Захарияа 13:2 - Библи

² Түмэн Сэрэгтэ Эзэн иигэжэ айладхана: – Тэрэ үдэр Би онгон шүтөөнүүдые үгы хэхэб. Тэдэ саашадаа дурсагдахагүй. Худал үзэл тунхагладаг лүндэншэдые болон бузар һүнэһэ газарай нюрууһаа зайлуулхаб.

Захарияа 13:2 Referencias Cruzadas

3 Хаан түрэнүүд 22:22

Тэрэ «би ошожо, тэрэнэй бүхы лүндэншэдые худал абарал буулгадаг болгохоб» гэбэ. Эзэн «шадахаш. Ошожо, энээнээ бүтээ» гээ һэн.

Псалманууд 16:4

Зоной юушье хээ хадань би Танайл үгэ дуулаад байнам, гэмтэнтэй адли болохогүйб.

Египедһээ гаралга 22:13

Харин хулгайда ороо һаань, харагша хүн эзэндэнь тэхэрюулхэ ушартай.

Египедһээ гаралга 23:13

Айладаһан бүгэдыем сахиха ёһотойт. Ондоо бурхадай нэрэ бү дурдагты, хэлэ амандатнайш тэдэ бү орог.

Исай 2:20

Тэрэ үдэрэй мандахадань, зон мүргэхэеэ өөһэдтөө хэһэн алта, мүнгэн шүтөөнүүдөө хаяжа, мана һохорнууд, һарьһан эрбээхэйнүүд руу шэдэхэ.

Ерэмияа 29:23

Жэгшүүрилтэй муухай юумэ тэдэ Израиль соо хээ: хадамтай эхэнэрнүүдтэй забхайралдаа, Эзэнэй нэрэһээ худал юумэ тунхаглаа. Харин Эзэн иимэ юумэ хэлэхыень тэдээндэ захираагүй бэлэй. Тэдэнэй хэһэн юумые Эзэн мэдэнэ, Тэрэ – урдаһаань тулаха гэршэ.

Эзэкээл 12:24

Израилиин улад зоной дунда худал үзэгдэл хараха ушар, хуурмаг зүн, лүндэн табиха гээшэ бэшэ гарахагүй.

Эзэкээл 13:23

Тиимэһээ таанадай худал үзэл үзэхые, худалаар уридшалан юумэ мэдэхые Би болюулхаб. Таанадай һабарһаа арад зоноо абархаб. Иигэжэ Намайе Эзэн гээд мэдэрхэт».

Эзэкээл 14:9

Тиихэдэ Минии нэрэһээ худал үгэнүүдые дуулгажа байгша лүндэншые Би арад түмэнэйнгөө дундаһаа үгы хэхэб.

Эзэкээл 30:13

Эзэн Бурхан Египедэй зондо иигэжэ айладхана: – Ноодто байгша онгонуудые болон хүрэгүүдые үгы хэхэб. Египедые хүтэлбэрилэн зонхилхо хүн танай дунда бэшэ олдохогүй. Ииигэжэ таанад бултадаа угаа ехээр һүрдэн айхат.

Эзэкээл 36:25

Сэбэр уһаар таанадые сүршэхэб, онгонуудые зайсуулхаб, иигэжэ муу муухай бузарһаа һалахат.

Эзэкээл 36:29

Бузарлагша зүйлһөө таанадые аршалхаб, баян ургаса үршөөхэдэм, үлэсхэлэн байдал оройдоошье үзэхэгүйт.

Эзэкээл 37:23

Тэдэ саашадаа онгонуудта мүргэхэеэ болихо. Нүгэлыень арюудхажа, бузарһаа тэдэниие аршалхаб. Тэдэ Минии арад түмэн, Би тэдэнэй Бурхан болохоб.

Эзэкээл 43:7

– Хүнэй үри Эзэкээл! Энэ үргөө болбол газар дэлхэй дээрэхи Минии хаан шэрээ мүн. Би эндэ Израилиин арад зоной дунда хэтэ мүнхэдөө оршохоб. Онгонуудта мүргэжэ гү, али үхэһэн хаашуулаа шүтэн байхаяа тэдэ болихо. Иигэжэ тэдэ болон хаашуулынь Минии нангин нэрэ гутаахаяа болихол.

Эзэкээл 6:6

Израилиин бүхы хотонууд һандаргагдажа, үргэлэйнь шэрээнүүд, онгонуудынь бутаран һалаха, хэһэн зүйлнүүдынь үгы хэгдэхэ.

Һошээ 14:8

Минии хамгаалалта доро тэдэ дахин ажаһуудаг болохо, үрэжэл ехэтэй таряандал, жэмэс олон уһан үзэмэй модондол, Ливаанай үзэмэй дараһан архидал адли алдар суутай болон байха.

Һошээ 2:17

Тэрэ хэзээдэшье бэшэ Баалай нэрэ дурдахагүй – Би иимэ хэрэг ябуулхаб.

Һошээ 2:19

Израиль, шамайе хэтэ мүнхэдөө Өөрын һамган болгохоб, Би шамда үнэн сэхые, шударга зүбые, хайра дурые, энэрхы сэдьхэл бэлэглэхэб.

Михей 2:11

Һалхин мэтэ хүн, таанадай һанаае худалаар тэгшэлжэ, «үзэмэй дараһан архи тухай болон үшөө дахин үзэмэй дараһан архи тухай!» гэжэ хэлэжэ байгааша хүн һанаандатнай таараха байгаа.

Цэпаанияа 2:11

Эзэн тэдээндэ угаа аймшагтай болохо. Юуб гэхэдэ, Тэрэ дэлхэйн бурхадые ямаршье хүндэгүй бологохо, арад бүхэн байдаг газарһаа Тэрээндэ зальбаран мүргэдэг болохо.

Матвей 12:43

Хүнэй бэеһээ гараһан ада шүдхэр уһагүй сүл губяар тэнэжэ, амар заяа бэдэрээд, олохогүйдөө:

Матвей 7:15

Хуурмаг лүндэншэдһөө болгоомжолжо байгты. Тэдэнэр гадаада талаһаа хонид байһан хэбэр үзүүлэн таанадта ерэбэшье, досоогоо арьяатан шоно мэтэ байха.

Лука 11:20

Хэрбээ Бурханай хүсөөр ада шүдхэрнүүдые дарадаг һаамни, тэрэ Бурханай хаан түрын эндэтнай тогтоод байһые баталха.

Хуули дабталга 12:3

Тэдэнэй үргэлэй шэрээнүүдые һандаргаагты, нангин шулуун баханануудыень бута сохигты, Ашэраагай баханануудые галдагты, бэшэ хэзээдэшье тэрэ газарта дурсагдахагүйгөөр бурхадайнь һиилэмэл хүрэгүүдые таһа сабшагты.

Хуули дабталга 18:20

Минии айладаагүй юумэ Минии нэрэһээ лүндэншын ярибал, мүн ондоо бурхадай нэрэһээ хэлэбэл, иимэ лүндэншэ үхэхэ ёһотой».

Нүүнэй Иисүүс 23:7

Танай урда үлэһэн тэдэ арадуудтай бү худхалдагты, тэдээнэй бурхадай нэрые бү дурдагты, тэдээгээр бү тангариглагты, тэдээндэ бү алба хэгты, һүгэдэн бү дохигты.

Гэршэлгэ 18:2

Тэрэ Эльгээмэл бардаастай шангаар иигэжэ хашхарба: – Агуу ниислэл Вавилоон һалаа, һалаа! Энэ ниислэл ада шүдхэрнүүдэй шэбээлдэг газар, элдэб эсын боохолдойнуудай обооролдодог үүр, элдэб эсын бузар шубуудай суглардаг үүр, элдэб эсын бузар булай, жэрхэштэй муухай арьяатадай шэбээлдэг газар болошоо.

Гэршэлгэ 19:20

Арьяатаниие шүүрэн бариба, тэрээнэй урда элдэб дүлгэ тэмдэг харуулжа, арьяатанай тамга табяад, тэрэнэй хүрэг дүрсэдэ һүгэдэн мүргүүлжэ байһан хуурмаг лүндэншые арьяатантай хамта шүүрэн бариба. Тэдэ хоёрые хоюулыень дүрэжэ байһан хүхэртэй нуур худар амидыгаар шэдэбэ.