Захарияа 4:9 - Библи

⁹ – Зэрубабээлэй гарнууд энэ гэрэй һуури табиһан гээшэ. Тэдэ гарнууд лэ эсэстэнь хүргэг. Тиихэдэнь Түмэн Сэрэгтэ Эзэн намайе таанарта эльгээгээ гэжэ мэдэхэт.

Захарияа 4:9 Referencias Cruzadas

Эзраа 5:16

Шэшбаццаар ошожо, Иерусалимдахи Бурханай гэрэй һуури табилгые эмхидхээ. Тэрэ сагһаа мүнөө болотор энэ барилга үргэлжэлһөөр, үшөө дүүргэгдээгүй».

Исай 48:16

Нам руу дүтэлэгты, юу хэлэхыем шагнагты! Би эхинһээ эхилэн нюуса дуугаржа байгаа бэшэб. Энээнэй эхинһээ хойшо Би тэндэ байлсааб». Мүнөө Эзэн Бурхан Һүлдөө намда шэнгээн, Намайе эльгээгээл!

Хаггай 2:18

Минии ордоной һуури мүнөөдэр дууһан табигдаа. Саашадаа юун болохоб гэжэ анхарыт.

Захарияа 1:16

Иерусалим тээшэ эрьежэ хайраяа хүртөөнэм, тэрэ хото соо Минии үргөө бодохо. Түмэн Сэрэгтэ Эзэнэй зарлигаар Иерусалим дээгүүр газар хэмжэлгын зурлаа татагдаха.

Захарияа 2:11

Тэрэ үдэр Эзэн руу олон арадууд ерэхэ, тэдэ Эзэнэй арад болохо; дундатнай Эзэн ерэжэ ажаһууха, тиихэдэм Түмэн Сэрэгтэ Эзэн намайе эльгээгээ гэжэ мэдэхэт.

Захарияа 2:13

Эзэнэй урда хамаг амитан анираа хатаг! Өөрын нангин үргөөһөө тэрэ гаража байна.

Захарияа 4:8

Эзэн намда иигэжэ зарлигтаа:

Захарияа 6:15

Хаана холоһоо хамаг зон ерэжэ, Эзэнэй Һүмэ бодхоолгодо хабаадалсаха. Тиигэжэ Түмэн Сэрэгтэ Эзэн намайе танда эльгээгээ гэжэ мэдэхэт. Хэрбээ өөрын Эзэнэй үгэ түгэс дуулан дагабалтнай, эдэ бүгэдэ хүсэхэл даа.

Матвей 16:18

Тиимэһээ Би шамда хэлэнэб: ши, Пётр – шулуун гээшэш, тиин Би энэ шулуун дээрэ Өөрынгөө һүзэглэгшэдэй бүлгэмые бодхоохоб, тэрэнииемни үхэлшье өөрөө диилэхэгүй.

Иоанн 17:21

Эдэнэр бултадаа нэгэн хамта байг лэ, Та Минии досоо байнат, Би Танай досоо байнаб, тэрээндэл адли, тэдэнэр бидэнэй досоо байг лэ. Тиихэдээ Намайе Та эльгээгээт гэжэ дэлхэйн зон этигэхэ.

Иоанн 3:17

Бурхан дэлхэйнхидые зэмэлхын тула бэшэ, харин тэдэниие абархын тула Хүбүүгээ газарта эльгээгээ.

Еврейнүүдтэ 12:2

Һүзэг этигэлэймнай эхи татаһан, тэрэнииемнай түгэс түгэлдэр болгоһон Иисүүсые шэртэжэ байял. Ерээдүйдэ үзэгдэхэ баярай түлөө Тэрэ Өөрыгөө гутаалгахаяа айнгүй, хэрээһэндэ хадуулжа үхөөд, Бурханай баруун талада һуугаа.