Захарияа 7:3 - Библи

³ Тэдэ Түмэн Сэрэгтэ Эзэнэй үргөөгэй санаартан болон лүндэншэдһээ асууба: «Бидэ Һүмын һандарһан ушараар олон жэлдэ гашуудаһан заншалаараа табадахи һарада гашуудан уйлаха гүбди?»

Захарияа 7:3 Referencias Cruzadas

Эзраа 3:10

Эзэнэй һүмын һуури барилгашадай табижа дүүргэхэдэ, санаартад санаартанайнгаа хубсаһа үмдэжэ, Эзэнэйнгээ алдар солые Израилиин хаан Давидай табиһан хуули ёһоор дуудахын тула, санаартад бэшхүүрнүүдээ, левидүүд, Асаапай хүбүүд, дэмшэнүүдээ бариба.

Экклезиаст 3:4

уйлаха муудаха саг ба энеэхэ эльгэлхэ саг; гомдохо гуниглаха саг ба хатар наада дэлгээхэ саг;

Һошээ 4:6

Намайе мэдэрхэеэ татагалзаа хадаа арад түмэмни усадхагдаха. Таанад, санаартад, Намайе мэдэрхэеэ арсажа, һургаалым мартан хэрэгсээгээгүй бэлэйт. Тиимэһээ Би таанадые хэрэгсээхэгүйб, хүбүүдыеш санаартадни гэжэ тоохогүйб, мартахаб.

Ёһээл 2:17

Эзэнэй зарасанар, санаартад Һүмын үүдэнэй танхим болон үргэлэй шэрээгэй хоорондо уйлалдаг. Тэдэ бүгэдэ зальбаран хэлэг: – Эзэн манай, арад түмэнөө хайрлыт. Бусад угсаатанай доромжодо тэрэниие бү үгыт. Яахадаа бусад угсаатан «Эдэнэйш Бурхан хаана юун бэ? гэжэ хэлсэхэ болооб?» гэжэ хэлэг.

Хаггай 2:11

Түмэн Сэрэгтэ Эзэн иигэжэ айладаа: – Һургаал тухай лүндэншэдһөө иигэжэ асуугыш даа:

Захарияа 7:4

Түмэн Сэрэгтэ Эзэн намда, Захарияада, айладаба:

Захарияа 7:5

– Энэ орон нютагай бүхы арад түмэндэ ба санаартанда хэлэ: «Таанар иигэжэ далан жэлэй туршада табадахи, долоодохи һарануудта масаг барин гашуудахадаа, үнэхөөрөө Минии түлөө масаглана гээшэ гүт?

Захарияа 8:19

Түмэн Сэрэгтэ Эзэн иигэжэ айладажа байна: Дүрбэдэхи, табадахи, долоодохи, арбадахи һарануудта гашуудалай масагай үдэрнүүд таанарта бии. Гашуудалай эдэ үдэрнүүд Иудын уг удамда баяр баясхалантай, хүхюутэй һайхан һайндэрнүүд болог. Гансал үнэниие, амар амгалангые хайрлагты.

Малаахи 2:7

Санаартан Бурханай һургаал хамгаалха, тэрэнэй аманһаа гараһан заабари үгые хүнүүд бэдэрхэ ёһотой. Ушарынь хадаа тэрэ Эзэнэй элшэ болоно.

Матвей 9:15

Тиихэдэнь Иисүүс тэдэндэ иигэжэ харюусаба: – Түрэ хуримай айлшад хүрьгэн хүбүүнтэйгээ хамта байха сагтаа гуниглаха аал? Үгыл даа! Зүгөөр хүрьгэн хүбүүнтэй хахасуулха үдэрэй ерэхэдэнь, тэдэ айлшад масаглахал.

Коринфынхидтэ 1-дэхи 7:5

Бэе бэетэйгээ инаглан харилсажа байгты, зальбаржа сагаа үнгэргэхэ гэжэ хоюулан зүбшэһэн сагтаа инаглан харилсахаяа болигты, тиигээд бэеэ барижа шадахагүй байхадатнай сатанагай таанадые хорхойтуулхагүйн тула дахин бэе бэедээ няалдагты.

Хуули дабталга 33:10

Тэдэнэр Яковые ёһо гуримуудтатнай һургана, Израилиин уладта һургаалыетнай дамжуулна, Танай урда хүжэ санзай ууюулна, үргэлэй шэрээ дээрэтнай түгэс шатаалта үргэл үргэнэ.