Захарияа 8:6 - Библи

⁶ Арад түмэнһөө үлэһэн хүнүүдэй нюдэндэ эдэ үдэрнүүд ехэ гайхал түрүүлээ хадаа Минии мэлмыдэ баһал гайхалтай гээшэ гү? гэжэ Түмэн Сэрэгтэ Эзэн айладажа байна.

Захарияа 8:6 Referencias Cruzadas

Эхин 18:14

Эзэн Бурханай шадахагүй юумэн бии юм аал? Би хэлсэһэн болзортоо шамда дахинаа бусахаб, юһэн һарын үнгэрхэдэ, Сарра хүбүүтэй болоод байха.

4 Хаан түрэнүүд 7:2

Бэеынь хамгаалагшадай дарга хааниие гарһаань дүнгөөд, үдэшэжэ ябахадаа: – Тэнгэриин хаабариие Эзэнэй нээгээшье хада, шинии айладхал бэелүүлэгдэхэгүй! – гэжэ Бурханай хүндэ хэлэбэ. – Ши хоёр нюдөөрөө харахаш, зүгөөр ши тэрээнһээ ама хүрэхэгүйш! – гэжэ Элишаа тэрээндэ хэлэбэ.

Псалманууд 118:23

Ноёд һуужа, минии урдаһаа хэлсээ зохёожо байна. Харин би, Танай зараса, хуулинуудыетнай бүри гүнзэгыгөөр шудалнаб.

Ерэмияа 32:17

– Дээдэ Эзэн, Та агууехэ хүсэ шадалаараа газар дэлхэйе, огторгойе байгуулаат. Танай хэжэ шадахагүй юумэн гэжэ байхагүй.

Ерэмияа 32:27

– Би болбол бүгэдэ зоной Бурхамби, Эзэмби. Юуншье намда хүшэр хүндэ бэшэ юм.

Матвей 19:26

Иисүүс тэдэнээ шэртэн хараад: – Хүнүүд өөһэдыгөө абаржа шадахагүй, харин Бурхан юушье хэхэ аргатай, – гэбэ.

Лука 1:20

Сагайнгаа ерэхэдэ хүсэлдэхэ эдэ үгэнүүдтэмни этигээгүй юм хадаа, эдэ бүгэдын тохёолдохо үдэр болотор ши аниргүй, дуугаржа шадахагүй ябахаш, – гэжэ Эльгээмэл айладаба.

Лука 1:37

Бурханай хэжэ шадахагүй юумэн үгы ха юм.

Лука 18:27

– Хүнэй хэжэ шадахагүй юумэ Бурхан хэхэ аргатай, – гэжэ Иисүүс харюусаба.