, hau ea uĩyununã. Hatũ ẽ Deusũ hãtxa yuishunika Israel anu ẽ hiwea hau tapĩyununã”, hatu wa bushũ shanẽ ibuhaira yuiabu,

Isaías 8:19

Hakia huni betsabũ matu yuikĩ: “Mawabũ yushĩbe hãtxamisbu yukakãwẽ. Ha huni mukayabu hatũ yushĩbe hãtxai shei ikawẽ tsuã nĩkatirumawẽ hãtxamisbuki. Yurabu hatũ yushibube hãtxakinã, mawabũ unanepa hãtxa yukatimamẽ, hiweabunã,

Jonas 2:8

Tsuabũra yushibu dami kẽwãkubaĩkĩ mia txibãkĩ henebaĩmisbuki.

Marcos 3:22

hanua Jerusalém anua Deusũ hãtxa kenenibu yusĩnanãmisbũ uĩkĩ Jesuskiri yuikĩ: —Na hunirã, yushĩ txakabu shanẽ ibu Belzebũ kuxipa hayaki. Haska bestiwẽ taeshũ yushĩ txakabu hatu kaĩmaikiki— ikaibu

Hechos 8:26

Ha haska wawãxinabutiã Deusũ nai tsuma betsã Filipe yunukĩ yuikĩ: —Benitã Jerusalém anua kai sulkiri ha bai tanabaini Gazakiri kawẽ katãwẽ— aka Filipe benitã kai hanu tsua hiweabuma anu bai tanabainaya bai namaki Etíopianawa aĩbu shanẽ ibuhairatũ tsuma huni hawẽ pei mekeshunikatũ Jerusalém anushũ Deus kẽwãtani hawẽ mae anu ana txĩtũkaini cavalo dabetã tarãbainaiki nawa ina tsaushũ Deusũ hãtxa Isaíasĩ keneni yuikubiranai betxitã uĩayã

1 Samuel 17:46

Haskawẽ taeshũ Senhor Deusũ ea merabewa ẽ mia maemaya ikis mia detekĩ tenãtã mĩ bushka ẽ mia teshteaii. Ha dikabi mã Filisteu detenamenikabu ẽ matu tenã matũ nami peiyabu inũ pianãbu ẽ matu inaiĩ. Ẽ matu haska waya mai hirabi anu hiwebaunabũ Israelĩ enabũ mekenika Deus kushipahaira haya unãshãkanikiki.