Захарияа 2:9 - Библи

⁹ Түмэн Сэрэгтэ Эзэн айладана: «Мутараа тэдээндэ далайхадам, богоолнуудайнгаа олзо болохол даа». Тиихэдэнь намайе Түмэн Сэрэгтэ Эзэн эльгээгээ гэжэ таанад мэдэхэт.

Захарияа 2:9 Referencias Cruzadas

Исай 10:32

Мүнөөдэртөө дайсан Нообто байха. Иерусалимай толгой болохо Сион уула руу тэдэ нюдаргаа зангидан занана.

Исай 11:15

Эзэн Египедэй далайн хоолойе хатааха, Евфрат мүрэн хатаахаяа халуун һалхяар үлеэлгэхэ, хүнэй шаахайгаа тайлангүй тэрэниие гаталдаг болотор долоон багахан горхон болгон хубааха.

Исай 12:6

Сионой ажаһуугшад, баясагты, шангаар дуулагты! Израилиин арюун Бурхан танай дунда агууехэ!»

Исай 13:2

Нюсэгэн толгой дээрэ туг бодхоон намилзуулагты! Сэрэгшэд руу хашхаран захиралта үгэгты! Омог бардам хотын бартаануудта добтолон орохо тухай дохёо тэмдэг үгэн, гараараа зангагты!

Исай 14:2

Орон нютагтаа бусахадань олохон арадууд Израильда туһалха. Тиигээд Эзэнэй тэрэ газар нютагта тэдэ арадууд Израилиин богоолнууд болохо. Израилиие баряанда барижа байгаашад өөһэдөө баряанда баригдаха, дарлагшадаа тэдэ өөһэдөө дарлаха болоно.

Исай 19:16

Египедэй зон эмэ зондол адли аймхай болохо. Түмэн Сэрэгтэ Эзэнэй тэдэниие хэһээхэеэ гараа һунгахые харахадаа, тэдэ айн шэшэржэ байха.

Исай 26:1

Иудын хан түрын газар дайдада иимэ дуу дууладаг болохо саг дүтэлжэ байна: «Манай хото хүсэтэй! Бурхан Өөрөө хана хэрэмынь болон хамгаалжа байна!

Исай 33:1

Үшөө дээрмэдүүлэгдээгүй дээрмэдэгшэ, урбалга үшөө өөр дээрээ мэдэрээгүй урбагша ши! Шамда өөртэш гай тодхор хүрэхэ! Дээрмэдэжэ дүүргэхэдэшни өөрыеш дээрмэдэхэ, урбажа садахадашни өөртэшни урбаха!

Исай 33:21

Тэндэ бидэнтэй хамта агууехэ Эзэн заларха, тэрэ газарта урасхалнууд, үргэн гол мүрэнүүд байха, гэбэшье тэндэ уһа һэлигшэдтэй онгосонууд тамаран ерэхэгүй, мантан уһанай онгосо тиишээ тамаран орожо шадахагүй.

Исай 33:23

Аргамжануудтнай һула болоо, далбагын модо баринагүй, далбагануудые татаха арга байхагүй. Баян эд баялиг хубаарилагдаха, дохолоншье хүн зөөри буляан абахал.

Исай 4:5

Тиигээд Сионой уулаар болон тэндэ сугларагшад дээгүүр Эзэн үдэртөө үүлэ, һүниндөө утаа, дүлэлзэһэн гал түхөөхэ. Эзэнэй алдар соло бүхы хотые бүрхөөн, халхалан байха.

Исай 48:16

Нам руу дүтэлэгты, юу хэлэхыем шагнагты! Би эхинһээ эхилэн нюуса дуугаржа байгаа бэшэб. Энээнэй эхинһээ хойшо Би тэндэ байлсааб». Мүнөө Эзэн Бурхан Һүлдөө намда шэнгээн, Намайе эльгээгээл!

Исай 60:18

Орон нютагташни хүсэрхэл, һандарал бэшэ үзэгдэхэгүй, хана хэрэмүүдтэш адли Би шамайе аршалхаб, тиихэдэм ши Намайе магтан байхаш.

Исай 60:19

Энээнһээ хойшо үдэртөө наранай гэрэл, һүниндөө һарын туяа шамда хэрэгтэй бэшэ болохо, Би, Эзэн, шинии хэтэ мүнхын гэрэл туяа болохоб, Минии алдар солын гэрэл таанадые гэрэлтүүлхэ.

Ерэмияа 27:7

Орон нютагайнь болон өөрынь Навуходоносорой доройтохо сагай ерэтэр бүхы үндэһэ яһатан тэрээндэ, хүбүүндэнь болон ашадань алба хэн байха. Доройтоһонойнь удаа өөрынь арад зон олон зонтой яһатанда болон томо хаашуулда алба хэдэг болохо.

Ерэмияа 28:9

Амгалан тайбан байха гээд соносходог лүндэншын хэлэһэн үгэнүүдэй үнэн дээрээ бэелүүлэгдэшоо гээшэ һаань, тэрэ Эзэнэй үнэхөөр эльгээһэн лүндэншэ гээд мэдэрэгдэхэл, – гээд хэлэбэб.

Ерэмияа 8:19

Шагныт! Арад зоноймнай алас холын оронһоо: «Эзэн Сиондо бэшэ байхагүй гээшэ гү? Сионой Хаан тэндээ үгы юм гү?» гэжэ хашхархань дуулдана. Эзэн тэдээндэ иигэжэ харюусаа: «Шүтөөнүүдтэ мүргэжэ, аша туһагүй хариин бурхадта зальбаржа, таанад Минии уур сухал хүргөөт. Юундэ тиигээбта?»

Эзэкээл 39:10

Модо отолжо, түлеэ суглуулжа байхын орондо тэдэ энэ зэбсэгүүдые шатааха. Дээрмэдэгшэдээ дээрмэдэхэ, тоногшодоо тэдэ тонохо. Энэ болбол Би, Эзэн Бурхан, айладхана мүн!

Ёһээл 2:27

Иигэжэ таанад Намайе Израилиин дунда байхыем харахат, таанадай гансахан Бурхан, Эзэн мүн гэжэ ойлгохот.

Аввакуум 2:17

Ливаанай ой модо хайра гамгүй усадхааш. Ан амитадые, улад зониие хюдааш, орон нютагуудые хооһоруулааш, һандаргааш. Энээнэй түлөө ши зэмээ амасахаш.

Аввакуум 2:8

Олон арадуудые дээрмэшэлһэнэйш түлөө бусад бүхы арад түмэн урдаһааш тулан, хүнэй шуһа урасхуулһан, орон нютагыень, хото һууринуудыень, ажаһуугшадыень хооһоруулан һүйдхүүлһэнэйш түлөө шамайе хэһээн дээрмэшэлхэ.

Цэпаанияа 2:9

Тиимэһээ Би, Израилиин Түмэн Сэрэгтэ Эзэн Бурхан, Өөрөөрөө тангаригланаб! Содом болон Гоморродол адли Моһааб болон Аммоон һандаргагдаха! Халаахай һөөгүүдэй ургадаг газар, дабһанай нүхэ уурхай, сүл губи тэдэ хэтэдээ болохо! Арад түмэнэйм үлдөөсэ зон тэдэ газарые угай газар гэжэ олзолон абаха!»

Цэпаанияа 3:15

Эзэн шам тушаа шиидхэбэреэ болюулаа! Дайсадыеш зайлуулаа! Израилиин хаан, Эзэн таанартай хамта! Саашадаа таанар юунһээшье айхагүйт.

Захарияа 2:11

Тэрэ үдэр Эзэн руу олон арадууд ерэхэ, тэдэ Эзэнэй арад болохо; дундатнай Эзэн ерэжэ ажаһууха, тиихэдэм Түмэн Сэрэгтэ Эзэн намайе эльгээгээ гэжэ мэдэхэт.

Захарияа 2:8

«Таанадые дээрмэдэһэн арадуудта Тэрэ намайе алдар солын тулада эльгээгээ, танай ойро хүрэбэл, Тэрэнэй нюдэнэй сэсэгыдэ хүрэһэнтэй адли» гээ.

Захарияа 4:9

– Зэрубабээлэй гарнууд энэ гэрэй һуури табиһан гээшэ. Тэдэ гарнууд лэ эсэстэнь хүргэг. Тиихэдэнь Түмэн Сэрэгтэ Эзэн намайе таанарта эльгээгээ гэжэ мэдэхэт.

Захарияа 6:15

Хаана холоһоо хамаг зон ерэжэ, Эзэнэй Һүмэ бодхоолгодо хабаадалсаха. Тиигэжэ Түмэн Сэрэгтэ Эзэн намайе танда эльгээгээ гэжэ мэдэхэт. Хэрбээ өөрын Эзэнэй үгэ түгэс дуулан дагабалтнай, эдэ бүгэдэ хүсэхэл даа.

Захарияа 9:15

Түмэн Сэрэгтэ Эзэн тэдэниие хамгаална. Сэрэгшэд шулуу шэдэжэ, дайсанаа унагаана. Тахилай тогооной үзэмэй дараһан архяар дүүрэһэн мэтэ шуһан урдаха.

Иоанн 13:19

Би таанарта энэ үйлэ хэрэгэй болохоһоо урда хэлэжэ байнаб. Харин бэелхэдэнь, Намайе «Би байна» гэжэ таанар этигэхэт.

Иоанн 16:4

Тэдэнэй эзэрхэхэ сагай ерэхэдэ, энээн тухай Минии хэлээшые һанахынтнай тула эдэ бүгэдые хэлэбэб. Би түрүүн энээн тухай таанарта хэлээгүй һэм, юундэб гэбэл, таанадаар хамта байгааб.