Захарияа 4:10 - Библи

¹⁰ Долоон дэн тухай хэлээ һэмнайб. Эдэ хадаа Эзэнэй хамаг дэлхэйе шобто харадаг нюдэд гээшэ. Зэрубабээлэй гарта байһан тэгшэлүүр тээшэ баяртайгаар хаража байһан энэ үдэрые хэн шухала бэшэ гэжэ хэлэхэб даа, – гэжэ Эльгээмэл хэлэбэ.

Захарияа 4:10 Referencias Cruzadas

2 Угай бэшэг 16:9

Газар дэлхэйн Тэрээндэ үнэн этигэдэг зониие бултыень Эзэн хаража байдаг, тиигээд тэдээндэ Тэрэ туһалдаг. Мүнөө ши буруу юумэ хэбэш. Тиимэһээ энээнһээ хойшо шамда добтолон орогшод бии болохо.

Иоов 8:7

Тиин урдынхиһаа үлүү өөдэргэ болоно бэзэш.

Псалманууд 33:14

Тэрэ хүн муу үгэнүүдһээ хэлээ тэбшэн бариг, худал хуурмаг яряанһаа амаа хизаарлаг. ס Саамэх

Һургаал 15:3

Эзэнэй нюдэн хаа-хаанагүй харадаг, һайн муу хүнүүдые адли харадаг.

Һургаал 4:18

Харин үнэн шударга хүнүүдэй зам хадаа үүрэй толон мэтэ үдэрэй ерэхэдэ улам һаруул болодог.

Исай 66:11

Тэрэнэй һэргэн һалбарһанда таанад эхынгээ хүхэ хүхэжэ байһан үхибүүндэл һанаагаа амаран, баясахат.

Исай 66:14

Энээниие харахадаа, сэдьхэлтнай баясаха, бэе тамиртнай зүлгэ ногоондол һалбаран, элүүр энхэ болохот. Минии, Эзэнэй, үгэ дуулагша зондо туһалдагыем, дайсадтаа уур хилэнгээ харуулдагыем ойлгохот».

Ерэмияа 16:17

Хэһэн юумыень бултыень Би харанаб. Тэдэ Намһаа хоргодожо шадахагүй – гэм зэмэнь Намһаа хорохогүй.

Эзэкээл 1:14

Тэдэ амитад сахилгаан мэтэ түргөөр урагша-хойшоо һүндэлзэжэ байгаа.

Һошээ 6:3

Зай, иигээд Эзэниие мэдэхэеэ эрмэлзэдэг болоё. Тэрэнэй залархань үүрэй толон мэтэ яг сагтаа, газар дайдые уһалдаг бороо мэтэ Тэрэ заларжа, маанадые һэргээхэл».

Амоос 7:2

Таршаа шумуул дэлхэйн бүхы ургамал эдижэ һалгаахадань, би иигэжэ зальбарааб: «Эзэн Бурхан, үршөөгыт! Яковай үри һадаһан амиды мэндэ үлэхэ гээшэ гү? Тэдэ угаа үсөөн шуу».

Амоос 7:5

Би иигэжэ зальбарбаб: «Эзэн Бурхан, иимэ юумэ бү хыт. Яковай үри һадаһан амиды мэндэ үлэхэ юм аал?!»

Хаггай 2:3

«Энэ Һүмые урданайнь алдар солын үедэ үзөөшэ, таанарай дунда үлөөшэ хэн байнаб? Мүнөө энэ Һүмэ таанарта ямараар харагданаб? Юуншье бэшэ гээд таанарта үзэгдэнэ бэшэ аал?

Захарияа 3:9

Иисүүсэй урда энэ шулуу табинаб. Тэрэ шулуун долоон нюдэтэй. Би тэрээн дээрэ хандалга бэшэг һиилэхэб. Энэ газарай нүгэл хилэнсэгые үгы хэһэн үдэр ерэхэ гэжэ бэшээтэй байха.

Захарияа 9:1

Хадраах нютаг ба Дамааск хото тухай Эзэнэй айладхал бууба. Эзэнэй нюдэн хамаг зондо, илангаяа Израилиин обогуудта ханданхай.

Лука 15:32

Харин дүү хүбүүншни үхэһэн аад, амидыржа, үгы болоһон аад, олдожо ерээ бшуу. Тиимэһээ бидэ баярлаха, сэнгэхэ ёһотойбди».

Гэршэлгэ 5:6

Харан гэхэдэмни хаан шэрээгэй урда дүрбэн амитадай, мүн ахамадуудай урда тахил болгогдон табигдаһан янзатай Үргэлэй Хурьган зогсожо байба. Тэрэ Хурьган долоон эбэртэй, долоон нюдэтэй. Эдэнь бүхы газар дэлхэйдэ Бурханай эльгээһэн долоон һүлдэнь байгаа.

Гэршэлгэ 8:2

Тиигээд Бурханай урда долоон Эльгээмэлнүүдэйнь зогсожо байхые харабаб. Тэдэ Эльгээмэлнүүдтэ долоон бүреэнүүд үгтэбэ.