Захарияа 9:12 - Библи

¹² Шорондо һуугшад, гэртээ ябагты! Найдаха найдабари танда бии, Би таанадта бусанам.

Захарияа 9:12 Referencias Cruzadas

Иоов 42:10

Анда нүхэдэйнгөө түлөө хүлисэл гуйхадань, Эзэн Иоовто урда урданайхиһаа хоёр дахин үлүү эд зөөри үгэбэ.

Исай 24:22

Нүхэн соо тэдэ хаашуул суглуулагдажа, шорондо хаюулагдаха. Тиигээд олон хоногой удаа тэдэ зарга шүүхэдэ орохо.

Исай 38:18

Үхэлэй орон дотор хэншье Таниие магтахагүй, үхэһэн зон Танда найдан-этигэн байха бэшэ.

Исай 40:2

Иерусалимай зонтой эелдэр зөөлэнөөр хөөрэлдэгты. Тэдэнэй зобохо-тулиха саг дүүрээ, нүгэл хилэнсэгынь арюудхагдаа гэжэ хэлэгты. Бүхы нүгэлэйнь түлөө тэдэниие Би хоёр дахин ехээр хэһээгээб».

Исай 49:9

Хаагдаатай байһан зондо «гарагты» гэжэ хэлэхэб, харанхы соо оршогшо хүнүүдтэ «наашаа үзэгдэгты» гэхэб. Харгын хажуугаар тэдэ бэлшээри олохо, гүбээнүүд бэлшэхэ газарынь болохо.

Исай 52:2

Шоройгоо өөрһөө гүбижэ, һэргэн бодыш, баряанда байгаа Иерусалим! Баряанда байгаа Сионой улад зон, хүзүүнһээ гэнжэ таһалан хаягты!

Исай 61:7

Доромжолуулдаг сагтнай дүүрээ. Таанад өөһэдынгөө газар дайда дээрэ ажаһуужа, хоёр дахин ехээр эд баялигтнай нэмэхэ, хэтэ мүнхэдөө баясан баярлан байхат.

Ерэмияа 14:8

Оо, Израилиин Найдабари, зобохо үедэмнай маанадые Абарагша! Юундэ Та манай газар нютагта ерүүл хүн мэтэ, нэгэ һүни хонохоёо ороһон аяншан мэтэ байнабта?

Ерэмияа 16:19

Эзэмни, Та минии хүсэ шадал, минии Хамгаалагшат! Гай зоболоной үедэ намда туһалнат. Газар дэлхэйн захаһаа үндэһэтэд Танда ерэжэ: Манай үбгэ эсэгэнэр гансал худал хуурмаг бурхадтай, ямаршье аша туһагүй шүтөөнүүдтэй байгаа.

Ерэмияа 17:13

Эзэн, Та – Израилиин найдабарит. Танһаа арсан ошогшод нэрээ гутааха, тооһон дээрэ бэшэһэн бэшэгтэл үгы болохо. Юуб гэбэл, тэдэ Таниие, Эзэниие, сэбэр уһанай булагые, орхибо ха юм.

Ерэмияа 31:17

Найдалшни – ерээдүй сагта. Үхибүүдшни өөһэдын нютаг руу бусажа ерэхэл. Энэ болбол Би, Эзэн, тунхаглана мүн!

Ерэмияа 31:6

Зүб даа, Эпрааимай гүбээнүүд дээрэ харуулшадай «Бодогты, Сион өөдэ Эзэн руу, өөһэдынгөө Бурхан руу, ошоё» гээд дуудаха саг дүтэлөө.

Ерэмияа 50:28

Вавилооной орон нютагһаа тэрьедэн гүйжэ, Иерусалим руу ерэгшэдэй абяан дуулдана. Тэдэ Эзэн Бурханаймнай Һүмын түлөө үһөөгөө абаһан тухай дуулгана.

Ерэмияа 51:10

Улад зоной иимэ хашхараа дуулааб: «Маанадые зүб гэжэ Эзэн гэршэлээл. Ошожо, Сион дээрэ Эзэн Бурханайнгаа хэһэн хэрэгүүд тушаа зондо соносхоё».

Эзэкээл 37:11

Эзэн намда иигэжэ айладхаба: – Хүнэй үри Эзэкээл! Израилиин улад зон эдэ яһануудта адли. Хатаа үхөөбди, ямаршье ерээдүй, ямаршье найдалгүй ажаһуунабди гэлсэнэ.

Һошээ 2:15

Тэрээндэ үзэмэй модоной сэсэрлигыень бусаахаб, найдуулгын тэмдэг болгон Һанаа Зобориин Нюрууе үгэхэб. Тиихэдэм тэрэ тэндэ эдир залуу наһандаал шэнги, Египедэй газар дайдаһаа гараһан үдэртөөл адли, дуу дуулан байхал.

Ёһээл 3:16

Эзэн Сионһоо нэерэн, Иерусалимһаа дуугаа шангадхаха. Газар тэнгэри шэшэрхэ. Гэбэшье Эзэн арад түмэнэйгөө хорохо газар, Израилиин хүбүүдэй бата тулга болохо.

Михей 4:8

Хонишондол Эзэнэй арад зоноо адаглан харадаг газар – Иерусалимдахи Сион хада уула, ши дахин зонхилон-захиран байдаг болохош.

Наум 1:7

Эзэн болбол ашата һайн. Гай зоболоной сагта бата бүхэлэлтэ мэтээр Тэрэ зониие аршалдаг. Өөртэнь этигэн найдадаг зондоо Тэрэ һанаагаа табин харгалзадаг.

Еврейнүүдтэ 6:18

Бурханай худалаар хэлэжэ болохогүй, хубилдаггүй хоёр юумэн бии. Тиимэһээ бидэ урдамнай оршожо байһан найдуулга хатуугаар адхаад, ехэтэ урмашажа, Бурхантай хамтархадаа хоргодохо газар олобобди.

Еврейнүүдтэ 6:19

Тэрэ найдалга манай амиин бархагтал мэтэ. Тэрэ найдалга аюулгүй, бата, тэнгэриин Һүмын хүшэгэй саагуур досоонь ородог.