Захарияа 10:9 - Библи

⁹ Тэдэниие Би холын оронуудта тараагаашье һаам, тэндэ Намайе ходо һанажа байхал. Тэдэ хамта тэндэ амидарһан хүүгэдтэеэ гэртээ бусажа ерэхэ.

Захарияа 10:9 Referencias Cruzadas

Нэхэмьяа 1:9

Хэрбэеэ таанад Намда хандажа, Минии зарлиг наринаар сахин бэелүүлжэ эхилбэлтнай, тэнгэриин захадашье байбалтнай, би таанарые шэлэһэн газартаа асархаб, Минии нэрэ тэндэ мэдээжэ болохо».

Эстээр 8:17

Хаанай энэ зарлигай зарлагдаһан газар бүхэндэ иудейнүүд үргэн ехэ баяр тэмдэглэн, найр наада хэдэг байба. Энэ улас түрын ондоо үндэһэ яһатадай олохон зон иудейнүүдһээ айжа, иудейбди гэжэ өөһэдыгөө нэрлэдэг болоо бэлэй.

Исай 44:21

Эзэн иигэжэ айладхана: «Яков, энээниие һанан байгаарай, Израиль, һанан байгаарай, ши Минии богоол гээшэш. Өөртөө богоол болгохо гэжэ Би шамайе байгуулааб. Израиль, Би шамайе мартахагүйб.

Исай 64:4

Этигэн найдаһан зоной аша туһа харан, иимэ үйлэ хэрэгүүдые хэдэг Тандал адли Бурхан тушаа бидэ хэззээшье дуулаагүй бэлэйбди.

Исай 65:23

Тэдэ дэмы хооһон ажаллахагүй, түрэһэн үхи хүүгэдынь зоболонтой ушархагүй. Би тэдэниие мүн уг удамынь саашанхи үе сагуудта юрөөхэб.

Исай 65:9

Яковта үри үршөөхэб. Иудын уг удамынь хадалиг Минии орон нютагые үеһөө үедэ эзэлэн байха. Намда мүргэдэг зон тэндэ ажаһууха.

Ерэмияа 31:27

– Израилиие болон Иудын хан түрые хүнэй үри бэеэр болон амитадай түлөөр дүүргэхэ сагни дүтэлөө, – гэжэ Би, Эзэн тунхагланаб.

Ерэмияа 51:50

Эзэн Вавилоондо байһан Өөрынгөө арад түмэндэ иигэжэ айладхана: – Таанад абарагдаат! Мүнөө тиигээд ябагты! Хүлеэжэ бү байгты! Гэрһээ холошье байгаа хадаа Нам, өөрынгөө Эзэн, тушаа һанагты, Иерусалим һанаан бодолдотнай орог лэ.

Эзэкээл 6:9

Баряанда байхадаа тэдэ зон Нам тушаа һанаха, Намһаа холодоһондоо, онгонуудта мүргэжэ эхилһэндээ тэдэ өөһэдһөө жэрхэжэ эхилхэ.

Һошээ 2:23

Энэ арадые газар дэлхэйдэ олошоруулан үдүүлхэб, «Юрөөл хэшэггүй» гээд урдандаа нэрлэгдэдэг арад зондо нигүүлэсхы абари зан үзүүлхэб, «Минии бэшэ» гээд нэрлэдэг арад зоноо «Минии арад түмэн» гээд хэлэдэг болохоб, тиихэдэм тэдэ Намайе «Та манай Бурхан» гээд хэлэхэл.

Амоос 9:9

Захиржа, Израилиие бүхы арадуудай дундуур сасахаб, һагшуураар һагшаһандал, нэгэшье шулуу үлөөнгүй һагшахаб.

Михей 5:7

Амиды мэндэ үлөөшэ Яковай үри һадаһад олон арадуудай дунда Эзэнһээ үршөөгдэһэн шүүдэр мэтэ байха. Ургамал ногоон дээрэ орохо бороо мэтэ тэдэ байхал. Тэдэ хүнһөө дулдыдахагүй, Бурханһаал дулдыдаха юм.

Хэрэгүүд 8:1

Стефаниие алаһан хэрэг Саулда ехэ һайшаагдаба. Энэ үдэрһөө хойшо Иерусалимда һүзэглэгшэдые ехээр хашан мүрдэдэг болобо. Тиимэһээ элшэнэр лэ хотодо үлөөд, бусад һүзэглэгшэд булта Иудейн ба Самариин нютагуудаар тараба.

Хэрэгүүд 8:4

Тэрьедэһэн хүнүүд бүхы ороноор таража, Һайн Мэдээсэл номноно.

Римэйхиндэ 11:24

Бусад арадууд, таанад зэрлиг оливай һалаа набшаһадта адлит. Хэрбээ өөһэдынгөө зэрлиг модонһоо таһалагдаад, ондоо таримал оливай модондо һуурижуулагдадаг байхадань, таримал модоной һалаада адли еврейнүүдые түрэл һууриндань һуулгахада Бурханда бүришье амархан бэшэ гү?