1 Reis 2:5 - Kaxinawá Bíblia (BR)

⁵ Betsarã, eska wakĩ ẽ pui Zeruiã bake Joabẽ ea dake wani mĩ unaiĩ. Ẽ detenamenikabu shanẽ ibu dabe Ner bake Abner inũ Jéterĩ bake Amasa hanu unanuma hiweabũ hatu parãtã ha dabe Joabẽ txatxi dabekĩ hatu tenaniki, detenamekĩ hawenabu tenaĩbuwẽ taeshũ Joabẽ hatu kupikinã. Haska wakĩ hatu parãkĩ shabakabi txatxishũ Israelĩ enabu dasibi Joabẽ ekiri hatu txakabu shinãmaniki.

1 Reis 2:5 Referencias Cruzadas

2 Samuel 17:25

Joabe Davibe kashiãwẽ taeshũ hawẽ detenamenikabu shanẽ ibu bena katukatsi ikĩ hau hatu bebushunũ Absalãonẽ Amasa katunikiaki. Amasã eparã, Ismaelĩ enabu betsa hawẽ kena Itra inikiaki. Itra Abigailbe txutanamemisrã, Abigail inũ hawẽ betsa Zeruia Naásũ bakebu inikiaki. Zeruia Joabẽ ewa inikiaki.

2 Samuel 18:12

hakia ha hunĩ Joabe kemakĩ yuikĩ: —1.000 prata pei heshe mĩ ea inãbia nukũ shanẽ ibũ bake ẽ hawa haki sinatakĩ itxakawãtirumaki. Hawẽ bake Absalão mekenũ ishũ nukũ shanẽ ibuhaira Davĩ mia inũ Abisai inũ Itai matu yunuai dasibitũ nũ nĩkabiranaki.

2 Samuel 18:14

Joabẽ kemakĩ yuikĩ: —Hatishuĩra hamẽ ẽ mibe hãtxatirumaki— abaĩ Absalão dunua anu kashũ hashi dabe inũ besti bushũ hawẽ huĩti anu ha dabe inũ bestiwẽ txatxi txatxi aka mawai shãkã ikaya

2 Samuel 18:5

Joabe inũ Abisai inũ Itai habu tibi kaĩriabainaibu Davĩ hatu yuikĩ: —Mã ewẽ nuaiwẽ taeshũ ẽ bake Absalão atxitã ea pe mekeshũtãkãwẽ— hatu wapakeaya haska Absalãokiri Davĩ hatu yunuai dasibibũ nĩkabaĩbainaibũ

2 Samuel 20:10

Joabẽ hawẽ matxatu txaipa hayama dabanẽ Amasã hawa shinãma dateamakẽ Joabẽ hawaira hawẽ puku nashtu anu txatxikĩ maĩ di akĩ ukeri pesa Amasa maĩ tĩ ika puku sharabauni itimaskai unãshubira mawaya Joabẽ ana nameama hawẽ betsa Abisaibe kai Bicrĩ bake Seba txibaĩ buaibũ

1 Reis 1:7

Hau Adonias hatũ shanẽ ibuhairanũ, iwanã, Zeruiã bake Joabe inũ hawenabu Deusbe hãtxashunika Abiatarbe yubakaimawẽ taeshũ ha dabetũ Adonias merabewakubainaibũ

Jeremias 2:34

Hawara yurabũ txakabuwaibuki nukutã hatu txiteamabia nuitapaibu inũ pepabu detekĩ tenãkubaini matũ tari himiwẽ mã iruma keskaki.