Захарияа 12:8 - Библи

⁸ Тэрэ үдэр Эзэн Иерусалимда оршон һуугшадые хамгаална. Тэдэнэй дорой нэгэниинь Давид мэтэ боложо, Давидай гэр Бурхан мэтэ, тэдэнэй үмэнэ Эзэнэй тэнгэриин Эльгээмэл мэтэ байха болоно.

Захарияа 12:8 Referencias Cruzadas

Псалманууд 8:5

Хүн гээшэ юун бэ, Яагаад тэрэниие Та һананабта? Хүнэй хүбүүн юун бэ, Яагаад Та тэрэниие анхарнабта?

Псалманууд 82:6

Тэдэ хоорондоо хэлсээтэй, Танай урдаһаа хамтараа:

Египедһээ гаралга 14:19

Израиль угсаатанай урда ябаһан Бурханай Эльгээмэл жагсаалай һүүлдэ ерэжэ зогсобо. Урдань ябааша үүлэн бахана һүүлдэнь ерэжэ зогсобо.

Египедһээ гаралга 33:2

Танай урда Өөрын Эльгээмэлые ябуулжа, ханаһаан, эмоор, хээт, пэриззии, хиив ба евүүс угсаатаниие үлдэхэб.

Исай 30:26

Һара, нарандал адли ялагар шанга гэрэлтэй болохо, наран хэмһээ долоо дахин ялагар хурса болохол. Эзэнэй арад түмэндөө ушаруулһан гай гасалангай дүүрэжэ, шархануудайнь эдэгэжэ эхилхэдэ, эдэ бүгэдэ тохёолдохо.

Исай 31:4

Эзэн намда иигэжэ айладхаа: Олон хонишодой хамта хашхаран хуугайлбашье, олзо дээрээ архирагша арсалан тэдэнһээ айдаггүй. Тэрээндэл адли Намайе, Түмэн Сэрэгтэ Эзэниие, Сион уула хамгаалхадам тогтоохо, һаад хэхэ хүсэн байхагүй!

Исай 33:24

Манай газарта ажаһуудаг зоной нэгэнииньшье үбшэ хабшанби гэжэ гомдожо байхагүй, эндэ амидардаг бүхы зоной нүгэл арюудхагдаха юм.

Исай 49:7

Үндэһэ яһатанда үзэн ядуулдаг, баһуулдаг, зонхилогшодой зараса байгша хүндэ хандан, Израилиин Абарагша, Арюун Эзэн Бурханиинь иигэжэ айладхана: «Хаашуул шамайе хаража, хүндэлжэ байһанаа гэршэлэн, хүл дээрээ бодохо, ударидагшад шамда доро дохихо. Минии, Эзэнэй, түлөө эдэ бүгэдые тэдэ хэнэ, Минии, Израилиин арюун Бурханай, түлөө!»

Исай 53:3

Тэрэниие шоо үзэжэ, Тэрээнһээ зайлажа байгаабди. Уй гашуудал болон үбшэ хабшанай зоболон Тэрэ мэдээ. Бидэ Тэрээнһээ буруу хаража, шоо үзэжэ, хэншье бэшэ гэжэ тоодоггүй һэмди.

Исай 63:9

Бүхы зоболонһоо Тэрэ тэдэниие абараа. Тэнгэриин Эльгээмэл бэшэ, Өөрөө Эзэн тэдэниие абараа һэн. Өөрын хайраар, үршөөлөөр Тэрэ тэдэниие абараа. Үнгэрһэн сагуудта Тэрэ хододоо тэдэниие үргэн, һанаагаа табин ябаа һэн.

Ерэмияа 27:10

Тэдэ таанадые мэхэлнэ, орон нютагһаа танай холодуулагдахые хүсэнэ. Би та бүгэдые үлдэн гаргахаб, тиигээд таанад үхэхэт.

Һошээ 1:7

Харин Иудын арад зониие хайрлахаб. Би, Эзэн Бурханиинь, тэдэниие абархаб. Гэбэшье дайн дажар – һурша номо, һэлмэ, морин сэрэг эндэ хэрэглэхэгүйб.

Һошээ 12:3

Яков эхын умайда үшөө байхадаа ахаяа мэхэлээ. Тиигээд томо болоходоо, Бурханай урдаһаа тулаба.

Һошээ 3:5

Энээнэй удаа Израилиин арад эрьежэ, өөһэдын Эзэн Бурханиие, өөһэдын Давид хааниие шүтэн-хүндэлэн байдаг болохо. Эсэсэй үдэрнүүдтэ Эзэндэ болон Тэрэнэй һайн һайхан оршом руу тэдэ шэшэрэн ерэхэ болоно.

Ёһээл 3:10

Анзаһануудаа һэлмэ, хадуурнуудаа жада болгон дабтагты. Ахир дорой хүн «Би хүсэтэйб», – гэжэ хэлэг!

Левит 26:8

Таанадай табан хүн зуун дайсаниие зугадуулха, зуун хүн түмэн зониие намнаха, дайсадтнай һэлмээр сабшуулаад, урдатнай унаха.

Михей 5:8

Арадуудай, үндэһэ яһатанай дунда байгааша Яковай үри һадаһад ой тайгын, талын ан амитадай дунда байгааша арсалан мэтэ, дэбһэжэ, уража байха, хэншье тэрээнһээ абаржа шадахагүй.

Михей 7:16

Энээниие бусад арадууд хаража, ядуухан сэрэгтэй байһандаа эшэжэ, юушье хэлэхэ, дуулахаяа шадахагүй, зог татаха.

Михей 7:8

Минии дайсан, намһаа боложо бү баяса! Би хэды унаашье һаа, бодохоб. Харанхыда хэды байгаашье һаам, Эзэн минии гэрэл юм.

Захарияа 10:7

Эпрааим хүсэрхэг эрэ боложо, үзэмэй дараһан архи ууһан мэтэ баясаха. Хүүгэдынь энээниие харахадаа хүхижэ, тэдэнэй зүрхэ сэдьхэлые Эзэн баярлан хөөрүүлхэ.

Захарияа 2:5

Эзэн айладажа байна: «Тэрэ хотые хүреэлһэн галта хана болохоб, тэрэнэй дунда алдар соломни дэлгэрхэ» гээ.

Захарияа 9:14

Эзэн тэдэнэй дээрэ үзэгдэн, Тэрэнэй сахилгаан һомон шэнги харбаха. Эзэн бүреэгээ үлеэжэ, хүсэтэ шуурган шэнги дабшаха.

Захарияа 9:8

Орон соогуур сэрэг зон һүндэлхэеэ болихо, ямаршье дарлагшад дээгүүрнь ябахагүй. Би энээниие алдангүй хаража байхаб, үргөөгөө Өөрөө хамгаалхаб.

Малаахи 3:1

«Харагты, шинии ябаха харгы бэлдэхыень би уридшалан Өөрынгөө Эльгээмэлые ябуулнаб. Таанарай бэдэрдэг Эзэн гэнтэ Өөрын Һүмэдэ ерэхэ болоно. Таанарай баярлан хүлеэһэн хэлсээнэй Эльгээмэл, харагты, Тэрэ ерэжэ байна» гэжэ Түмэн Сэрэгтэ Эзэн айладажа байна.

Матвей 1:23

«Басаган хээлитэй болоод, хүбүү түрэхэ, Тэрээниие Эммануил гэжэ нэрлэхэ», энэ нэрэнь Бурхан бидэнтэй хамта гэһэн удхатай.

Римэйхиндэ 9:5

Тэдэнэр агууехэ үбгэ эсэгэнэртэй, тиихэдэ Бурханай табисуурта бэеэрээ баһал тэдэнтэй нэгэ яһанай хүн юм. Бүхы юумые захиржа байһан Бурхан хэтын хэтэдэ магтаал солотой байһай гэжэ би зальбарнаб! Болтогой!

Тимофейдэ 1-дэхи 3:16

Һүзэг этигэлэймнай элирүүлһэн үнэн зүбынь үнэхөөрөө агууехэ юм: Хүнэй дүрсэ дүрсэлэн Бурхан ерээ, Тэрэнэй үнэн зүб байһыень Арюун Һүлдэ харуулаа, Тэрэ Өөрыгөө Эльгээмэлнүүдтэ харуулаа. Арадуудай дунда Тэрээн тухай номноо, бүхы газар дэлхэйн зон Тэрээндэ этигээ, тиигээд Тэрэ тэнгэридэ дэгдээ.

Еврейнүүдтэ 11:34

галзуу гал унтараадаг, жадын эриһээ зайсадаг, һулахан бирагүй байгаад, шадалтай болодог, байлдаанда бүхэ байдаг, хариин сэрэгүүдые дарадаг бэлэй.

Нүүнэй Иисүүс 23:10

Танай нэгэ хүн мянган хүниие үлдэнэ, юундэб гэхэдэ, Эзэн, танай Бурхан, Өөрөө танай түлөө дайлалдана гээ һэм.

Гэршэлгэ 22:13

Би Альфа, Омега гээшэб, Түрүүшынхинь, Һүүлшынхинь, Эхиниинь, Эсэсынь гээшэб».

Гэршэлгэ 22:16

Иимэ гэршэлгые таанадта һүзэглэгшэдэй бүлгэмүүдэй дамжуулхынь тула Өөрынгөө Эльгээмэлые Би, Иисүүс, ябуулааб. Би Давидай Үндэһэ, Һалааниинь гээшэб. Би үүрэй ялагар одон гээшэб.