Захарияа 11:16 - Библи

¹⁶ Юуб гэхэдэ, энэ газарта би ондоо хонишониие табихамни. Тэрэ хадаа үхэжэ байһан хонин тухай һанаа зобохогүй, үгы болоһониие бэдэрхэгүй, үбшэнтэниие эмшэлхэгүй, элүүртэниие эдеэлүүлхэгүй һэн тула тарган хониной мяха эдижэ, гансал турууень үлөөхэ.

Захарияа 11:16 Referencias Cruzadas

Эхин 31:38

Хорин жэл би танда ажал хээб. Энэ саг соо нэгэшье хонин, нэгэшье ямаан түл хаяагүй. Би танай мал һүрэгһөө нэгэшье хуса, тэхэ гаргажа эдеэгүйб.

Эхин 33:13

– Хүндэтэ ахамни! Үхибүүдни бага, хүсэ шадалгүй. Тиигээдшье малаймни нарай түлтэйе хараа ёһотойт. Нэгэ үдэрөөр шанга туубал, үхэхэ.

Исай 40:11

Тэрэ хонишон мэтэ һүрэгөө харюулжа, хурьгадаа суглуулжа, гар дээрээ үргэн, сээжэдээ тэбэреэд, хурьгалһан хонидые дүмүүхэнээр адуулха.

Ерэмияа 23:2

Тиимэһээ арад түмэнииень харууһалжа байгаа удамаршад тушаа Израилиин Эзэн Бурхан иигэжэ айладхана: – Таанад Минии арад зон тушаа һанаагаа табяагүйт. Тэдэниие тараагаат, бутаруулаат. Мүнөө Би таанадые муу муухай үйлэ хэрэгүүдэйтнай түлөө хэһээхэб.

Ерэмияа 23:22

Хэрбээ тэдэ Минии нюуса бодолнуудые мэдэһэн һаа, арад түмэндэмни Минии үгэ тунхаглажа, нүгэлтэй муу байдалһаань болон муу хэрэгүүдһээнь холодуулха һэн.

Эзэкээл 34:16

Үгы болоһыень оложо, тараһыень бусаажа, гэмтэһыень боожо, үбшэн үлбэрыень эмшэлжэ байхаб. Харин таргыень, эрьюу болоһыень үүсэлхэб, юуб гэхэдэ, хони яажа зүбөөр харууһалхые Би мэдэнэб.

Эзэкээл 34:21

Хүсэ шадалтай хонид, таанад эбэрээрээ мүргэн, тэнхээгүй хонидые үлдэнэт.

Даниил 11:36

Харин хаан зоргоороо юумэ үйлэдэхэ. Тэрэ бардамлажа, ехэрхэжэ, бүхы бурхадһаа дээрэб гэжэ өөрыгөө тоолодог болохо, бурхадай ехэ Бурхан тушаа дуулдаагүй муу юумэ хэлэдэг болохо. Тэрэ иигэжэ амжажа байтараа хилэнсэгтэ үдэртэ энэнь дүүрэхэ: болохо юумэн болохоороол болохо.

Иоанн 10:1

– Хониной хорёодо үүдээрнь оронгүй, ондоо тээгүүр шурган ородог хүн хадаа хулгайшан, дээрмэшэн гээшэ гэжэ үнэниие таанарта хэлэнэб.