Захарияа 12:2 - Библи

² «Үзэгты, Би Иерусалимые тойронхи арад түмэнэйнь хоротой аяга болгохоб. Иерусалимые бүһэлэн дайлаха сагта энэнь Иудада эсэргүү байха болоно.

Захарияа 12:2 Referencias Cruzadas

Псалманууд 75:8

Та угаа һүрөөтэйт. Ууртай байгаа сагтатнай хэн урдатнай байжа шадахаб даа.

Исай 51:17

Иерусалим, һэрииш, һэрииш! Бодо! Эзэнэй шамда үгэгшэ уур хилэнгэйнь аягаһаа гашуун хэһээлтын шүлэ уугааш! Шабхаруушье үлээнгүй дууһан уужа, найгалзан байнаш.

Ерэмияа 25:15

Израилиин Эзэн Бурхан намда иигэжэ айладхаба: – Энэ аяга Минии уур хилэнгээр дүүрэнхэй. Тэрэниие абаад, Минии таанадые эльгээһэн бүхы арадуудта ошожо, тэрээнһээ уулга.

Ерэмияа 25:17

Тиигээд би Эзэнһээ тэрэ аяга абажа, Тэрэнэй намайе эльгээһэн бүхы арадуудта баадхан уулгабаб.

Ерэмияа 49:12

Хэһээлтэ амасаха ёһогүй зоншье хэһээлтэ амасаха. Харин таанад хэһээгдэнгүй байхабди гэжэ һанаа гүт? Үгы! Заабол хэһээгдэхэт!

Ерэмияа 51:57

Түшэмэлнүүдыень, сэсэн мэргэшүүлыень, удамаршадыень, сэрэгшэдыень һогтоохоб. Тэдэ унтажа, хэтэ мүнхын нойроор нойрсохо, һэрихэгүй. Энэ хадаа Би, хаан, Би, Түмэн Сэрэгтэ Эзэн, айладхана мүн!

Ерэмияа 51:7

Бүхы дэлхэйе һогтуулжа байһан, Минии гартахи алтан хундага мэтэ һэн Вавилоон.

Ерэмияа 8:14

Зон һабир-шэбэр хоорондоо хөөрэлдэнэ: – Юундэ бидэ амгалан һуужа байнабибди? Суглараад, бүхэлэлтэтэй хотонууд руу ошожо, тэндэ амгалан байдал амжаял! – Эзэнэй урдаһаа нүгэл үйлэдэһэндэмнай Тэрэ маанадай үхэхые тодорхойлоо, хоротой уһа уухыемнай үгөөл!

Аввакуум 2:16

Алдар солын орондо ши эшэмхэй муу байдал амжахаш. Мүнөө ши уужа-һогтожо, өөрыгөө эшхэбтэр байдалда оруулхаш. Эзэн эшхэбтэр байдалай ундатай аяга шамда бариха!

Захарияа 14:2

«Би Иерусалимда эсэргүүсэхын тула бүхы үндэһэтэниие суглуулхам. Тэдэ хотые эзэлжэ, гэрнүүдые тонохо, эхэнэрнүүдые хүсэрхэн, хахад зонииень сүлэлгэдэ туужа абаашаха. Үсөөхэн лэ зон хото соо үлэхэ».

Гэршэлгэ 14:10

Бурханай уур сухалай аягаһаа Тэрэнэй уур сухалай холисогүй сэбэр үзэмэй дараһан архи ууха, тэдэ хүнүүдые арюун нангин Эльгээмэлнүүдэй урда, Үргэлэй Хурьганай урда асараад, гал түймэр руу, хүхэрэй хүхэ дүлэн руу хаяжа, тамалан хэһээхэ.

Гэршэлгэ 16:19

Аргагүй томо хото гурбан хуби боложо бутаран һандаршаба, бусад арадуудай хотонууд хяа бута һүрэн унашаба. Агуу ниислэл Вавилоон тухай Бурхан һанажа, аргагүй ехэ уур сухалайнгаа аягатай үзэмэй дараһан архиие тэрэ ниислэлдэ уулгаба.

Гэршэлгэ 18:6

Тэрэ ниислэлые хэһэн үйлэйнь хэмжээгээр хэһээгты, хэһэн үйлэ хэрэгүүдэйнь түлөө хоёр дахин хатуугаар хэһээгты, хоёр дахин хатуу үзэмэй дараһан архи тэрэнэй аяга руу хэгты!