Захарияа 9:1 - Библи

¹ Хадраах нютаг ба Дамааск хото тухай Эзэнэй айладхал бууба. Эзэнэй нюдэн хамаг зондо, илангаяа Израилиин обогуудта ханданхай.

Захарияа 9:1 Referencias Cruzadas

Эхин 14:15

Тэндэ Абрам зоноо хэдэн бүлэг болгон хубаагаад, һүниндөө дайсадта добтолон, бута сохибо. Иигэжэ тэрэ Дамааскһаа хойшоо оршодог Хобаа хото хүрэтэр үлөөшэ сэрэгые намнаа бэлэй.

2 Угай бэшэг 20:12

Манай Бурхан! Тэдэниие усадхыт! Маанадта добтологшо иимэ ехэ сэрэгэй урдаһаа тулаха хүсэн бидэндэ байхагүй. Юугээшье хэхэеэ бидэ мэдэнэгүйбди, харин Тандаал найданабди!

Исай 13:1

Энэ болбол Вавилоон тухай зүн табилга. Амооцой хүбүүн Исай иимэ үзэл үзэһэн байна.

Исай 52:10

Бүхы үндэһэ яһатанай хараһаар байтар Эзэн нангин хүсэ шадалаа үзүүлээ: Өөрынгөө арад түмэндэ абарал буулгахыень үлгэн дэлхэйн бүхы булангай зон хараа.

Ерэмияа 16:19

Эзэмни, Та минии хүсэ шадал, минии Хамгаалагшат! Гай зоболоной үедэ намда туһалнат. Газар дэлхэйн захаһаа үндэһэтэд Танда ерэжэ: Манай үбгэ эсэгэнэр гансал худал хуурмаг бурхадтай, ямаршье аша туһагүй шүтөөнүүдтэй байгаа.

Ерэмияа 32:19

Та ухаатай мэргэн түсэбүүдые зохёонот, гайхамшагта хэрэгүүдые эрхилнэт. Зоной юу хэһые бултыень харанат, хэһэн хэмээрнь лэ юумыень харюулнат.

Амоос 1:9

Эзэн иигэжэ айладхаа: Тиирэй улад зон гэмээ нэмээһээр. Шиидхэһэнээ Би болюулхагүйб. Аха дүүнэрэй хэлсээ мартаад, баряанда байгша бүгэдэ зониие Эдоомдо богоолшолгодо дамжуулһандань

Амоос 3:12

Эзэн иигэжэ айладана: Хонишон арсалангай аманһаа хоёр хүл ба шэхэнэй таһархайе буляан абадаг мэтэ Самарида оршогшо израильшуудһаа гансал ороной булан ба диванай торгон үлэхэл!

Наум 1:1

Элкоошой Наумай Нинэвээ тушаа буулгаһан лүндэн, үзэһэн үзэгдэлэй ном гэбэл, энэ.

Захарияа 4:10

Долоон дэн тухай хэлээ һэмнайб. Эдэ хадаа Эзэнэй хамаг дэлхэйе шобто харадаг нюдэд гээшэ. Зэрубабээлэй гарта байһан тэгшэлүүр тээшэ баяртайгаар хаража байһан энэ үдэрые хэн шухала бэшэ гэжэ хэлэхэб даа, – гэжэ Эльгээмэл хэлэбэ.

Захарияа 5:4

Түмэн Сэрэгтэ Эзэн иигэжэ айладаа: Би тэрэниие хулгайшанай гэртэ ба Минии нэрээр хуурмаг тангариглагшын гэртэ ябуулааб. Тэндэ нэбтэрэн орожо өөрыень һүнөөхэ, модо шулууеньшье усадхаха.

Малаахи 1:1

Эзэн лүндэншэ Малаахида дамжуулан, Израилиин арад түмэндэ хандаа бэлэй. Тэрэ хандалгань энэ.