Захарияа 3:1 - Библи

¹ Тэрэ Эзэнэй Эльгээмэлэй үмэнэ зогсожо байһан ахамад санаартан Иисүүсые намда харуулба, баруун таладань тэрээнтэй тэмсэдэг эрлигые баһа зааба.

Захарияа 3:1 Referencias Cruzadas

Эхин 3:15

Би эхэнэр та хоёрые эбсэшэгүй дайсад болгохоб. Таанадай үри һадаһад хоорондоо дайсад болохо, тэрэнэй хүбүүд толгойеш бизалха, харин ши тэдэнэй хүлэй улые хадхадаг, хазадаг болохош.

Эхин 48:16

Намайе ёро муухай хүсэнһөө хамгаалжа байһан Эльгээмэл эдэ хоёр хүбүүдые үреэхэнь болтогой! Минии нэрые эдэ хоёр хүбүүд залгамжалан абажа, үбгэ эсэгэнэр болохо Абраһаамай, Исаагай нэрэнүүдые уламжалан абажа ябахань болтогой! Эдэ хүбүүдэй үри һадаһадынь үй түмэн болохонь болтогой!

1 Угай бэшэг 21:1

Шолмос Израильда добтолжо, Израилиин улад зоной тоо бүридхэхыень Давидые баадхаба.

2 Угай бэшэг 29:11

Хүбүүдни! Сагаа дэмы гээжэ бү байгты, юуб гэхэдэ, Өөрэйнь урда зогсожо, алба хэжэ, уталгануудые ууюулхыетнай, албалхыетнай Эзэн Таанадые шэлээ бшуу.

Эзраа 10:18

Буса түрэлтэдэй басагаар һамга хэһэн хүбүүд санаартадайшье дунда олдоо – Ёцадаагай хүбүүн Иисүүсэй болон аха дүүнэрэйнь хүбүүд: Маашэяа, Элиээзэр, Ярииб, Гэдаалияа.

Эзраа 5:2

Тиихэдэнь Шалтиээлэй хүбүүн Зэрубабээл, Ёцадаагай хүбүүн Иисүүс гэгшэд Иерусалимдахи Бурханай гэрэй барилга шэнээр эхилбэ, тэдэнтэй хамта Бурханай лүндэншэд, тэдэниие дэмжэгшэд булта хүдэлөө.

Псалманууд 106:23

Онгосоор далайгаар тамарагшад, хизааргүй ехэ уһан дээр зам татагшад

Псалманууд 109:6

үндэһэ яһатаниие шүүбэрилхэ, бүгэдые хүүрээр дүүргэхэ, үргэн дэлхэй дээрэ удамаршадые бута сохихо.

Ерэмияа 15:19

Энээндэ Эзэн иигэжэ харюусаба: – Ерэмияа, бусаа һаашни, Би шамайе бусаахаб, тиигээд ши Минии дэргэдэ зарасам байхаш. Хэрэггүй хооһон үгэһөө үлүү ехээр ши үнэтэй шухала үгэ үнэлдэг байгаа һаа, Минии захяа хүргэгшэ дахинаа болохош. Улад зон өөһэдөө шамда бусаха, ши тэдээндэ өөрөө ошожо байхагүйш.

Эзэкээл 44:11

Үүдэнүүдые харууһалха, түгэс шатаалта үргэлэй мал үүсэлхэ, зоной жэжэ-божо хэрэгсэлнүүдые хангаха – гансал иимэ ажал хэхэнь тэдээндэ зүбшөөгдэхэ.

Эзэкээл 44:15

Израилиин зарим зоной Намһаа буруу хараад байһан үедэ гансал Намда үнэн сэхэ үлэгшэ Цадоок санаартанай үри һадаһад, Левиин обогой санаартан, Минии ёһололнуудые ябуулха, тоһо өөхэ, шуһа үргэл болгон үргэхэ эрхэтэй.

Хаггай 1:1

Персиин агууехэ хаан Даариин хаан шэрээ эзэлһэн сагһаа хойшо хоёрдохи жэлэй зургаадахи һарын түрүүшын үдэр Эзэн Хаггай лүндэншэдэ хандан, Иудын захирагша, Шалтиээлэй хүбүүн Зэрубабээлдэ ба ахамад санаарта Ёцадаагай хүбүүн Иисүүстэ айладхалыень дамжуулхые захирба.

Хаггай 1:12

Шалтиээлэй хүбүүн Зэрубабээл, Ёцадаагай хүбүүн Иисүүс болон бусад арад түмэн Хаггай лүндэншые Эзэн Бурханаар эльгээгдэһэн мүн гэжэ мэдэржэ, Эзэн Бурханайнгаа Хаггай лүндэншөөр дамжуулһан үгэ дуулаба. Тиигээд тэдэ Эзэнһээ айжа, Тэрэниие хүндэлжэ эхилбэ.

Хаггай 2:4

Гэбэшье Зэрубабээл зоригтой бай, Ёцадаагай хүбүүн Иисүүс, ахамад санаартан, зоригтой бай! Энэ ороной улад зон, зоригтой байгты! Би, Түмэн Сэрэгтэ Эзэн, таанартай хамта байнаб. Ажал хэгты, туһалхаб.

Захарияа 1:13

Гэхэдэнь намтай ярилдажа байһан Эльгээмэлдэ Эзэн һанааень заһан, урихан үгэнүүдые айладаба.

Захарияа 1:19

Намтай хөөрэлдэһэн Эльгээмэлдэ хандан асуубаб: – Энэ юун бэ? Тэрэ харюусаба: – Иуда, Израиль болон Иерусалимые һандарган тарааһан эбэрнүүд гээшэ.

Захарияа 1:9

«Эдэ юун морид гээшэб?» гэжэ би асуубаб. Намтай хөөрэлдэжэ байһан Эльгээмэл: «Эдэнэй юу хэжэ байһые би шамда харуулхаб» – гэбэ.

Захарияа 2:3

Намтай хөөрэлдэһэн Эльгээмэлэй ябахадань, нүгөөдэ Эльгээмэл урдаһаань ерэбэ.

Захарияа 3:8

Шагнал даа, ахамад санаарта ши Иисүүс, шинии урда һуужа байһан ахамад санаартан мүн лэ дуулажа байг. Эдэ зон үзэгдэл шэнжын гэршэ болохо. Би Өөрынгөө богоолые, Өөрын Һалаа эндэ асаржа харуулхам.

Захарияа 4:14

Тэрэ хэлэбэ: – Бүхы дэлхэйн Эзэндэ алба хэхэ гэжэ магнайдаа оливын нангин тоһо түрхюулһэн хоёр хүбүүд гээшэ. Тэдэ бол Эзэнэй хоёр талаар зогсодог.

Захарияа 6:11

Титим алта мүнгөөр урлажа, Ёцадаагай хүбүүн, ахамад санаартан Иисүүсэй толгой дээрэ таби.

Малаахи 3:1

«Харагты, шинии ябаха харгы бэлдэхыень би уридшалан Өөрынгөө Эльгээмэлые ябуулнаб. Таанарай бэдэрдэг Эзэн гэнтэ Өөрын Һүмэдэ ерэхэ болоно. Таанарай баярлан хүлеэһэн хэлсээнэй Эльгээмэл, харагты, Тэрэ ерэжэ байна» гэжэ Түмэн Сэрэгтэ Эзэн айладажа байна.

Лука 21:36

Тэрэ сагта тохёолдохо хамаг аюул дабажа гарахын тула, Хүн түрэлхитэнэй Хүбүүнэй урда зохистой байхын тула үргэлжэ зальбаржа, һэргэг хёрхо байгты!

Лука 22:31

Тиигээд Иисүүс хэлэбэ: – Симон аа, Симон, шагна даа намайе! Таряашанай орооһо һагшан мэхиинэһээ илгадагтал адляар шолмос хүн бүхэнииетнай туршажа шалгаха эрхэ өөртөө шаардаба.

Хуули дабталга 10:8

Тэрэ үедэ Эзэн Левиин обогой зониие бусадһаа тусгаар илгажа, Өөрынгөө хэлсээнэй ханза абан ябахыень даалгаба. Тэдэнэр Эзэнэй урда зогсодог, санаартанай уялга дүүргэдэг, Тэрэнэй нэрээр зониие үреэдэг болобо. Мүнөөшье болотор тэдэ энэ ажалаа хэһээр.

Хуули дабталга 18:15

Таанадай дундаһаа намдал адли лүндэншые Эзэн Бурхантнай элирүүлэн гаргаха. Тэрэнэй үгэ дуулаха ёһотойт.

Пётрой 1-дэхи хандалга 5:8

Һэргэлэн байгты, бү һажагты. Танай дайсан болохо шолмос эдихэ зууха хүниие бэдэржэ байһан арсалан мэтэ хүрхиржэ ябана.

1 Хаан түрэнүүд 6:20

– Эзэнэй, энэ арюун Бурханай урда хэн зогсожо шадахаб? Тэрэ бидэнһээ хэн руу ошохоб? – гэжэ Бэт-Шээмэшэй зон хөөрэлдэбэ.