Захарияа 13:9 - Библи

⁹ Үлэгшэ эдэ зон Минии туршалгада оролсохо. Мүнгэ хайлуулдаг гал дундуур тэдэниие гарган туршахаб. Алта тунгаадаг шэнги тэдэниие тунгаажа сэбэрлэхэб. Тиихэдэ тэдэ Намайе дуудаха. Би харюудань «Энэ Минии арад түмэн», – гэжэ айладхахаб. «Эзэн болбол манай Бурхан», – гэжэ тэдэ хэлэхэ.

Захарияа 13:9 Referencias Cruzadas

2 Хаан түрэнүүд 7:24

Израилиин арад зониие хэтэ мүнхэдөө Өөрын арад түмэн болгобот. Эзэн, Та тэдэнэй Бурхан болобот.

Иоов 23:10

Үзэгдэхэгүйнь шухала бэшэ юм бэзэ, гэшхэһэн бүхы мүрым Тэрэ һайн мэдэнэ. Намайе шалган туршаад, холисогүй шэжэр алта элирүүлһэндэл хэлэхэ.

Иоов 28:1

Уурхайн гүн сооһоо хүн алта мүнгэ олзолдог, газарһаа түмэр абадаг, шулуунһаа зэд хайлуулдаг.

Псалманууд 144:15

Бүгэдын нюдэд Тан руу шэглэнхэй. Сагай ерэхэдэ хоол хүнэһынь үгэнэт. פ Пээ

Псалманууд 43:4

Тэдэ һэлмээрээ газар нютаг эзэлээ бэшэ, хүсэтэй байһань илалта туйлуулаа бэшэ, харин Танай гар, хүсэ шадалтнай, Танай шарайн гэрэл туяа! Юуб гэбэл, Та тэдээндэ онсо һайнаар хандадаг бэлэйт.

Псалманууд 50:15

Гэм буруутай зондо Танай харгы зам заахаб, нүгэлтэйшүүл Тан руу эрьехэл.

Псалманууд 91:15

Тэдэ хүгшэрөөшье һаа, жэмэс үгэнэ, тэдэ шүүһэлиг, ногоон.

Һургаал 17:3

Галай дүлөөр мүнгэ алта хайлуулан сэбэрлэдэг. Эзэн хүнүүдэй сэдьхэл туршадаг.

Дуунай дуун 2:16

Хайрата тэрэмни гансал минии. Харин би гансал тэрээнэйб. Үүрые угтаһан һалхинай һэбшээлтэр, һүниин һүүдэрэй һүнэн зайлатар талын сараана сэсэгэй дундуур хонин һүрэгөө тэрэмни бэлшээнэ. Хайратамни, ши бусажа ерэ. Буга, гүрөөһэн мэтэ дабхар-дабхар хадын хашалангые дабажа гаталһаар намдаа ерэ.

Исай 43:2

Уһа гаталхадаш Би шамтай байхаб. Гол мүрэнөөр гарахадаа шэнгэхэгүйш. Гал дундуур ябаашье һаа, шатахагүйш. Элдэб гай гасалангууд шамайе дайрахагүй.

Исай 48:10

Харыт, Би таанадые хайлуулааб, харин мүнгэ хайлуулдагтал адляар бэшэ, Би таанадые зоболонгой зууха соо шалгааб.

Исай 58:9

Намда зальбархадатнай, Би дуулахаб. Намда хандахадатнай, Би харюу үгэхэб. Дарлалтые болюулжа, бардам бүдүүрхүү зан гаргахаяа, муу үгэ хэлэхэеэ болиходотнай,

Ерэмияа 24:5

– Би, Израилиин Эзэн Бурхан, Вавилоон руу Иудаһаа туужа абаашагдаһан улад зон энэ һайн инжиртэл адли гээд тоолоноб. Би тэдээндэ һайнаар хандахаб.

Ерэмияа 30:22

Тэдэ Минии арад түмэн. Би тэдэнэй Бурхан болохоб. Энэ болбол Би, Эзэн, тунхаглана мүн!

Ерэмияа 31:33

Тэдэ үдэрнүүдэй һүүлдэ Израилиин арадтай баталха хэлсээн иимэ: Өөрын хуулиие тэдэнэй һанал бодолдо хадуулгахаб, зүрхэ сэдьхэлдэнь бэшэхэб. Би тэдэнэй Бурхан, тэдэ Минии арад түмэн болохо.

Ерэмияа 32:38

Тиихэдэм тэдэ Минии арад түмэн, Би тэдэнэй Бурхан болон байхаб.

Ерэмияа 9:6

Харата һанаанай оршон соо ажаһуунат. Өөһэдөөшье угаа харатайт. Арад түмэнэйнь Өөрыень буруушааһан тухай Эзэн айладхаа.

Эзэкээл 11:20

Тиигээд тэдэ Минии хуулинуудые сахижа, Минии ёһо гуримуудые дүүргэжэ ябаха. Тэдэ Минии арад түмэн, Би тэдэнэй Бурхан болохоб.

Эзэкээл 14:11

Израилиин улад зоной Намһаа холодохогүйн, өөрыгөө элдэб муу муухай хэрэгүүдээр бузарлахагүйн тула Би иимэ юумэ хэхэб. Тэдэ Минии арад түмэн, Би тэдэнэй Бурхан байха ёһотойб. Энэ болбол Би, Эзэн Бурхан, айладхана мүн!

Эзэкээл 20:38

Минии урдаһаа һөөргэдэгшэдые Би таанад сооһоо илгажа, баряанда байгша орон нютагһаань гаргаашье хадаа Израилиин газар руу оруулхагүйб. Тиихэдэм таанад Намайе Эзэн Бурхан гээд мэдэрхэт.

Эзэкээл 36:28

Танай үбгэ эсэгэнэртэ үгэгшэ газартам дахин ажаһуудаг болохот. Таанад – Минии арад түмэн, Би танай Бурхан болохоб.

Эзэкээл 37:27

Иигэжэ Би арад түмэнэйнгөө дунда оршохоб, Бурханиинь болохоб, харин тэдэ Минии арад болохо мүн.

Даниил 11:35

Сэсэн мэргэшүүлэй заримань зоболон амасаха, иимэ аргаар тэдэ арюудхагдаха, сагааруулагдаха, Бурханай тогтооһон саг болотор энэ үргэлжэлхэ.

Даниил 12:10

Олон зон арюудхагдажа, сагааруулагдажа, туршалга гараха, харин хилэнсэгтэ зон муу муухай хэрэгүүдээ үргэлжэлүүлжэ, энээниие ойлгохогүй. Гансал сэсэн мэргэшүүл ойлгохо.

Ёһээл 2:32

Эзэнэй нэрэ дуудаһан хүн бүхэн абарагдаха. Ушарынь хадаа Сион хада дээрэ, Иерусалим хотодо абаралга бууха гэжэ Эзэн хэлэнэ. Абарагдагшадай дунда Эзэнэй дуудаһан бусадшье зон байха.

Левит 26:12

Таанадай дунда ябахаб, танай Бурхантнай болохоб, таанад Минии арад зон болохот.

Захарияа 10:6

«Би Иудын удамда тэнхээ оруулжа, Иосифой үри һадаһанда дайсанаа илаха шадалтай болгохоб. Би тэдэниие хайрлаһан ушарһаа гэртэнь бусаахаб. Би тэдэниие голон орхёогүй мэтэ байхаб. Юуб гэхэдэ би тэдэнэй Эзэн Бурхан болоноб».

Захарияа 12:10

Давидай гэр, Иерусалимай зон сэдьхэл даруу номгон болохо, гэмээ наманшалан, нигүүлсэлтэ бодолоор хамаг зондо хандаха гэжэ оролдохо. Өөһэдөө жадаараа сүм хадхаһан хүнөө, Намайе тэдэ хараха, ууган хүбүүнэйнгөө түлөө гашуудажа байһан мэтэ гашуудаха.

Захарияа 8:8

Би тэдэниие һөөргэнь асаржа, Иерусалимда байрлуулхаб. Тэдэ Минии арад түмэн боложо, Би үнэн сэхэ Бурханиинь болохоб».

Хэрэгүүд 2:21

Эзэнэй нэрэ дуудаһан хүн бүхэн абарагдаха».

Еврейнүүдтэ 8:10

Тэдэ үдэрнүүдэй һүүлдэ Израилиин арадтай баталха хэлсээн иимэ: Өөрын хуулинуудые тэдэнэй һанал бодолдо хадуулгахаб, зүрхэ сэдьхэлдэнь бэшэхэб. Би тэдэнэй Бурхан, тэдэ Минии арад түмэн болохо гэжэ Эзэн хэлэнэ.

Яковай хандалга 1:12

Туршалгануудые дабажа гараһан хүн жаргалтай, юуб гэбэл, туршалгануудые дабахадаа, тэрэ хүн Бурханай Өөртэнь дуратай зондо найдуулһан мүнхын амидаралда хүртэнэ.

Пётрой 1-дэхи хандалга 4:12

Хүндэтэ аха дүүнэрни, зоболонто туршалгануудай тохёолдобол, бү гайхаарайт, гайхалтай юумэн гэжэ бү бодооройт.

Гэршэлгэ 21:7

Илагша бүхы эдэ юумэнүүдые Намһаа абаха. Би тэрэнэй Бурханиинь болохоб, тэрэ Минии хүбүүмни болохо.

Гэршэлгэ 8:10

Гурбадахи Эльгээмэлэй бүреэгээ дуугаргахадань, дүлэн шэнгеэр носожо байһан угаа томо одо мүшэн огторгойһоо ерэжэ гол мүрэнүүдэй, уһа горхонуудай гурбанай нэгэ хуби дээрэ унашаба.

Гэршэлгэ 8:11

Тэрэ одо мүшэн Тобшо Үрмэдэһэн гэжэ нэрэтэй. Уһа мүрэнэй гурбанай нэгэ хубинь үрмэдэһэндэл адли гашуун боложо, иимэ уһа уугаад, хүн түрэлхитэнэй гурбанай нэгэ хубинь үхөө бэлэй.

Гэршэлгэ 8:12

Дүрбэдэхи Эльгээмэлэй бүреэгээ дуугаргахадань, наран, һара, одо мүшэд гэмтэжэ, гурбанай нэгэ хуби саг соо гэрэл туяа үгэхэеэ болибо. Наран үдэрэй гурбанай нэгэ хуби саг соо гэрэл туяа үгэхэеэ болёод, һара ба одо мүшэд һүниин гурбанай нэгэ хуби саг соо гэрэл туяа үгэхэеэ болёод байба.

Гэршэлгэ 8:7

Түрүүшын Эльгээмэлэй бүреэгээ дуугаргахадань, шуһатай холисолдоһон мүндэр оробо, гал дүлэн гараба, тиихэдэнь газар дэлхэйн гурбанай нэгэ хубинь, ой модоной гурбанай нэгэ хубинь, бүхы үбһэ ногоон шаташаба.

Гэршэлгэ 8:8

Хоёрдохи Эльгээмэлэй бүреэгээ дуугаргахадань, дүрэжэ байһан мантан томо хада шэнги юумэн далайда унашаба. Тиихэдэнь далайн гурбанай нэгэ хубинь шуһан болошобо.

Гэршэлгэ 8:9

Далайда байһан амиды бүхы юумэнүүдэй гурбанай нэгэ хубинь үхэшэбэ, далайн бүхы онгосонуудай гурбанай нэгэ хубинь хосоршобо.