Захарияа 12:1 - Библи

¹ Үзэл: Израиль тухай Эзэнэй үгэ. Тэнгэри дэлгэжэ, дэлхэйн һуури табиһан, хүнэй һүнэһэ һүлдэ доторынь бии болгоһон Эзэн тунхаглажа байна:

Захарияа 12:1 Referencias Cruzadas

Эхин 1:8

Хоёр уһа илгаһан зүйлые Тэрэ «тэнгэри» гэжэ нэрлэбэ. Иигээд үдэшэ үнгэржэ, һүни болоод, үглөө эхилэн, хоёрдохи үдэр үнгэрбэ.

Эхин 2:7

Тиигээд Эзэн Бурхан хүниие газарай шоройһоо бии болгожо, хамар руунь амидаралай амисхал үлеэжэ оруулба. Хүн амитан боложо амидырба.

Иоов 26:7

Эзэн хүлгүй оёор дээгүүр Хойто зүгые тогтоогоод, хооһон зайда газар дэлхэйе үлгэжэрхёо.

Иоов 37:18

Тэрээндэ адли шудхамал толи мэтэ сэлмэг тэнгэриие бүтээжэ шадаха гүш?

Псалманууд 104:2

Эзэн тушаа дуулагты, магтаал үргэгты, гайхамшагта үзэгдэлнүүд тушаань зар тунхаг тараагты.

Псалманууд 134:3

Эзэниие магтагты. Юуб гэбэл, Эзэн һайн. Нэрыень магтан дуулахада хэды һайхан бэ!

Экклезиаст 12:7

Газарай тооһонһоо гараһан зүйл тэндээ бусажа, һүлдэнь тэрэниие үгэһэн Бурхандаа бусаха болоно.

Исай 40:12

Хэн тэнгис далайн уһые гарайнгаа альгаар хэмжэжэ, һөөмөөр тэнгэриие хэмжүүрлэжэ шадахаб? Хэн газарай шоройе амһартаар хэмжүүрлэн тооложо, уула, гүбээнүүдые шэгнүүрээр шэгнэхэ аргатайб?

Исай 40:22

Таршаа шумуул мэтэ улад зонтой дэлхэйн тойрог дээрэ заларагшань Тэрэ бэлэй. Тэрэ огторгойе хүшэгэ мэтэ татажа, майхан мэтэ дэлгээ.

Исай 42:5

Бурхан огторгойе бүтээжэ татаа, дэлхэйе үрэ жэмэстэйнь Тэрэ байгуулжа дэлгээ, Тэрэ улад зондо, амитадта ами наһа, амисхаал бэлэглээ. Тиигээд мүнөө Эзэн Бурхан Өөрын богоолдо иигэжэ айладхана:

Исай 44:24

– Би таниие абарагша Эзэмби. Би таанадые хэбэл соо байгуулааб. Би, Эзэн, бүхы юумэ бүтээгээб, Би гансаараа огторгойе татажа, дэлхэйе гансаараа дэлгээб.

Исай 45:12

Дэлхэйе бүтээжэ, дээрэнь зониие бии болгоһониинь Би мүн! Өөрын хүсэ шадалаар огторгойе дэлгээб, нара, һара, мүшэдые зонхилон удариданаб.

Исай 45:18

Огторгойе бүтээһэн, газарые байгуулһан, бии болгоһон, һуурииень табиһан, хооһон байхын тула бэшэ, амидархын тула бүтээһэн, байгуулһан Эзэн иигэжэ айладажа байна: Би болбол Эзэн гээшэб. Намһаа ондоо Бурхан байхагүй!

Исай 48:13

Минии гарнууд газарай үндэһэ һуури табяа, огторгойе дэлгээ. Газар, огторгойе дуудахадам, тэдэ хамта тэрэ дары бии болодог.

Исай 51:13

Таанадые Бүтээгшэ, огторгой татажа, газарай һуури табигша Намайе, Эзэнээ, таанад юундэ мартаабта? Таанадые дарлажа байгшадай, усадхахаар бэлэн байһан дайсанай уур хилэнһээ ходо айжа таанад юундэ байнабта? Харин тэрэ ууртай дарлагша хаанаб?

Исай 57:16

Би зониие хэтэ гэмнэжэ байхагүйб, уур хилэмни таһалгаряагүй бэшэ. Ондоо байгаа бол Минии урда тэдэнэй һүлдэ, Минии байгуулагша халуун амид хүсэгүй болохо бэлэйл.

Ерэмияа 10:12

Эзэн Өөрын хүсэ шадалаар газар дэлхэйе бүтээгээ, Өөрын мэргэн ухаагаар юртэмсые тогтоогоо, Өөрын оюун ухаагаар огторгой татаа.

Ерэмияа 30:10

Минии зараса Яков, бү ай, Израилиин зон, бү һүрдэ. Баряанда байһан холын нютагһаатнай Би таанадые абархаб. Таанад гэртээ бусажа, амар амгалан ажаһуухат. Таанадые хэншье айлгахагүй.

Ерэмияа 30:16

Теэд мүнөө таанадые залгигша бүхэн өөрөө залгюулха, дайсадтнай өөһэдөө баряанда орохо, таниие тоногшод өөһэдөө тонуулха, танһаа олзо буляан абагшад өөһэдөө олзолуулагдаха!

Ерэмияа 38:16

Тиихэдэм Цэдэкиия хаан нюусаар намда тангариглажа, «Бидэндэ ами наһа бэлэглэһэн Бурханаар тангаригланаб, би шамайе саазалхагүйб, алахаяа һанаашадташье үгэхэгүйб», – гэбэ.

Ерэмияа 50:34

Харин тэдэнэй Абарагша хүсэтэй, Түмэн Сэрэгтэ Эзэн гэжэ нэрэ хүндэтэй. Тэрэ хэрэгыень хаража үзэхэ, тиигээд амар амгалан байдал газар дэлхэйдэ асарха, гэбэшье Вавилооной улад зониие хүлгөөхэ.

Ерэмияа 51:15

Эзэн Өөрын хүсэ шадалаар газар дэлхэйе бүтээгээ, Өөрын мэргэн ухаагаар юртэмсые тогтоогоо, Өөрын оюун ухаагаар огторгой татаа.

Гашуудал 2:14

Лүндэншэдшни шамда дэмы юумэ, худал хэлэжэ байгаа, шинии нүгэлнүүдые буруушаагаагүй, баряанда туугдан ошохыешни болюулаагүй. Тэдэ шамда худал хуурмаг үгэнүүдые хэлэжэ, туугдан ошохо туйлдаш хүргөө.

Эзэкээл 18:4

Хүн бүхэнэй – эхэ, эсэгын, үхибүүнэйнь – ами наһан Минии мэдэлэй. Нүгэл үйлэдэгшэ хэн нэгэн өөрынгөөл хэһэнэй түлөө хосорхо.

Ёһээл 3:19

Иудын хүбүүдые харшалан, орон нютагтань гэмгүй зоной шуһа урадхуулһанай түлөө Египет һүнэһэн газар, Эдоом хооһон дайда болохо.

Ёһээл 3:21

Би харюугаа абаагүй шуһанайнь харюу тэдээнһээ нэхэхэб». Ушарынь хадаа Эзэн Сиондо оршодог болохо.

Захарияа 9:1

Хадраах нютаг ба Дамааск хото тухай Эзэнэй айладхал бууба. Эзэнэй нюдэн хамаг зондо, илангаяа Израилиин обогуудта ханданхай.

Малаахи 1:1

Эзэн лүндэншэ Малаахида дамжуулан, Израилиин арад түмэндэ хандаа бэлэй. Тэрэ хандалгань энэ.

Тоололго 16:22

Моисей Аһароон хоёр нюураараа газар дэрлэн унажа зальбараад, Эзэндэ иигэжэ хэлэбэ: – Өө, хүлисыт, Бурхан, амиды голтой алишье амитанай Бурхан! Ори ганса хүнэй нүгэл хэхэдэнь, бүхы арад зондо Та уураа бү гаргыт!

Еврейнүүдтэ 12:9

Газар дэлхэйдэхи эсэгэнэрэйнгээ маанадые хэһээхэдэ бидэ тэдэниие хүндэлдэг һэмди. Тиимэһээ бидэ тэнгэриин Эсэгынгээ мэдэлдэнь бүрин байха ёһотойбди.