Захарияа 11:3 - Библи

³ Тунга ногоон бэлшээри халсаржа, малшадай уйлаха дуулдана. Иорданай һүр жабхалан һүйдхэгдэжэ, залуу арсалангуудай хэрхирхэнь соностоно.

Захарияа 11:3 Referencias Cruzadas

Исай 5:29

Дайсанай сэрэгшэд залуу арсалан мэтэ архиржа, олзоо шүүрэн абахадань, хэншье буляан абажа шадахагүй.

Исай 65:15

Минии һунгаһан зон танай нэрэ хараал мэтээр хэлэдэг болохо. Би, Эзэн Бурхан, таанадые хюдахаб. Харин Намда һүгэдэн мүргэдэг зондо шэнэ нэрэ үгэхэб.

Ерэмияа 2:15

Дайсадынь залуу арсалангууд мэтэ тэрээн руу хэрхиржэ, газар дайдыень зэлүү хооһон болгоо. Хотонуудынь һандаргагданхай, нэгэшье хүн тэндэнь ажаһуунагүй.

Ерэмияа 2:30

Би таанадта хэһээлтэ амасуулааб, теэд таанад заһараагүйт. Лүндэншэдые таанар һэлмээр таһа сабшаат, арсалан мэтээр тэдэниие хюдабат.

Ерэмияа 26:6

Иигэжэ байгаа һаатнай, Би энэ Һүмэдэ Шилоодо хандаһандал адляар хандахаб, тиихэдэм дэлхэйн бүхы арадууд энэ хотын нэрые хараал мэтээр дурдан хэлэдэг болохо.

Ерэмияа 49:19

Иорданай шугы шэдхэһээ тунга ногоон бэлшээри руу ошожо байһан арсаландал Би гаража, Эдоомой улад зониие гэнтэ орон нютагһаань тэрьедүүлхэб. Минии шэлэһэн хүн арад түмэниие хүтэлбэрилхэ. Хэн Намтай зэргэсэжэ шадахаб? Хэн Минии урдаһаа тулажа шадахаб? Ямар удамарша урдаһаамни һөөргэдэхэб?

Ерэмияа 50:44

Иорданай шугы шэдхэһээ тунга ногоон бэлшээри руу ошожо байһан арсаландал Би гаража, Вавилооной улад зониие гэнтэ орон нютагһаань тэрьедүүлхэб. Минии шэлэһэн хүн арад түмэниие хүтэлбэрилхэ. Хэн Намтай зэргэсэжэ шадахаб? Хэн Минии урдаһаа тулажа шадахаб? Ямар удамарша урдаһаамни һөөргэдэхэб?

Ерэмияа 7:4

«Энэ болбол Эзэнэй үргөө, Эзэнэй үргөө, Эзэнэй үргөө» гэһэн дэмы найдуулһан хуурмаг үгэнүүдтэ бү этигэгты.

Эзэкээл 19:2

– Эзэкээл, Израилиин удамаршадта гашуудалай иимэ дуу дуулажа үгыш: Эхэтнай арсалан мэтэ зоригтой бэлэйл. Хүсэтэ арсалангуудай дунда тэрэ гансаараа гүлгэдөө үндын тэжээгээ.

Һошээ 10:5

Бэт-Аавэндэ шудхаһан алтан бухынгаа түлөө Самариин арад түмэн шэшэрэлдэн айха, бархиралдаха. Онгоноор омогорходог санаартад тэрээн тушаа гашуудажа эхилхэ. Юуб гэхэдэ, ялагар толон тэрэ онгонһоо бэшэ гарахаяа болихо.

Ёһээл 1:13

Санаартан, гашуудалай хубсаһа нэмэрэн уйлагты. Үргэлэй шэрээдэ үйлэ бүтээгшэд орилогты. Гашуудалай таар хубсаһа үмдөөд, һүниие үнгэргэгты. Ушарынь хадаа Бурханай үргөөдэ эдеэн үргэл, үргэлэй үзэмэй дараһан архи үгы болоо.

Амоос 8:8

Иихэдэнь газар яагаад доһолхогүйб даа?! Бүхы зониинь гашуудан байхал! Эрьеһээ халиһан Нил мүрэн мэтэ газар дээшээ хэлбэлзээд, Египедэй Нилдэл адли һөөргөө номгорхо.

Цэпаанияа 1:10

Тэрэ үдэр Иерусалимай Загаһанай хаалгануудай хажууда болон нүгөө хаалгануудай дэргэдэ орилоон хашхаралдаан болохо, гүбээнүүдһээ шанга һандаралгын абяан дуулдаха. Энэ болбол Би, Эзэн, айладхаа мүн!

Цэпаанияа 3:11

Тэрэ үе сагай ерэхэдэ, таанар, Минии арад түмэн, урдаһаам буһалгаалан хэрэг ябуулхагүйт, эшхэбтэр юумэ хэхэгүйт. Үгы һаатнай, Би таанарай дундаһаа бардам, дээрэлхүү зантай зониие зайлуулхаб, Минии арюун нангин хада уула дээрэ таанар бардамлан ябахаа болихот.

Цэпаанияа 3:3

Түшэмэлнүүдынь архирагша арсалангуудтал, шүүгшэдынь шонодол адли: үдэшэлэн тэдэ добтолбол, үглөө болотор нэгэшье яһа үлөөдэггүй хомхойнууд юм.

Захарияа 11:2

Агар зандан уйлаха, юуб гэхэдэ хуша модон хосороо. Башаанай сарса модон уйлаха, үдхэн ой усадхагдаа.

Захарияа 11:8

Би нэгэ һарын туршада гурбан хонишодые үлдэбэб. Ушарынь хадаа тэдэниие тэсэжэ байха Минии тэсэбэри дууһаа бэлэй, тэдэшье үзэн ядадаг болобо.

Матвей 15:14

Тэдэн тухай һанаагаа огто бү зобогты. Тэдэнэр һохор хүнүүдэй һохор ударидагшад мүн; теэд һохор хүн һохорые хүтэлжэ ябабал, хоюулаа нүхэ руу унаха юм.

Хэрэгүүд 7:52

Танай үбгэ эсэгэнэртнай лүндэншэдэй хэниие хашан мүрдөөгүйб? Үнэн сэдьхэлтэнэй ерэхэ тухай урда айладхаһан хүнүүдые тэдэ алаа, харин таанад мүнөө тэрэ Үнэн сэдьхэлтэндэ урбажа, тэрэниие алабат.