Захарияа 8:8 - Библи

⁸ Би тэдэниие һөөргэнь асаржа, Иерусалимда байрлуулхаб. Тэдэ Минии арад түмэн боложо, Би үнэн сэхэ Бурханиинь болохоб».

Захарияа 8:8 Referencias Cruzadas

Эхин 17:8

Нүүжэ амидаржа байгаа энэ Ханаһаан нютагые хэтэ мүнхэдөө эзэмшэхээр шамда болон үри һадаһадташ үгэхэб. Таанадай шүтэхэ Бурхан Бил болоноб!

Ерэмияа 11:4

Түмэр хайлуулдаг зууха мэтэ Египедэй орон нютагһаа таанадай үбгэ эсэгэнэрые гаргахадаа, Би энэ Хэлсээ тэдээндэ захин заабарилаа һэм. Минии үгэ дуулажа, захирһан бүхы юумыемни дүүргэжэ байхыень Би тэдээндэ захин хэлээб. Тиигэбэлнь, тэдэ Минии арад түмэн, Би тэдэнэй Бурхан болохо байһан тухайгаа айладхаа бэлэйб.

Ерэмияа 23:8

харин Израилиин арад зониие хойто зүгэй орон нютагһаа болон тараагша бүхы оронуудһаа асарһан Эзэнэй амиды мэндэ байһантайл адли баталгаатай гэжэ хэлэжэ байха саг дүтэлөө. Тиигээд тэдэ өөрынгөө газар дээрэ ажаһууха.

Ерэмияа 24:7

Би тэдээндэ Намайе мэдэдэг болохо хүсэл үгэхэб. Тиихэдэм тэдэ Минии арад зон, Би тэдэнэй Бурхан болохоб. Тэдэ Нам руу бүхы зүрхэ сэдьхэлээрээ таталдан бусаха.

Ерэмияа 30:22

Тэдэ Минии арад түмэн. Би тэдэнэй Бурхан болохоб. Энэ болбол Би, Эзэн, тунхаглана мүн!

Ерэмияа 31:1

Эзэн ииигэжэ айладхана: – Минии Израилиин бүхы обогуудта Бурхан болохо, мүн тэдэнэй Минии арад түмэн болохо саг дүтэлжэ байна.

Ерэмияа 31:33

Тэдэ үдэрнүүдэй һүүлдэ Израилиин арадтай баталха хэлсээн иимэ: Өөрын хуулиие тэдэнэй һанал бодолдо хадуулгахаб, зүрхэ сэдьхэлдэнь бэшэхэб. Би тэдэнэй Бурхан, тэдэ Минии арад түмэн болохо.

Ерэмияа 32:41

Тэдээндэ һайн юумэ хэхэдээ, Би баясадаг байхаб, энэ газар дайдада тэдэниие хододоо байлгахаб.

Ерэмияа 4:2

үнэнхэ зүрхэнһөө, зүбөөр, шударгыгаар Минии нэрээр тангариглаха эрхэдэ хүртэхэш. Тиихэдэ бүхы үндэһэн арадууд Минии нэрээр бэе бэеэ үреэдэг болохо, Намайе магтажа байха.

Эзэкээл 11:20

Тиигээд тэдэ Минии хуулинуудые сахижа, Минии ёһо гуримуудые дүүргэжэ ябаха. Тэдэ Минии арад түмэн, Би тэдэнэй Бурхан болохоб.

Эзэкээл 36:28

Танай үбгэ эсэгэнэртэ үгэгшэ газартам дахин ажаһуудаг болохот. Таанад – Минии арад түмэн, Би танай Бурхан болохоб.

Эзэкээл 36:33

Таанадые нүгэлһөөтнай арюудхаһанай удаа хотонуудаа һэргээн бодхоожо, тэндээ байрлахыетнай таанадта зүбшөөхэб.

Эзэкээл 37:27

Иигэжэ Би арад түмэнэйнгөө дунда оршохоб, Бурханиинь болохоб, харин тэдэ Минии арад болохо мүн.

Һошээ 11:11

Тэдэ шубуудтал адли хөөрсэгэнэн-шэшэрэн, Египедһээ, тагтаануудтал Ассириин газарһаа бусаха. Тиихэдэнь Би тэдэниие гэр руунь оруулан һуурижуулхаб. Энэ болбол Би, Эзэн, айладхана мүн!

Ёһээл 3:20

Харин Иуда эгүүридэ мүнхэ байха, Иерусалимда бүхы үедэ хүн амидаран нютаглаха.

Левит 26:12

Таанадай дунда ябахаб, танай Бурхантнай болохоб, таанад Минии арад зон болохот.

Захарияа 10:10

Би тэдэниие Египедһээ болон Ассириин газарһаа бусаан асаржа, Галаадай газарта, хүршэ Ливаан орондо түбхинүүлхэб. Тэндэшье газарынь багадажа болохо».

Захарияа 10:6

«Би Иудын удамда тэнхээ оруулжа, Иосифой үри һадаһанда дайсанаа илаха шадалтай болгохоб. Би тэдэниие хайрлаһан ушарһаа гэртэнь бусаахаб. Би тэдэниие голон орхёогүй мэтэ байхаб. Юуб гэхэдэ би тэдэнэй Эзэн Бурхан болоноб».

Захарияа 13:9

Үлэгшэ эдэ зон Минии туршалгада оролсохо. Мүнгэ хайлуулдаг гал дундуур тэдэниие гарган туршахаб. Алта тунгаадаг шэнги тэдэниие тунгаажа сэбэрлэхэб. Тиихэдэ тэдэ Намайе дуудаха. Би харюудань «Энэ Минии арад түмэн», – гэжэ айладхахаб. «Эзэн болбол манай Бурхан», – гэжэ тэдэ хэлэхэ.

Захарияа 2:11

Тэрэ үдэр Эзэн руу олон арадууд ерэхэ, тэдэ Эзэнэй арад болохо; дундатнай Эзэн ерэжэ ажаһууха, тиихэдэм Түмэн Сэрэгтэ Эзэн намайе эльгээгээ гэжэ мэдэхэт.

Гэршэлгэ 21:3

Хаан шэрээгэй тэндэһээ шангаар иигэжэ хэлэхые дуулабаб: «Харалши, энэ Бурханай майхан гээшэ. Хүнүүдшье тэрэ майханда байна, Бурхан хододоо тэдэнтэй байха! Тэдэ хүнүүд Тэрэнэй арад зониинь болохо, Бурхан Өөрөөшье тэдэ хүнүүдтэй хамта ажаһууха, тэдэнэй Бурханиинь болохо.

Гэршэлгэ 21:7

Илагша бүхы эдэ юумэнүүдые Намһаа абаха. Би тэрэнэй Бурханиинь болохоб, тэрэ Минии хүбүүмни болохо.