Захарияа 7:5 - Библи

⁵ – Энэ орон нютагай бүхы арад түмэндэ ба санаартанда хэлэ: «Таанар иигэжэ далан жэлэй туршада табадахи, долоодохи һарануудта масаг барин гашуудахадаа, үнэхөөрөө Минии түлөө масаглана гээшэ гүт?

Захарияа 7:5 Referencias Cruzadas

4 Хаан түрэнүүд 25:23

Вавилооной хаан Гэдаалияае эндэхи нютагай дарга болгожо томилбо гэжэ Нэтаанияагай хүбүүн Ишмаһээл, Карээһаагай хүбүүн Ёханаан, Нэтопааһаа уг гарбалтай Танхуумэдэй хүбүүн Сэраяа болон Яазаанияа гэгшэ маһахаа хүн дуулаад, өөһэдынгөө сэрэгүүдэй дарганартай, өөһэдынгөө хүнүүдтэй хамта тэрээнтэй уулзахаяа Мицпаа ошобод.

4 Хаан түрэнүүд 25:25

Долоодохи һарада хаанай түрэл болохо Элишамаагай аша, Нэтаанияагай хүбүүн Ишмаһээл арбан хүнтэй хамта ерэжэ, Гэдаалияае, мүн баһа иудейнүүдые болон халдейнүүдые, Мицпаа хотодо тэрээнтэй хамта байгшадые бултыень алабад.

Исай 43:23

Түгэс шатаалта үргэлэй хонидые Намда асараагүйш. Үргэл хэжэ Намайе хүндэлөөгүйш. Би шамайе үргэл Намда үргэ гэжэ баадхаа бэшэб, уталга Намда ууюула гэжэ захираа бэшэб.

Исай 58:3

Зон иигэжэ асууна: «Маанадай масаг барихые Эзэн Бурханай харадаггүй һэн тула юундэ үлэсхэлэн хооһон байха болонобибди? Даруу номхон байһыемнай Тэрэ мүн лэ анхарнагүйл». Эзэн тэдээндэ иигэжэ харюусана: «Масаг бариха үедөө таанад өөһэдынгөө аша туһа гансал харанат. Барлагуудтаа хүндэ ажал хүүлэжэ, мүлжэнэт.

Ерэмияа 25:11

Энэ бүхэли орон нютаг һандаргагдан орхигдожо, аймшагтай юумэн байха, хүршэ арадууд Вавилооной хаанда далан жэлэй туршада алба хэхэ.

Ерэмияа 29:10

Эзэн «Вавилоондо танай байха далан жэлэй дүүрэхэдэнь, таанад тухай һанаагаа табихаб, Өөрын һайн үгые бэелүүлхэб – таанадые һөөргэнь гэртэтнай бусаахаб!

Ерэмияа 52:12

Вавилооной хаан Навуходоносорой арбан юһэдэхи жэлээ хан түрэеэ засаглажа байхада, табадахи һарын арбанай үдэр Вавилооной хаанай зүбшэгшэ, харуулай ахамад Набузарадаан Иерусалим руу ерэбэ.

Даниил 9:2

Түрүүшын жэлээ хааншалжа байхадань би, Даниил, Бурханай ном уншажа, Эзэнэй Ерэмияа лүндэншэндэ айладхаһан үгэнүүдһээ Иерусалим далан жэлэй туршада һандархай зандаа байха гэжэ ойлгобоб.

Һошээ 7:14

Тэдэ Намда үнэнхэ зүрхэнһөө хандажа байгаа бэшэ, орон дэбисхэр дээрээ гансал хашхаралдан байгаа. Тэдэ гансал эдеэ хоолой, үзэмэй дараһан архиин түлөө сугларна, харин Намһаа холо болон байна.

Захарияа 1:12

Удаань Эзэнэй Эльгээмэл хэлэбэ: «Түмэн Сэрэгтэ Эзэн! Хэзээ болотор Иерусалимда, Иудын хотонуудта үршөөл хайраяа хүртөөнгүй байха юмта, аяар далан жэл соо тэдээндэ уурланалта».

Захарияа 7:3

Тэдэ Түмэн Сэрэгтэ Эзэнэй үргөөгэй санаартан болон лүндэншэдһээ асууба: «Бидэ Һүмын һандарһан ушараар олон жэлдэ гашуудаһан заншалаараа табадахи һарада гашуудан уйлаха гүбди?»

Захарияа 7:4

Түмэн Сэрэгтэ Эзэн намда, Захарияада, айладаба:

Захарияа 7:6

Эдихэ уухадаа өөрынгөөл аша туһын түлөө оролдоо бэшэ юм гүт?»

Захарияа 8:19

Түмэн Сэрэгтэ Эзэн иигэжэ айладажа байна: Дүрбэдэхи, табадахи, долоодохи, арбадахи һарануудта гашуудалай масагай үдэрнүүд таанарта бии. Гашуудалай эдэ үдэрнүүд Иудын уг удамда баяр баясхалантай, хүхюутэй һайхан һайндэрнүүд болог. Гансал үнэниие, амар амгалангые хайрлагты.

Матвей 23:5

Зүгөөр хүнүүдтэ юумэ хэжэ байһан хэбэр үзүүлхэ гэжэ бүхы шадалаараа оролдодог. Нангин Бэшэг сооһоо мүрнүүдые бүд дээрэ олоор бэшээд, духаяа боодог, гартаа уядаг, Бурханда зорюулаатай байһыень харуулһан дэгэлдэнь оёотой сасагуудынь бусад зонойхиһоо ута унжагар байдаг, Нангин Бэшэг сооһоо буулгажа абтаһан мүрнүүдые хадагалжа ябадаг арһан туламуудынь ехэл томо байдаг.

Матвей 6:16

Масаглахадаа, хоёр нюуртан мэтээр гунигтай шарай харуулхаяа бү оролдогты. Тэдэнэр масаглаһанаа хүн бүхэндэ мэдүүлхын тула уйдхартай барагар шарай үзүүлдэг юм. Тэдэнэр өөһэдынгөө шагнал энэ дээрээл абажа байна гэжэ танда үнэниие хэлэнэб.

Матвей 6:2

Тиин үгытэйшүүлдэ бадар үгэхэдөө, тэрээн тухайгаа бүхы хото хүдөөгөөр бү донгодо. Хоёр нюуртан лэ тиигэжэ бэеэ магтуулхын тула мүргэлэй гэрээр дүүрэн, газаагууршье тунхагладаг ха юм. Тэдэнэр өөһэдынгөө шагнал энэ дээрээл абажа байна гэжэ танда үнэниие хэлэнэб.

Матвей 6:5

Зальбархадаа, ши хоёр нюуртанда адли бү боло. Тэдэнэр улад зондо үзэгдэхэ харагдахын тула мүргэлэй гэртэ бодоод, гудамжын булангуудаар зогсоод зальбаран мүргэхэ дуратай байдаг. Тэдэнэр өөһэдынгөө шагнал энэ дээрээл абажа байна гэжэ танда үнэниие хэлэнэб.

Коринфынхидтэ 1-дэхи 10:31

Тиихэдээ эдинэ гүт, али ууна гүт, али ямаршьеб даа ондоо юумэ хэнэ гүт, бүхы юумые Бурханай алдарай түлөө хэжэ байгты.

Коринфынхидтэ 2-дохи 5:15

Бүхы хүнүүдэй түлөө Тэрэ үхөө. Тиимэһээ амиды байһан хүнүүд өөһэдынгөө түлөө ажамидарха бэшэ, харин тэдэнэй түлөө үхөөд, амидырһан Христоосойл түлөө ажамидарха ёһотой.

Колоссынхидтэ 3:23

Ямаршье юумэ хэхэдээ, эзэдынгээ магтаалда хүртэхын тула бэшэ, харин Эзэнэй һайшаалда хүртэхын тула үнэн зүрхэнһөө зүдхэжэ байгаарайт.