Захарияа 7:11 - Библи

¹¹ Гэбэшье тэдэ Эзэнэй үгэдэ анхарангүй, шэхээ бүтүүлээд байгаа бэлэй.

Захарияа 7:11 Referencias Cruzadas

2 Угай бэшэг 33:10

Эзэнэй Мэнашшээ болон арад түмэндэнь хандан ойлгуулаашье һаа, тэдэ үгыень дуулабагүй.

Нэхэмьяа 9:17

Тэдэнэй дунда Танай бэелүүлһэн эди шэдинүүдыетнай мартаад, үгыетнай дуулахаяа арсаал. Тэдэнэр үсэд зан харуулжа, Египет руу һөөргөө богоол болохоёо бусахын тула өөһэдтөө удамаршые шэлэн табяал! Зүгөөр Та – хүлисэгшэ, һайхан зантай, нигүүлэсхы сэдьхэлтэй, уур сухалда абташагүй, хайра ехэтэ Бурханта; Та тэдэниие орхёогүйт.

Нэхэмьяа 9:26

Зүгөөр тэдэнэр буһалгаалба, урдаһаатнай бодобо. Таниие, Танай Хуули һургаалые ара нюргаараа шэдэжэ хаяба. Тэдэниие Танда бусаахаяа, мүн тэдэниие һургахаа эльгээһэн Танай лүндэншэдые алаба. Израильшууд иигэжэ туйлай ехэ муу хэрэгүүдые хэбэ!

Нэхэмьяа 9:29

Танай Хуулида бусаха тухай Та тэдээндэ заагаат, харин тэдэнэр дээрэлхүү боложо, захяануудыетнай дуулабагүй. Тогтоолнуудыетнай сахибал, хүн амиды ябаха байгаа, харин тэдэ тогтоолнуудайтнай урдаһаа нүгэл хэбэ. Тэдэнэр али болохоор Танһаа буруу харана, үсэрхэнэ, дуулаха шагнаха дурагүйнүүд!

Египедһээ гаралга 10:3

Моисей Аһароон хоёр фараондо ерээд хэлэбэд: – Эзэн, еврейнүүдэй Бурхан, иигэжэ асуужа байна: Минии урда номгорхошни хэзээ юм бэ? Намда зорюулһан үргэл тахил бүтээхыень Минии арадые табииш.

Исай 28:12

Та бүгэдэндэ амархые Тэрэ дурадхаа бэлэй, харин таанад үгыень дуулахаяа арсаат.

Исай 46:12

Таанад, үсэд зантай зон, Намайе шагнагты! Үнэн зүб, һайниие хэхэ гээшэ үшөө үды гээд һананат.

Исай 6:10

Энэ арад түмэниие ухаагүй ойгог болгожо, шэхынь дүлии, нюдынь һохор болго. Тэдэ бү хараг, бү дуулаг, бү ойлгог. Үгы һаа, тэдэ Нам руу эрьежэ, эдэгэхэл.

Исай 65:12

һэлмээр сабшагдан үхэхэ үхэл бэлдэнхэйб. Таанадые үбдэглүүлээд сабшаха! Минии дуудахада, харюусаагүйт, айладахадамни, дуулаагүйт. Таанад муу хэрэг үйлэдэн, Намда таарамжагүй юумэ шэлэһэн байнат.

Ерэмияа 11:10

Минии үгэ дуулахаһаа татагалзаһан уг унгиингаа нүгэл шэбэлдэ тэдэ эрьен бусажа, ондоо бурхадта мүргэжэ эхилбэ. Израилиин болон Иудын үри һадаһад үбгэ эсэгэнэртэйнь Минии байгуулһан хэлсээе эбдэбэ.

Ерэмияа 13:10

Энэ муу арад зон Минии үгэ дууланагүй. Тэдэ үсэд зантай, ондоо бурхадта шүтэн мүргэнэ, ондоо бурхадые хүндэлнэ, урдань һүгэдэн унана. Тиимэһээ тэдэ болбол энэ ямаршье хэрэггүй бүһэдэл адли болохо.

Ерэмияа 17:23

Танай үбгэ эсэгэнэр Минии үгэ дуулаагүй, анхаралаа табяагүй. Дам саашаа Минии захиралта дүүргэхэгүйн, һургаалыем шагнахагүйн тула тэдэ үсэрхөө.

Ерэмияа 17:27

Харин Минии үгэ дуулангүй, амаралтын үдэр нангинаар сахингүй, ашаа үргэн, амаралтын үдэр Иерусалимай бартаануудаар гаража байбалтнай, Би тэдэ бартаануудые галда шатаахаб! Гал дүлэн Иерусалимай ордонгуудые дууһан залгиха, хэншье тэрэниие унтаргаажа шадахагүй!

Ерэмияа 19:15

Израилиин Бурхан, Түмэн Сэрэгтэ Эзэн иигэжэ айладана: «Үзөөрэйгты, Минии үгэ дуулахагүй гэжэ үсэрхэһэнэйтнай түлөө Би тунхаглаһан бүхы гай тодхороо энэ хотодо болон оршон тойронхи һууринуудтань шэглүүлхэмни», – гээшые дуулгаа һэм.

Ерэмияа 35:15

Мүн Би таанадта албатан лүндэншэдээ хэдэн дахин эльгээгээб, танай муу замаа орхижо, зүбөөр ажаһуудаг болохо тухай тэдэ хэлээ. Таанадта болон үбгэ эсэгэнэртэтнай үгэһэн газар дайдадам та бүгэдын саг үргэлжэ ажаһуухын тула ондоо бурхадта мүргэхэгүй, зальбархагүй тухай тэдэ таанадта хэлэн һэргылээ. Теэд таанад үгыень дуулаагүйт, Намайе анхараагүйт.

Ерэмияа 36:31

Таанадые, уг удамыетнай, түшэмэлнүүдыетнай нүгэл шэбэлһээтнай боложо хэһээхэб. Ши өөрөө, Иерусалимай болон Иудын хан түрын улад зон минии һэргылэлтэнүүдые анхараагүй. Тиимэһээ Би гай тодхор таанадта татахам».

Ерэмияа 42:21

Минии мүнөө хэлэхэдэ, таанад Эзэн Бурханайнгаа үгэ дууланагүйт.

Ерэмияа 44:16

– Эзэнэй нэрэһээ айладхаһан үгэнүүдыетнай шагнахаяа арсанабди.

Ерэмияа 5:21

Шагныта, тэнэг, ухаагүй зон! Таанад нюдэтэй байбашье, харадаггүйт, шэхэтэй байбашье, дууладаггүйт.

Ерэмияа 5:3

Оо, Эзэн! Зоной Танда үнэн сэхэ байхые хүсэнэт. Танай тэдэниие сохиходо, тэдэ һэншье гэнэгүй. Танай тэдэниие хэһээхэдэ, тэдэ һургаал абахаяа татагалзана. Тэдэ үсэрхэжэ, нүгэлөө мэдэрхэһээ арсана.

Ерэмияа 7:24

Гэбэшье тэдэ Минии үгэ дуулаагүй, анхаралаа хандуулаагүй, харин үсэд, муу сэдьхэлэйнгээ табисуураар ажаһуужа, өөһэдыгөө хойшо татаба.

Ерэмияа 7:26

Теэд таанад Минии үгэ дуулаагүйт, шэхээ табяагүйт, үсэрхэжэ, үбгэ эсэгэнэрһээ бүри муу болоот.

Ерэмияа 8:5

Юундэ таанад, Иерусалимай улад зон, Намһаа буруу хараһан харгыгаараа саашаал дугташажа байнабта? Таанад шүтөөнүүдөө орхихо дурагүй, Намда бусахаяа арсанат.

Эзэкээл 14:5

Тэдэ онгонуудта мүргэхэдөө, Намһаа холодоо, энээниие Израилиин арад түмэн ойлгохо бэзэ гэжэ найданаб».

Эзэкээл 3:7

Харин Израилиин улад зон шамайе шагнаха хүсэлгүй байха. Юуб гэхэдэ, тэдэ Намайе шагнаха хүсэлгүй. Тэдэ бултадаа үсэд, үгэ дуулахагүй зон.

Эзэкээл 5:6

Теэд Иерусалим Минии зарлигуудые буруушаан эсэргүүсэжэ, бусад үндэһэ яһатанһаа үлүүгээр аашалба, тойроод байгааша орон түрэнүүдһээ муугаар тэрээндэм хандаба. Иерусалим Минии зарлигуудые, хуули ёһонуудые дүүргэхэеэ арсаба.

Даниил 9:5

Харин бидэ нүгэлтэйбди, гэм хээбди, буруугаар юумэ үйлэдөөбди, үсэрэлдөөбди, ёһо гуримуудыетнай, хуули ёһонуудыетнай хазагайруулаабди.

Һошээ 4:16

Израилиин улад үсэд үнеэндэл адли болоо. Уужам бэлшээри дээрэ номхон хурьгадые харюулһандал адляар Би тэдэниие харууһалжа, адуулжа байха аалби?!

Цэпаанияа 3:2

Тэрэ үгэ дууланагүй, заабари хүлеэн абанагүй, Эзэндэ этигэнэгүй, өөрын Бурханһаа туһа эрин, ойртохоо һананагүй.

Захарияа 1:4

«Нүгэлтэ харгыһаа, хилэнсэгтэ үйлэ хэрэгүүдһээ зайлагты», – гэжэ урданай лүндэншэд таанарай үбгэ эсэгэнэртэ хэлэдэг байгаашье һаань, тэдэ Намайе дуулаагүй, үгыем анхараагүй. Тиимэрхүү үбгэ эсэгэнэртээ адляар бү байгты гэжэ Түмэн Сэрэгтэ Эзэн айладажа байна.

Матвей 13:15

Энэ арадай сэдьхэлынь мохоороо, шэхэнь таглараа, нюдэнь анигдаа. Тиимэһээ тэдэ нюдөөрөө юумэ харанагүй, шэхээрээ дууланагүй, ухаагаараа юумэ ойлгоногүй, тэдэниие аргалжа эдэгээхымни тула Намда ханданагүй».

Хэрэгүүд 7:51

Бурханай һургаал дуулаха дурагүй, мэдэлдэнь байдаггүй зүрюу зон! Таанад өөһэдынгөө үбгэ эсэгэнэртэл адли Арюун Һүлдэдэ ходо эсэргүүсэнэт.

Хэрэгүүд 7:57

Оог хашхараа табин, шэхэеэ бүтүүлжэ, тэдэ булта Стефанда добтолбо,

Еврейнүүдтэ 12:25

Эзэнэй айладахадань, шагнахагүйбди гэжэ бү арсаарайгты. Тэрэнэй газар дэлхэй дээрэ айладахадань, шагнангүй Өөрыень буруушааһан хүнүүд хэһээлтэһээ мултараагүй. Харин тэнгэриһээ айладахадань, арсабал, хэһээлтэһээ бүришье мултархагүйбди.