Захарияа 3:2 - Библи

² Эзэн эрлиг дайсанда айладаба: – Эзэн шамайе буруушаажа байна. Үнэхөөр Иерусалимые шэлэһэн Эзэн шамайе буруушаана! Энэ хүн галһаа абтаһан сусалда адли бэшэ гү?!

Захарияа 3:2 Referencias Cruzadas

2 Угай бэшэг 6:5

«Өөрын арад түмэн Израилиие Египедһээ гаргаһанһаа хойшо Минии нэрын заларха Һүмые ямар хотодо баригдахые, мүн Минии арад түмэн Израилиин удамаршаар хэнииешье һунгаагүй байгааб.

2 Угай бэшэг 6:6

Мүнөө Минии нэрын оршохоор Иерусалимые һунганаб, Минии арад түмэн Израилиие хүтэлхыень Давидые шэлэнэб».

Исай 7:4

– Зүрхэеэ хөөрэнгүй, номгон даруу, айнгүй бай, – гэжэ тэрээндэ хэлээрэйгты, – Рэциин хаан араамшуудтайгаа хамта ба Рэмаалияагай хүбүүн – ууяжа-унтаржа байһан хоёр модон гээшэ, уур сухалаар дүрэлзэбэшье, сүйд хэхэ бэшэ.

Даниил 12:1

Тэрэ үедэ арадайтнай аршалагша сахюусан Михаээл заларан бии болохо. Хүн түрэлтэнэй үдэжэ эхилһэн сагһаа хойшо харагдаа-үзэгдөөгүй хүндэ үе тиихэдэ тохёолдохо. Харин Бурханай ном соо бэшээтэй танай арадай бүхы зон абарагдаха.

Амоос 4:11

Содом болон Гоморрые һандаргааһандаа адляар Би таанад руу тон тиимэ һандарал эльгээгээб. Таанар гал дүлэнһөө шүүрэн абагданхай сусал мэтэ байгаат. Теэд таанар Нам руу эрьеэгүйт. Энэ болбол Би, Эзэн, тунхаглана мүн!

Захарияа 1:17

Үшөө иигэжэ зарлаарай: Түмэн Сэрэгтэ Эзэн иигэжэ айладаа: Минии хотонууд хүгжэн һалбарха. Эзэн Сиониие дахяад тайбшаруулжа, Иерусалимые дахин шэлэхэ.

Захарияа 2:12

Тиигэжэ Эзэн Иерусалимые Өөрын онсо хото болгохо. Тиигэжэ нангин газарта Эзэн Иудын орон нютагые Өөрымни хуби гээд эзэмшэхэ.

Марк 1:25

– Абяа аниргүй болоод, энэ хүнһөө гара! – гэжэ Иисүүс шангаар ада шүдхэртэ захирба.

Марк 9:25

Улад зоной үшөө олоор сугларжа байхые харахадаа, Иисүүс ада шүдхэртэ захирба: – Хэлэгүй, дүлии ада шүдхэр! Би шамда захирнаб: энэ хүбүүнһээ гара, хойшодоо тэрээндэ бү оро!

Лука 22:32

Гэбэшье, Симон, һүзэгэйншни буурахагүйн тула Би зальбарааб. Тиигээд ши Намдаа бусажа ерэхэдээ, аха дүүнэрээ зоригжуулан батадхаарай!

Лука 4:35

– Абяа аниргүй болоод, энэ хүнһөө гара! – гэжэ Иисүүс ада шүдхэртэ захирба. Ада шүдхэр тэрэ хүниие зоной дунда унагаагаад, халташ гэмтээнгүй, бэеһээнь гаража арилба.

Лука 9:42

Хүбүүнэй дүтэлжэ ябахада, шэгэһэн ада шүдхэр тэрэниие газарта унагаагаад, шүрбэһыень таталдуулжа оробо. Харин Иисүүс ада шүдхэрые хорижо, хүбүүе эдэгээгээд, эсэгэдэнь тушааба.

Иоанн 13:18

Бултанайтнай тухай Би хэлэнэгүйб, хэдыетнай шэлэжэ абаһанаа мэдэнэб. Теэд «Намтай хамта хилээмэ эдижэ байһан хүн Минии урдаһаа эсэргүүсэбэ» гэһэн Нангин Бэшэгэй үгэнүүд бодото дээрээ хүсэлдэг лэ даа.

Римэйхиндэ 16:20

Маанадта амгалан байдал үршөөдэг Бурхан удангүй сатанае танай ула доро оруулан һүнөөхэ. Манай Эзэн Иисүүсэй үршөөл хайра таанадтай оршожо байхань болтогой!

Римэйхиндэ 8:33

Бурханай шэлэжэ абаһан хүнүүдые хэн гэмнэхэб? Бурхан Өөрөө тэдэниие зэмэгүй гээл.

Иоаннай 1-дэхи хандалга 3:8

Нүгэл шэбэл хэгшэ шолмосһоо болоно, юундэб гэбэл, шолмос анханһаа хойшо нүгэл хилэнсэ үйлэдэдэг. Тиимэһээ шолмосой үйлэ уршагые үгы хэхын тула Бурханай Хүбүүн ерээ.

Иудын хандалга 1:23

Хүнүүдые хэһээлтын галһаа аршалжа байгты. Бусад зониие үршөөжэ хайрлагты, тиибэшье тэдэнһээ болгоомжолжо, нүгэлөөр бузарлуулагдаһан хубсаһанһаань жэрхэжэ байгты.

Иудын хандалга 1:9

Гэхэтэй сасуу Михаээл гэдэг ахалагша Эльгээмэлшье Моисейн бэе тухай шолмостой арсалдахадаа, хорото үгөөр тэрэниие зэмэлжэ шадаагүй, тэрэ гансал: «Эзэн шамайе хориг лэ!» – гэжэ хэлээ.

Гэршэлгэ 17:14

Тэдэ хаанууд Үргэлэй Хурьганай урдаһаа дайлалдаха, тиин Үргэлэй Хурьган Тэрэнэй урижа асарагшадтай, Тэрэнэй шэлэжэ абагшадтай, Тэрээндэ үнэн шударгы байгшадтай хамта тэмсэжэ тэдэниие диилэхэ. Юуб гэбэл, Үргэлэй Хурьган эзэдүүдэй Эзэн, хаануудай Хаан мүн».