6 Эльгээмэл Иисүүсые һэргылэн:
Бүхы зоболонһоо Тэрэ тэдэниие абараа. Тэнгэриин Эльгээмэл бэшэ, Өөрөө Эзэн тэдэниие абараа һэн. Өөрын хайраар, үршөөлөөр Тэрэ тэдэниие абараа. Үнгэрһэн сагуудта Тэрэ хододоо тэдэниие үргэн, һанаагаа табин ябаа һэн.
Египедэй орон нютагһаа гаргаһан тэрэ үдэрһөө хойшо мүнөө хүрэтэр Би таанадай үбгэ эсэгэнэрые Минии үгэ дуулаха тухайнь захиржа, һэргылжэ, оло дахин һануулаа һэм.
Бэт-Ээлдэ тэрэ Бурханай Эльгээмэлтэй тулалдажа, диилээ һэн. Бурханһаа үреэл эрижэ, тэрэ уйлан-хайлан байгаа бэлэй. Тиихэдэнь Бурхан маанадта зарлигаа айладхаа һэн.
Тэрэ Эзэнэй Эльгээмэлэй үмэнэ зогсожо байһан ахамад санаартан Иисүүсые намда харуулба, баруун таладань тэрээнтэй тэмсэдэг эрлигые баһа зааба.
Удаань иигэжэ хэлэбэ: – Тэрэнэй толгойдо сэбэр орёолто үмдэхүүлэгты. Эльгээмэлэй зогсоод хаража байхадань, сэбэр орёолто толгойдонь орёобо, жабхалангай хубсаһа бэедэнь үмдэхүүлбэ.
Түмэн Сэрэгтэ Эзэн иигэжэ зарлиг болобо: Ши Минии замаар ябажа, Минии үйлэ бүтээ. Тиигэбэл Минии гэр захирхаш, Минии албатанай харуул болохош. Эндэ зогсогшодой дунда сүлөөтэй ябаха эрхэ шамда соёрхохоб.
