Захарияа 1:8 - Библи

⁸ – Энэ һүни үзэгдэл харабаб: миртын һөөгүүдэй дунда хонхосог соо зээрдэ мори унаһан хүн зогсоно, ара тээнь зээрдэ, алаг, сагаан морид байна.

Захарияа 1:8 Referencias Cruzadas

Эхин 20:3

Зүгөөр нэгэтэ һүни зүүдэн соонь Бурхан үзэгдэжэ, Абимээлэхтэ иигэжэ айладхаба: – Энэ эхэнэрые абаһанайнгаа түлөө ши үхэхэш. Тэрэшни үбгэнтэй.

Эхин 46:2

Нэгэ һүни Бурхан Израильда үзэгдэл харуулан, ооголбо: – Яков, Яков! – Би эндэ байнаб, – гэжэ тэрэ харюусаба.

3 Хаан түрэнүүд 3:5

Гибэһоондо тэрэл һүниндөө Эзэн Соломоондо зүүдэндэнь үзэгдэжэ: – Юун шамда хэрэгтэйб, Намһаа гуйхадаш болохо, – гэжэ Бурхан айладхаба.

Нэхэмьяа 8:15

тэдэнэр өөһэдынгөө бүхы хотонуудта, Иерусалимда иигэжэ дуулган мэдээсэхэ: «Гүбээ, үндэр добо дээрэһээ таримал, мүн зэрлиг оливын, мииртын, паальмын, мүн бэшэшье набшаһата модонуудай мүшэрнүүдые асараад, эндэ заагдаһанай ёһоор һарабшануудые түхеэрхэ ёһотойт».

Иоов 4:13

Харанхы һүни аймшагтай зүүдэ зүүдэлээд,

Дуунай дуун 2:16

Хайрата тэрэмни гансал минии. Харин би гансал тэрээнэйб. Үүрые угтаһан һалхинай һэбшээлтэр, һүниин һүүдэрэй һүнэн зайлатар талын сараана сэсэгэй дундуур хонин һүрэгөө тэрэмни бэлшээнэ. Хайратамни, ши бусажа ерэ. Буга, гүрөөһэн мэтэ дабхар-дабхар хадын хашалангые дабажа гаталһаар намдаа ерэ.

Дуунай дуун 6:2

Минии амараг сэсэрлигтэ орожо, сэсэгэй мандал руу ошоо. Сэнгэлэй дээдые эдлэн, сараана сэсэг түүжэ байна.

Исай 41:19

Элһэн сүл губи газарта хуша, акаци, мирт, чидун модо тарихаб. Зэлүүд хооһон, үрэжэлгүй газарта арса, жодоо, нарһан модо ургуулхаб.

Исай 55:13

Үргөөһэнэй орондо нарһан, халаахайн орондо мирт ургаха. Энэ болбол Минии, Эзэнэй, алдар солын хэрэг болохо, Минии үйлэ хэрэгүүд тушаа хэтэ мүнхын гэршэ тэмдэг болохо.

Исай 57:15

Би болбол хэтэ мүнхэдөө оршогшо үндэр болон арюун Бурхан гээшэб. Үндэр, нангин газарта оршодогшье һаа, Би даруу зантай, гэм зэмээ мэдэрдэг зонтой хамта байнаб. Иигэжэ Би тэдэнэй зориг, этигэл һэргээнэб.

Даниил 2:19

Һүни Даниил үзэгдэл үзэжэ, нюусын тайлбари мэдэбэ. Тиигээд тэрэ Огторгойн Бурханда магтаал соло дуудаба.

Даниил 7:13

Һүниин үзэгдэлнүүд соогоо би мүн лэ иимэ юумэ харааб: тэнгэриин үүлэнүүдтэй хамта хүн түрэлхитэнэй хүбүүндэл адли хэншьеб ябажа, дүтэлхэдэнь, Үндэр наһатайда тэрэниие асарба.

Даниил 7:2

Даниил иигэжэ хөөрэнэ: – Һүниндөө иимэ үзэгдэл зүүдэн соогоо харааб – тэнгис далай дээрэ дүрбэн зүгһөө һалхи шуурган үлеэн-һүүен байба.

Захарияа 1:10

Мирт мододой дунда зогсоошо нэгэн: «Дэлхэй эрьеэд ерэхыень Эзэнэй эльгээгшэд мүн» гэбэ.

Захарияа 1:11

Миртын хажууда зогсоһон Эзэнэй Эльгээмэлдэ тэдэ харюу үгэбэ: «Газар дэлхэйе тойрожо ерээбди. Бүхы амитан зон ан бун, ажана тэгшэ һууна».

Захарияа 1:7

Даариин хаан боложо үргэмжэлэгдэһөөр хоёрдохи жэлэй шэбаат һарын хорин дүрбэнэй үдэртэ Иддоогой аша, Бэрэхияагай хүбүүн лүндэншэ Захарияада Эзэнэй үгэ бууба:

Захарияа 13:7

Түмэн Сэрэгтэ Эзэн иигэжэ айладхана: Эритэ илдэ, Минии хони адуулагшада, Намда дүтын болохо хүндэ эсэргүү бодон таһа сабшыш! Хонишонииень дайража һалгаахадаш, һүрэг хонидынь тарашаха. Би мутараа хорхойдо хорогүй хурьгадта эсэргүү эрьюулхэм.

Тоололго 12:6

Эзэн тэдэ хоёрто иигэжэ айладаба: – Минии үгэ шагнагты! Хэрбэеэ Минии лүндэншэн таанадай дунда бии болоһон байбал, Би, Эзэн, тэрээндэ үзэгдэл үзүүлдэгби. Зүүдэлжэ байхадань, тэдээндэ айладхал буулгадагби.

Нүүнэй Иисүүс 5:13

Иисүүс Ерихооной хажууда байхадаа, гартаа һэлмэтэй хүнэй урдаа зогсожо байхые хараа. Иисүүс хажуудань ошоод: – Манай гүш, али манай дайсадай гүш? – гэжэ һураа.

Гэршэлгэ 2:1

Эфесэй һүзэглэгшэдэй бүлгэмэй түлөөлэгшэдэ иигэжэ бэшээрэй: «Баруун гартаа долоон одонуудые баряад, алтан долоон дэнгүүдэй дундуур ябагша иигэжэ хэлэнэ:

Гэршэлгэ 6:2

Сагаан мори харабаб. Гартаа ном бариһан хүн тэрэ мори унаад ябаба. Толгойдоо үмдэхэ титим малгай абаһан тэрэ хүн илагша мэтээр гаража, илалта туйлахаяа ябаба.

Гэршэлгэ 6:4

Тиихэдэнь ондоо, гал улаан зээрдэ морин гараба. Мори унаһан тэрэ хүндэ газар дайда дээрэхи амгалан тайбан байдалые эбдэжэ, дэлхэйн зоной бэе бэеэ алалсалгын эрхэ засаг олгогдобо. Тэрээндэ томо гэгшын һэлмэ үгтөө.