Захарияа 13:7 - Библи

⁷ Түмэн Сэрэгтэ Эзэн иигэжэ айладхана: Эритэ илдэ, Минии хони адуулагшада, Намда дүтын болохо хүндэ эсэргүү бодон таһа сабшыш! Хонишонииень дайража һалгаахадаш, һүрэг хонидынь тарашаха. Би мутараа хорхойдо хорогүй хурьгадта эсэргүү эрьюулхэм.

Захарияа 13:7 Referencias Cruzadas

Псалманууд 2:2

Газарай хаашуул, засаглагшад хоорондоо үгэсэлдэн хэлсэжэ, Эзэнэй болон Бурханай табисууртын урдаһаа эсэргүүсэн бодобо.

Исай 1:25

Таанадай урдаһаа гараа һунгажа, холисоһоо түмэр сэбэрлэдэг мэтээр таанадые сэбэрлэжэ, бүхы холисыетнай зайсуулхаб.

Исай 27:1

Тэрэ үдэр зугадагша могой Левиатаниие, мушхардаг могой Левиатаниие – далайн абарга лууе Эзэн асари томо, үхэлтэ һэлмээрээ сабшан хюдаха.

Исай 40:11

Тэрэ хонишон мэтэ һүрэгөө харюулжа, хурьгадаа суглуулжа, гар дээрээ үргэн, сээжэдээ тэбэреэд, хурьгалһан хонидые дүмүүхэнээр адуулха.

Исай 9:6

Бидэндэ үхибүүн түрэбэ! Бидэндэ хүбүүн үгтэжэ байна. Тэрэ манай удамарша болохо. Тэрэ Гайхамшагта үзэгдэл Түсэблэгшэ, Хүсэтэ Бурхан, Хэтэ мүнхэ Эсэгэ, амгалан байдалай Ударидагша гээд нэрлэгдэхэ.

Ерэмияа 47:6

Таанад иигэжэ ёолонот: «Эзэнэй һэлмэ! Хэды болотор сабшахабши? Хуйндаа буса, амаран, номхон байгыш!»

Эзэкээл 21:28

Хүнэй үри Эзэкээл, лүндэн табижа, Израилиие доромжолһон Аммооной арад зон тушаа Минии, Эзэн Бурханай, айладхал тунхагла: «Һэлмэ, һэлмэ һугалаатай, сахилгаан мэтэ түргөөр алахын тула тэрэ мэлигдээтэй.

Эзэкээл 21:3

Минии тэдэнэй урдаһаа тулахаяа, һэлмэеэ хуйһаань һугалаад, һайн, муушье зониие бултыень хюдахаяа байһан тухайм дуулга.

Эзэкээл 37:24

Минии албатан Давидай үри һадаһан хододоо тэдэнэй хаан байха, хонид тушаа хонишоной һанаагаа зободогтол Тэрэ зоноо харууһалан байха. Израилиин арад түмэн Минии хуули ёһонуудые сахин дүүргэхэ. Яков албатандаа Минии үгэгшэ орон нютагта элинсэг хулинсагтал адляар тэдэ ажаһууха. Үри һадаһадыньшье хэтэ мүнхэдөө тэндэ амидырха.

Эзэкээл 7:6

Эсэслэхэ, дүүрэхэ, һалаха саг ерээ!

Михей 5:2

«Эпраата гэдэг Бэтлэһээм, Иудын мянгаад һууринуудай эгээл бага һууринь ши гээшэш», – гэжэ Эзэн айладхана. Гэбэшье шинии улад зонһоо Эзэн нэгые шэлэжэ, бүхы Израилиин удамаршаар табиха. Тэрэ хүнэй угынь урдын урда сагһаа эшэ үндэһэтэй.

Михей 5:4

Удамарша заларжа, Эзэнһээ абаһан хүсөөрөө болон Эзэн Бурханайнгаа нэрын һүр жабхалангаар арад түмэниие зонхилон байха. Тэрэнэй арад аюулгүй байдалда ажамидаран байха, юуб гэбэл, дэлхэйн бүхы арадууд агууехыень мэдэрэнхэй байха юм.

Захарияа 11:11

Иигэжэ Эзэнэй арадуудтай баталһан Хэрээ хүсөө алдаба. Намайе хаража байһан хонин һүрэг энэ хадаа Эзэнһээ бууһан үйлэ гэжэ ойлгоо.

Захарияа 11:4

Эзэн Бурхамни иигэжэ айладхана: – Нядалагдаха үйлэ руунь һүрэг малаа харюулагты.

Захарияа 11:7

Нядалхаар илгагдаһан, хариин наймаашадта хабаатай хонин һүрэг Би харюулдаг болобоб. Өөртөө хоёр дулды абабаб. Нэгыень Үршөөл гэжэ дуудаад, нүгөөдыень Нэгэдэлгэ гэжэ нэрлэбэб.

Матвей 1:23

«Басаган хээлитэй болоод, хүбүү түрэхэ, Тэрээниие Эммануил гэжэ нэрлэхэ», энэ нэрэнь Бурхан бидэнтэй хамта гэһэн удхатай.

Матвей 10:42

Баһа хамагай бага шабидамни гансал шабимни байһанайнь түлөө аяга хүйтэн уһа үгэһэн хүн өөрынгөө шагнал заабол абаха гэжэ Би таанадта баталан хэлэнэб.

Матвей 11:27

Бүхы юумые Эсэгэмни Намда үгөө. Эсэгэһээ ондоо хэншье Хүбүүе мэдэхэгүй, мүн Хүбүүнһээ, баһа Хүбүүнэй дуулгаһан хүнүүдһээ ондоо хэншье Эсэгые мэдэхэгүй.

Матвей 18:10

Таанад эдэ багашуулай нэгыеньшье доогуур бү харагты, тэдэнэй тэнгэридэ оршогшо һахюуһан – Эльгээмэлнүүдынь – Минии Эсэгын шарайе хододоо тэнгэридэ хаража байдаг юм гэжэ танда хэлэнэб.

Матвей 18:14

Энээндэл тон адляар, тэнгэридэ оршогшо танай Эсэгэ эдэ багашуулай нэгыеньшье алдаха дурагүй байна.

Матвей 26:31

Тэрэ үедэ Иисүүс шабинартаа: – Энэл һүниндөө таанар бултадаа Намһаа арсажа холодохот, ушарынь гэбэл: «Хонишонииень дайража һалгаахадамни, һүрэг хонидынь тарашаха», – гэжэ Нангин Бэшэг соо хэлэгдэнэ.

Матвей 26:56

Эдэ бүгэдэ Нангин Бэшэг соо лүндэншэдэй бэшэһэн мүрнүүдэй бэелхын тула болоо. Тиихэдэнь Иисүүсэй шабинарынь булта Тэрэнээ орхёод, зугадаба.

Марк 14:27

Иисүүс шабинартаа иигэжэ хэлэбэ: – Энэл һүниндөө таанар бултадаа Намһаа арсажа холодохот, ушарынь гэбэл: «Хонишонииень дайража һалгаахадамни, һүрэг хонидынь тарашаха» гэжэ Нангин Бэшэг соо хэлэгдэнэ.

Марк 14:50

Шабинарынь булта Иисүүсые орхёод, иишэ тиишээ зугадаба.

Лука 12:32

Шабинарни, багахан һүрэг таанар, бү айгты! Эсэгэтнай танда Бурханай хаан орониие дуратайгаар үршөөхэ бшуу.

Лука 17:2

Эдэ багашуулай нэгыеньшье нүгэл хилэнсэдэ түлхиһэн хүндэ хүзүүндээ тээрмын шулуу уюулаад, далайн оёорто хаюулбалнь, өөртэнь дээрэ байха һэн.

Иоанн 1:29

Хойто үдэрынь урдаһаань Иисүүсэй ерэжэ ябахые хараад, Иоанн иигэжэ хэлэбэ: – Энэл хадаа Бурханда үргэгдэхэ Хурьган мүн. Энэл хадаа газар дэлхэйн бүхы хүнүүдэй хэһэн нүгэл хилэнсые Өөр дээрээ даажа абаха!

Иоанн 10:30

Эсэгэ бидэ хоёр нэгэн хамтабди.

Иоанн 10:38

Эсэгынгээ хэрэгүүдые бэелүүлжэ байха үедөө хэлэһэн үгэнүүдтэмни этигээгүй һаа, Минии бүтээдэг хэрэгүүдтэ этигэгты! Тиихэдээ Эсэгэмни Минии досоо байна, Би Эсэгынгээ досоо байнаб гэжэ таанар мэдэхэт, мэдэжэшье байхат.

Иоанн 14:1

– Таанар һанаагаа бү зобогты! Бурханда шүтэжэ байгаад, мүн Намда шүтэгты!

Иоанн 14:23

Иисүүс харюусаба: – Намда дуратай хүн Минии һургадаг ёһоор ябаха, тиихэдэнь Минии Эсэгэ тэрээндэ дуратай байха. Бидэ Эсэгэтэеэ хамта тэрэ хүндэ ерэжэ, тэрээнтэй байхабди.

Иоанн 16:15

Эсэгэдэмни байһан бүгэдэ үнэн зүйл Минии юм. Тиимэ ушарһаал, Арюун Һүлдын дуулгаһан юумэн таанадта Намһаа дамжан ошохо гэжэ хэлээб.

Иоанн 16:32

Шагнагты даа, Намайе орхёод гэр гэртээ гүйлдэн тараха сагтнай ерэжэ байна. Теэд Би гансаараа бэшэб, Минии Эсэгэ Намтай хамта юм.

Иоанн 8:58

– Таанарта үнэн зүбые хэлэнэб: Би Абраһаамай үшөө түрөөдүйдэ байгааб, байнашьеб, – гэжэ Иисүүс харюусаба.

Хэрэгүүд 2:23

Бурханай үни баталһан түсэбэй ёһоор танай гарта үгтэһэн Иисүүсые хуули эбдэгшэдэй гараар хэрээһэндэ хадажа алаат.

Римэйхиндэ 4:25

Бурхан манай нүгэл шэбэлэй түлөө Иисүүсые үхэлдэ үгөөд, үнэн сэдьхэлтэй байхымнай тула һүүлдэнь Тэрэниие амидыруулаа юм.

Римэйхиндэ 8:32

Бурхан Өөрын Хүбүүниие хайрлангүй, бидэнэй бултанаймнай түлөө үргөө. Бурхан маанадта Хүбүүгээ үгэжэ байхадаа, бусадшье бүхы юумэнүүдээ элбэгээр үгэхэ бэшэ гү?

Коринфынхидтэ 2-дохи 5:21

Бурхан маанадай түлөө ямаршье нүгэлгүй байһан Христоосто манай нүгэлнүүдые ашаа. Тиигэжэ бидэ Христоостой нэгэдэн, Бурханда зохистой болообди.

Галадуудта 3:13

Дээрэмнай бууха ёһотой байһан Хуулиин хэһээлтэһээ бидэниие Христоос аршалжа, тэрэ хэһээлтые Өөр дээрээ даажа абаа. Тиимэһээ Хуули соо баһа иигэжэ бэшэгдээтэй: «Модондо үлгөөтэй хүн хараалда хүртөө».

Филиппынхидтэ 2:6

Тэрэ анханһаа Бурханай шанартай аад, Бурхантай нэгэ зиндаада байха ёһотойб гэжэ Өөр тухайгаа бодоогүй.

Еврейнүүдтэ 13:20

Өөрынгөө шуһанай сэнгээр мүнхын хэлсээе оложо абаһан хонидой агууехэ Адуулагшые, Манай Эзэн Иисүүсые Бурхан амидыруулаа. Тэрэнэй эрхэ хүсэлыень таанадай бэелүүлхын тула Бурхан таанадые хэрэгтэй һайн һайхан юумээр хангаг лэ, тиин Өөртэнь һайшаагдадаг юумые Иисүүс Христоосоор дамжуулан таанад соо бүтээг лэ. Христоосто хэтын хэтэдэ алдар соло! Болтогой!

Пётрой 1-дэхи хандалга 3:18

Бидэниие Бурханда хандуулхын тула Христоос манай нүгэл шэбэлэй түлөө нэгэтэ зоболон эдлээ. Тэрэ үнэн сэдьхэлтэн хара һанаатай зоной түлөө бэеэ һүнөөлгэжэ, һүлдөөрөө амидыраа.

Пётрой 1-дэхи хандалга 5:4

Тиигэбэл, таанад эгээн ехэ Адуулагшын ерэхэдэ, һүнэшэгүй алдарай шагналда хүртэхэт.

Иоаннай 1-дэхи хандалга 2:2

Бидэнэй хэһэн нүгэлэй, гансашье бидэнэй бэшэ, харин бүхы дэлхэйнхидэй хэһэн нүгэлэйнь түлөө Иисүүс Өөрыгөө үргэл болгоо.

Гэршэлгэ 1:11

Тэрэ абяан намда иигэжэ хэлэбэ: – Хаража байһан юумэеэ ном соо бэшээд, Эфесэй, Смирнын, Пээргэмэй, Тиатирай, Сардисай, Филадельфиин, Лаодикиин һүзэглэгшэдэй бүлгэмүүдтэ эльгээлши.

Гэршэлгэ 1:17

Тэрэниие харамсаараа, би үхэһэн шэнгеэр хүлэйнь хажууда унашабаб. Тиихэдэмни Тэрэ баруун гараа мүрэ дээрэмни табяад, намда иигэжэ хэлэбэ: – Бү ай; Би хадаа Түрүүшынхинь, Һүүлшынхинь гээшэб,

Гэршэлгэ 1:8

«Би хадаа Альфа, Омега гээшэб!» – гэжэ Эзэн Бурхан хэлэнэ. Тэрэ хододоо байгаа, байнашье, байхашье, Хамагые зонхилогшо мүн.

Гэршэлгэ 13:8

Үргэлэй Хурьганай тэмдэглэдэг амидаралай ном соо нэрэнүүдэйнь бэшэгдээгүй бүхы газар дайдын зон тэрэ арьяатанда һүгэдэн мүргэхэ. Үргэлэй Хурьган тахил болгогдон Бурханда үргэгдэхэ гэжэ газар дэлхэйн бүтээгдэхэһээ түрүүн хараалагдаа.

Гэршэлгэ 2:23

Тэрэ гэргэнэй үхибүүдые үхүүлхэб. Тиихэдэмни хүнэй зүрхэ сэдьхэлые, һанал бодолые сүм мэдэдэг байна, тиин хүн бүхэндэ хэһэн үйлэ хэрэгэйнь зэргээр хүртөөхэ байна гэжэ Намайе һүзэглэгшэдэй бүхы бүлгэмүүд ойлгохо.

Гэршэлгэ 21:6

Намда тэрэ хэлэбэ: – Бүтэбэ! Би Альфа, Омега гээшэб, Түрүүшынхинь, Һүүлшынхинь гээшэб. Ундаа хүрэһэн хүндэ амидаралай булагай уһанһаа миинтэ уулгахаб.