Захарияа 9:11 - Библи

¹¹ Би шинии арадые уһагүй нүхэнһөө сүлөөлнэб, юундэб гэхэдэ, манай хэрээ хэлсээн шуһаар баталагдаа.

Захарияа 9:11 Referencias Cruzadas

2 Хаан түрэнүүд 13:13

Бишье иигэжэ бузарлагдаад хайшаа ошохобиб? Ташье Израильда ухаагүй зоной нэгэн мэтэ тоологдодог болохот. Хаантай хөөрэлдыт даа. Тэрэ намайе танда үгэхэеэ арсахагүй байха.

2 Угай бэшэг 7:17

Давид эсэгэдээл адли Минии захяа заабаринуудые бултыень үнэнхэ зүрхөөрөө сахин, ёһо гуримуудым, тогтоолнуудым дүүргэжэ ябаа һааш,

Иоов 33:30

нарата дэлхэйдэ амиды ябуулха хүсэлтэйгөө харуулдаг.

Псалманууд 30:3

Намда хабсагай, аршалалта, намайе абарха найдамтай хэрэм болыт! Та бол минии хабсагай, хэрэмни мүн! Өөрынгөө нэрын тула намайе хүтэлжэ, заажа байгыт!

Псалманууд 40:2

Үгытэй хүн тушаа һанаагаа зободог хүн юрөөлтэй, гай тодхорой үдэр Эзэн тэрэниие абархал.

Египедһээ гаралга 24:8

Моисей үргэлэй шуһа зон дээгүүр сүршөөд, хэлэбэ: – Эзэнэй тантай баталһан хэлсээнэй шуһан энэ мүн. Тэрэнэй үгэнүүд хадаа хэлсээнэй эрхэ нүхэсэл гэжэ ойлгогты.

Исай 24:22

Нүхэн соо тэдэ хаашуул суглуулагдажа, шорондо хаюулагдаха. Тиигээд олон хоногой удаа тэдэ зарга шүүхэдэ орохо.

Исай 42:22

Харин мүнөө Тэрэнэй арад дээрмэдүүлэгдээ. Тэдэ бултадаа нүхэн руу хаюулжа, түрмэ шорондо хаагданхай. Тэдэ олзо болоо, хэншье тэдэниие абархагүй.

Исай 42:7

Тиихэдэм, һохор зоной нюдэн нээгдэхэ, түрмэдэ һуугшад сүлөөдэ гараха, харанхыда һуугшад түрмэһөө гараха.

Исай 49:9

Хаагдаатай байһан зондо «гарагты» гэжэ хэлэхэб, харанхы соо оршогшо хүнүүдтэ «наашаа үзэгдэгты» гэхэб. Харгын хажуугаар тэдэ бэлшээри олохо, гүбээнүүд бэлшэхэ газарынь болохо.

Исай 51:14

Баряанда абтаһан зон удахагүй сүлөөлэгдэхэ, хосорхогүй, эдеэ хоолоор дутамаггүй байха.

Исай 58:12

Танай зон эртэ урдын сагта һандарһан хотонуудые һэргээхэ, урданай сагай һандарһан гэрнүүдые дахин бодхоохо. Сүмэрһэн хана заһабарилагша, ажаһуудалай гудамжануудые һэргээгшэ гээд тэдэниие нэрлэдэг болохо».

Исай 61:1

Эзэн Бурханай Арюун Һүлдэ досоомни оршобо. Тэрэ намайе шэлэн, үгытэй зондо һайн мэдээ дэлгэрүүлхын, зүрхэнэй шархатай зониие эдэгээхын, баряанда байгшадта эрхэ сүлөө, түрмэдэ хаагдаатай зондо түрмын үүдэнэй нээгдэхэ тушаа соносхохыемни томилһон юм.

Ерэмияа 38:6

Тэдэ намайе абажа, тайжа хүбүүн Маалхияагай газар дорохи нүхэн руу хаяба. Тэндэ ямаршье уһан үгы, гансал шабар һэн. Би тэрэ шабар руу хаюулагдаа һэм.

Даниил 2:29

Ерээдүй саг тушаа һанаагаа табин зүүдэлөөт. Нюуса элирүүлэгшэ юун болохо байһые танда харуулаа.

Матвей 26:28

Энэ болбол олон хүнүүдэй нүгэл шэбэлнүүдые хүлисүүлхын тулада адхарха Минии шуһан гээшэ, тиин энэ шуһаар Бурхан хүнүүдтэй Шэнэ Хэлсээ батална.

Марк 14:24

– Энэ болбол олоной түлөө адхарха Минии шуһан гээшэ, тиин энэ шуһаар Бурхан хүнүүдтэй Шэнэ Хэлсээ батална.

Лука 16:24

«Ай, Абраһаам, үбгэ эсэгэмни, намайе үршөөн хайрлажа, Лазариие намда эльгээгыт; хурганайнгаа үзүүртэ уһа дүрэжэ, халуун галда хайруулан тулижа байһан минии хэлые норгог лэ. Би энэ гал соо аргагүй ехээр тулижа байнаб», – гэжэ тамада һууһан баяниинь бии шадалаараа хашхарба.

Лука 22:20

Хоол бариһанайнгаа һүүлдэ Иисүүс үзэмэй дараһан архитай аяга абаад хэлэбэ: – Энэ аяга болбол танай түлөө адхарха Минии шуһаар баталагдаһан шэнэ хэлсээн гээшэ.

Лука 4:18

«Эзэнэй Арюун Һүлдэ досоомни оршобо. Тэрэ намайе шэлэн, үгытэй зондо һайн мэдээ дэлгэрүүлхыемни, Хаалтада, баряанда байгшадта эрхэ сүлөө айладхахыемни, һохор зониие хараатай болгохыемни, хашуулан дарлуулһан зониие сүлөөдэ табихыемни Эзэн эльгээгээ юм.

Коринфынхидтэ 1-дэхи 11:25

Һүүлээрнь аяга абаад: «Энэ аяга болбол Минии шуһаар баталагдаһан Бурханай шэнэ хэлсээн гээшэ. Ямаршье сагта уухадаа, Минии дурасхаалда уужа байгаарайт», – гэжэ хэлээ.

Хуули дабталга 5:31

Харин өөрөө, Моисей, удаань Намтай эндэ үлөөрэй. Би шамда бүхы захяа заабари, хуули, ёһо гурим хэлэжэ үгэхэб. Хубитань гэжэ Минии үршөөжэ байһан газарта эдэ бүгэдые сахин дүүргэжэ ябахыень тэдэниие һурга».

Еврейнүүдтэ 10:2

Хэрбээ Бурханда мүргэл хэжэ байһан хүнүүдэй нүгэлнүүдынь үнэхөөрөө хүлисэгдэһэн байбал, тэдэ хүнүүд нүгэлтэйбди гэжэ өөһэдыгөө тоолохоёо болёод, тахил үргэхэеэ болихо һэн.

Еврейнүүдтэ 10:29

Зүгөөр Бурханай Хүбүүндэ зэбүүрхэдэг, өөһэдыень нүгэлнүүдһээнь арилгаһан Бурханай хэлсээнэй шуһые нангин гэжэ тоодоггүй хүнүүд, үршөөл хайрын Һүлдые доромжолдог хүнүүд тэрээнһээ долоон доро хэһээлтэдэ хүртэхэ ёһотой!

Еврейнүүдтэ 13:20

Өөрынгөө шуһанай сэнгээр мүнхын хэлсээе оложо абаһан хонидой агууехэ Адуулагшые, Манай Эзэн Иисүүсые Бурхан амидыруулаа. Тэрэнэй эрхэ хүсэлыень таанадай бэелүүлхын тула Бурхан таанадые хэрэгтэй һайн һайхан юумээр хангаг лэ, тиин Өөртэнь һайшаагдадаг юумые Иисүүс Христоосоор дамжуулан таанад соо бүтээг лэ. Христоосто хэтын хэтэдэ алдар соло! Болтогой!

Гэршэлгэ 20:3

Тэрэ лууе Эльгээмэл оёоргүй гүнзэгы нүхэ руу шэдэжэ хаагаад, нүхыень тамгалжархиба. Мянган жэлэй дууһатар тэрэ луу арадуудые саашадаа мэхэлхэ аргагүй болоо. Тэрэ болзоройнь үнгэрхэдэ, луу ойро зуурахана сүлөөлэгдэхэ.