Захарияа 3:8 - Библи

⁸ Шагнал даа, ахамад санаарта ши Иисүүс, шинии урда һуужа байһан ахамад санаартан мүн лэ дуулажа байг. Эдэ зон үзэгдэл шэнжын гэршэ болохо. Би Өөрынгөө богоолые, Өөрын Һалаа эндэ асаржа харуулхам.

Захарияа 3:8 Referencias Cruzadas

Псалманууд 71:7

Тэрэнэй үе сагта зүб шударга хүн сэсэг мэтэ һалбаран байг, һарын туяарха сагта аза жаргал дэлгэрэн-билтаран байг.

Исай 11:1

Ишайн уг отологдоһон модоной түгсүүл мэтэ, гэбэшье түгсүүлһээ шэнэ эшэ ургаха, түгсүүлһээ шэнэ мүшэр урган гараха.

Исай 20:3

Эзэн иигэжэ айладхал буулгаба: – Минии зараса Исайн гурбан жэлэй туршада салдаган, хүл нюсэгэн ябаһаниинь Египет болон Эфиопитой юун болохо байһанайнь дүлгэ тэмдэг юм.

Исай 4:2

Тэрэ үдэр Эзэнэй мүшэр гоё һайханаар, алдар солоор толоронхой бии болохо, газарай хэшэг Израилиин амиды мэндэ үлэгшэдтэ бахархал, гоо һайханиинь болохол.

Исай 42:1

Эзэн иигэжэ айладхана: Минии дэмжэдэг, сэдьхэлдэмни таарама, Минии шэлэгшэ зараса энэ байна. Арюун Һүлдэеэ тэрээндэ хайрланаб, тиихэдэм Тэрэ үндэһэ яһатан бүхэндэ зүб шударга ёһо гурим нэбтэрүүлхэ.

Исай 49:3

Тэрэ намда иигэжэ айладхаа бэлэй: «Ши Минии зараса гээшэш, Израиль. Шамһаа боложо зон Намайе магтан байха».

Исай 49:5

Зай, иигээд, Яковай зониие суглуулжа бусаахын тула, Израилиин арад зониие суглуулхын тула Эзэн намайе эхымни умай соо бүрилдүүлээ, Өөрынгөө богоол болгоо. Тэрэ намда ехэ хүндэ үзүүлээ, Бурхан – минии хүсэн.

Исай 52:13

Эзэн иигэжэ айладхана: «Минии зараса урагшатай байха, ехэ хүндэтэй, нэрэ түрэтэй хүн тэрэ болохо.

Исай 53:11

Зобоһонойнгоо удаа Тэрэ баясаха, дэмы зобоогүйб гэжэ Тэрэ мэдэхэ. Минии Зүб Шударга Зараса Тэрэ олоной хэһээлтэ Өөр дээрээ даажа абаха.

Исай 53:2

Эзэнэй урда Тэрэ хуурай газарһаа урган гараһан ургамалдал байгаа. Тэрээндэ һайхан шэг шарайшье, һүр жабхаланшье байгаагүй. Хараһаншье һаа, анхаралаа ехэ Тэрээндэ бидэ хандуулаагүйбди.

Исай 8:18

Эзэнэй намда даалгаһан үхибүүдтэй би мүнөө эндэ байнаб. Бидэ Израилиин улад зондо дүлгэ тэмдэг, амиды гэршэлэлгэнүүд болонобди. Бидэ Сион уула дээрэ заларан оршогшо Түмэн Сэрэгтэ Эзэнээр эльгээгдэнхэйбди.

Ерэмияа 23:5

Эзэн иигэжэ айладхана: – Давидай уг удамһаа үнэн сэхэ нэгые хаан болгон табиха сагни дүтэлжэ байна. Тэрэ хаан мэргэн ухаатайгаар ударидажа, энэ газар нютагта хэрэгүүдые шүүбэрилжэ, үнэн сэхээр шиидхэн байха.

Ерэмияа 33:15

Тэрэ үедэ Би Давидай уг удамые хаан шэрээдэ һуулгахаб. Тэрэ үнэн зүбөөр хэрэгүүдые бүхы газар дэлхэйгээр эрхилхэ.

Эзэкээл 12:11

«Би хадаа таанадта дүлгэ тэмдэг болоноб» гээд хэлэ. Шинии энэ хэжэ байгааша зүйл тэдээнтэй тохёолдохо. Сүлэлгэ руу тэдэ туугдаха, баряанда абтаха.

Эзэкээл 12:6

Хаража байхадань үдэшын бараагаар зөөриеэ үргэлөөд, хайшаашье ошоһоноо харахагүйгөөр нюдэ нюураа бүтүүлээд, гаража ошоорой. Ши хадаа Израилиин арад түмэндэ Минии харуулһан дүлгэ тэмдэг болонош.

Эзэкээл 24:24

Би, Эзэкээл, таанадта дүлгэ тэмдэг болохоб, намдал адляар таанад байхат. Эдэ бүгэдые гүйсэдхэгшэ Эзэн Бурханаа тиихэдэ таанад мэдэдэг болохот.

Эзэкээл 34:29

Баян хэшэг үгэхыень газарые баадхахаб, тиихэдэм тэдэ үлэсхэлэн хооһон байдалһаа боложо туража үхэжэ байхаяа болихо. Үндэһэ яһатад таанадые шоо үзэхэеэ болихо.

Эзэкээл 37:24

Минии албатан Давидай үри һадаһан хододоо тэдэнэй хаан байха, хонид тушаа хонишоной һанаагаа зободогтол Тэрэ зоноо харууһалан байха. Израилиин арад түмэн Минии хуули ёһонуудые сахин дүүргэхэ. Яков албатандаа Минии үгэгшэ орон нютагта элинсэг хулинсагтал адляар тэдэ ажаһууха. Үри һадаһадыньшье хэтэ мүнхэдөө тэндэ амидырха.

Захарияа 6:12

Тэрээндэ иигэжэ хэлэ: Түмэн Сэрэгтэ Эзэн иигэжэ айладажа байна: Тэрэ эрын нэрэ – Угай түлөөлэгшэ. Түлөөлэгшын угайнь һалаа урган олошоржо, Эзэнэй Һүмэ бүтээхэ.

Лука 1:78

Бурхамнай гүн ехэ хайраараа огторгойһоо шараһан Гэгээн Наран мэтээр