1 Reis 1:13 - Kaxinawá Bíblia (BR)

¹³ Shanẽ ibu Davi anu kashũ eska yuitãwẽ: “Ẽ shanẽ ibuũ, ẽ bake Salomãonẽ Israelĩ enabu yunui hau hatũ shanẽ ibuhairashũkũkaĩshanũ mĩ ebe yubakabiaimakẽ haskai Adonias shanẽ ibui taeimẽkaĩ?” akĩ na habias hãtxa mĩ yuiaya

1 Reis 1:13 Referencias Cruzadas

1 Reis 1:11

haskaibu Natãnẽ nĩkatã Salomãonẽ ewa Bate-Seba anu kashũ habe hãtxakĩ yuikĩ: —Davi nukũ shanẽ ibuhaira ma tsuã banabimawana ikimẽkaĩ. Ha hawẽ aĩ betsa Hagitẽ bake Adonias: “Ẽ matũ shanẽ ibuhaira benaki”, ikĩ yuikĩ hatu pimai benimairã, mĩ ma nĩkamẽ?

1 Reis 1:14

eari hikitã haska mĩ yuiai keskari eãri habiasri Davi ẽ mia yuishuni kaii— aka

1 Reis 1:17

kemakĩ yuikĩ: —Ẽ shanẽ ibuũ, mia yuipa? Mia katxu mĩ bake Salomão Israelĩ enabu shanẽ ibui mĩ shanẽ ibui tsaumis anu tsaushũ hau hatu yunukubaĩshanũ mĩ mekenika Senhor Deusũ kenawẽ mĩ ma ebe yubakabiaimakẽ

1 Reis 1:24

Davi yukakĩ: —Mia katxu Adonias shanẽ ibuhairakũkaĩshanai mĩ ma yunuamẽ?

1 Reis 1:30

Ea katxu mĩ bake Salomão ẽ hanu shanẽ ibui tsaumis anu tsaushũ Israelĩ enabu dasibi yunui shanẽ ibuhairakũkaĩshanai ikis nukũ bake Salomão ẽ mia katushunaii. Israelĩ enabu mekenika Senhor Deusũ ea nĩkaya ẽ mibe yubakaii— akaya

1 Reis 1:35

Hanushũ Israelĩ enabu inũ Judá enabu yunui hau shanẽ ibuhairakũkaĩshanũ ẽ ma katuawẽ taea iwekĩ ẽ shanẽ ibui hanu tsaumis anu tsaua ẽ shãtukũ ha shanẽ ibuhairai ikũkaĩshanai ẽ hiwe hawẽrua ewapa anu habe betãkãwẽ— hatu wa

1 Reis 1:48

hatu yuikĩ: “Ẽ bake kayabi shanẽ ibuhairai shanẽ ibuhairatũ tsauti anu ma tsaua ẽ beruwẽ ẽ uiaĩwẽ taeshũ Israelĩ enabu mekenika Senhor Deus benimawakĩ duawakĩ hau kẽwãkubaĩshanũbũwẽ”, akai nĩkashũ ea yuikãshuki— akĩ Jônatasã Adonias yuia

1 Reis 2:12

Txipu Davi mawariama hawẽ epã shãtukũ Salomão shanẽ ibui taekaini kushipakũkaini shanẽ ibuai tsuã mebĩtiruma pepa inikiaki.

Isaías 9:7

Ha yumetã tsauirã, Davi shanẽ ibuni anu tsaushanikiki. Shanẽ ibuhairakĩ hawẽ kushipawẽ mai hirabi anu shanẽ ibukĩ tsuma keyubaũshanikiki. Hawẽ unanuma hiweaibu keyuama inũ hawẽ yunuti kushipa keyuama ipakeshanikiki. Ha shanẽ ibuhairairã, mestẽ tsuã maewakĩ tsekatiruma habias ipakeshanikiki. Deus kushipahaira dasibi binua hawẽ nui pae tsuã nuka watirumatũ nuku haska washũshanikiki.