Захарияа 7:12 - Библи

¹² Тэдэ зүрхэ сэдьхэлээ шулуун хатуу болгоһон ушарһаа Түмэн Сэрэгтэ Эзэнэй Өөрын Һүлдөөр эртын эшэ үзүүлэгшэ лүндэншэдөөр дамжуулһан хуули заабари болон үгэнүүдые дуулаагүй. Тиихэдэнь Түмэн Сэрэгтэ Эзэнэй айхабтар ехэ уур хилэнсэг хүдэлбэ.

Захарияа 7:12 Referencias Cruzadas

2 Угай бэшэг 36:13

Навуходоносорто үнэн сэхэ байхаб гэжэ Эзэнэй нэрээр тангариглахыень Цэдэкиияые Навуходоносор хаан баадхаһан юм. Теэд Цэдэкиия тэрэнэй урдаһаа буһалгаалба. Цэдэкиия үсэрхэжэ, Израилиин Эзэн Бурханда бусахаяа арсаба.

2 Угай бэшэг 36:16

Теэд тэдэ Бурханай элшэдые наадалжа, Үгыень анхарангүй, лүндэншэдыень хараажа байба. Тиимэһээ арад зоной абарагдахын аргагүйгөөр Эзэн арадтаа уурлаба.

Иоов 9:4

Тэрэнэй оюун ухаан, хүсэ шадалынь хизааргүй. Хэн Тэрээндэ эсэргүүсээд, бүтэн үлэһэн юм?

Псалманууд 50:17

Эзэн, минии амые нээгыт! Амамни Таниие магтахал.

Египедһээ гаралга 7:13

Теэд фараон тэдэнэй үгэ шагнаха дурагүй байба. Эзэнэй айладаһаар лэ болобо.

Исай 46:12

Таанад, үсэд зантай зон, Намайе шагнагты! Үнэн зүб, һайниие хэхэ гээшэ үшөө үды гээд һананат.

Исай 48:4

Танай үсэдые, хоолойтнай түмэр, сохотнай гуулин мэтэ гэжэ би ойлгодог һэм.

Исай 6:10

Энэ арад түмэниие ухаагүй ойгог болгожо, шэхынь дүлии, нюдынь һохор болго. Тэдэ бү хараг, бү дуулаг, бү ойлгог. Үгы һаа, тэдэ Нам руу эрьежэ, эдэгэхэл.

Исай 65:12

һэлмээр сабшагдан үхэхэ үхэл бэлдэнхэйб. Таанадые үбдэглүүлээд сабшаха! Минии дуудахада, харюусаагүйт, айладахадамни, дуулаагүйт. Таанад муу хэрэг үйлэдэн, Намда таарамжагүй юумэ шэлэһэн байнат.

Ерэмияа 17:1

Эзэн айладхана: – Иудын хан түрын зоной нүгэл түмэр эритээр, баллахын аргагүйгөөр бэшэгдэнхэй, ошорой үзүүрээр зүрхэнэйнь хабтаһан дээрэ һиилэгдэнхэй, үргэлэй шэрээгэй углуунууд дээрэ барлагданхай.

Ерэмияа 17:23

Танай үбгэ эсэгэнэр Минии үгэ дуулаагүй, анхаралаа табяагүй. Дам саашаа Минии захиралта дүүргэхэгүйн, һургаалыем шагнахагүйн тула тэдэ үсэрхөө.

Ерэмияа 26:19

Хэзэкияа хаан болон Иудын хан түрын улад зон Михей гэгшые алаагүй. Хэзэкияа Эзэниие хүндэлжэ, Тэрээндэ һайшаагдаха гэжэ оролдоо. Тиимэһээ Эзэн тэдээн дээрэ татаха гэжэ байһан гай тодхороо болюулаа бэлэй. Харин бидэ өөһэдөө өөһэдтөө ехэ гай гасалан үйлэдэхэ гэжэ байнабди.

Ерэмияа 42:21

Минии мүнөө хэлэхэдэ, таанад Эзэн Бурханайнгаа үгэ дууланагүйт.

Ерэмияа 5:3

Оо, Эзэн! Зоной Танда үнэн сэхэ байхые хүсэнэт. Танай тэдэниие сохиходо, тэдэ һэншье гэнэгүй. Танай тэдэниие хэһээхэдэ, тэдэ һургаал абахаяа татагалзана. Тэдэ үсэрхэжэ, нүгэлөө мэдэрхэһээ арсана.

Ерэмияа 7:20

Тиимэһээ Би, Эзэн Бурхан, Өөрынгөө бушаганама уур хилэнгые үргөөгэй оршодог энэ газар дээрэ, хүн ба адагуусан дээрэ, талын модод ба газарай үрэ жэмэс дээрэ буулгахам. Гал дүлэн носожо, хэншье тэрэниие унтараажа шадахагүй.

Эзэкээл 11:19

Би тэдээндэ ондоо зүрхэ, ондоо сэдьхэл үршөөхэб, үсэд шулуун зүрхыень абажа, үгэ дууламгай зүрхөөр һэлгэхэб.

Эзэкээл 14:5

Тэдэ онгонуудта мүргэхэдөө, Намһаа холодоо, энээниие Израилиин арад түмэн ойлгохо бэзэ гэжэ найданаб».

Эзэкээл 2:4

Үсэд, шулуун хатуу зүрхэтэй тэдээн руу шамайе Минии, Бүгэдын Эзэнэй, айладхал дуулгахыень эльгээхэм.

Эзэкээл 36:26

Үсэд зүрхыетнай үгэ дууламгай шэнэ зүрхөөр һэлгэхэб. Шэнэ һанаа бодолтой болохот.

Захарияа 1:2

– Танай үбгэ эсэгэнэртэ Би, Эзэн, ехэтэ хилэнлэһэн гээшэб.

Захарияа 7:7

Эзэн бүри үни Иерусалимда дүүрэн зон ажаһуужа, тэрэ хотын хүгжэн һалбаржа байха сагта урданай лүндэншэдөөр дамжуулан энээнииел айладаа бэшэ юм гү? Хотые тойроод, сүл губидахи урда орондо, хадын баруун хормойдо, доро газарта амитан зоной олоороо һуужа байхада, тунхаглаһан үгэнь иимэ бэшэ аал?

Матвей 13:15

Энэ арадай сэдьхэлынь мохоороо, шэхэнь таглараа, нюдэнь анигдаа. Тиимэһээ тэдэ нюдөөрөө юумэ харанагүй, шэхээрээ дууланагүй, ухаагаараа юумэ ойлгоногүй, тэдэниие аргалжа эдэгээхымни тула Намда ханданагүй».

Марк 4:12

Тиимэһээ: «Тэдэнэр хараба, шэртэбэшье, юумэ обёорхогүй. Тэдэнэр сонособо, шагнабашье, юумэ ойлгохогүй. Хэрбээ юумэ обёордог, ойлгодог һаа, тэдэ Бурханда хандаха байгаа, харин Бурхан тэдэниие хүлисэхэ һэн».

Лука 8:12

Харгын хажууда унаһан үрэһэн гээшэнь – Бурханай номнол үгэнүүдые шагнагшад мүн, теэд удаань шолмос ерэжэ, ойлгоһон юумыень сэдьхэлһээнь ходолжо абаашана, тиихэдэнь тэдэ хүнүүд этигэхэеэ болижо, абарагдахагүй болоно.

Хэрэгүүд 28:27

Энэ арадай сэдьхэлынь мохоороо, шэхэнь таглараа, нюдэнь анигдаа. Тиимэһээ тэдэ нюдөөрөө юумэ харанагүй, шэхээрээ дууланагүй, ухаагаараа юумэ ойлгоногүй, тэдэниие аргалжа эдэгээхымни тула Намда ханданагүй».

Пётрой 2-дохи хандалга 1:21

Юундэб гэхэдэ, нэгэшье лүндэншэ өөрынгөө дура хүсэлөөр уридшалан хэлээгүй, харин Арюун Һүлдөөр хүтэлүүлэгдэн, Бурханай үгэ айладхадаг байгаа.