Ударидагшад 9:27 - Библи

²⁷ Нэгэтэ шэхээмэйхид хээрэ гаража, уһан үзэм хуряагаад, тэрэнээ шахан даража, үзэмэй дараһан архи хэбэ. Тиигээд тэдэнэр һайндэрлэн сэнгэһэнэй һүүлдэ өөһэдынгөө бурханай һүмэ соо эдеэлбэд, ундалбад, муу муухайгаар Абимээлэхые хараажа эхилбэд.

Ударидагшад 9:27 Referencias Cruzadas

Египедһээ гаралга 32:19

Хүреэндэ дүтэлхэдөө, Моисей алтан тугалыень хараба. Зугаа дэлгэжэ, хатаржа байһан зониие хараба. Уур сухалда абтаһан Моисей абажа ерэһэн шулуун хабтаһануудаа хадын хормойдохи газарта биса хаяба.

Египедһээ гаралга 32:6

Хойто үглөөгүүрнь тэдэ түгэс шатаалта үргэл ба амгалан байдалай түлөө үргэл үргэбэ. Һүүлээрнь эдихэ, уухаяа һууба, найрлажа хүхижэ оробо.

Ерэмияа 25:30

Ерэмияа, ши Минии айладхал бултыень тэдэ зондо дуулга. Тэдээндэ иигэжэ хэлэ: Эзэн огторгойһоо архиржа, нангин үргөөһөө аянгатаха, Өөрын зоной урдаһаа хэрхирхэ. Үзэмэй жэмэс дэбһэжэ байһан хүндэл адли Тэрэ дэлхэйн бүхы улад зоной урдаһаа хашхарха.

Даниил 5:23

Огторгойн Эзэнэй урдаһаа һөөргэдэбэш: нангин ордонһоонь асарагдаһан амһартануудые шам руу асарба, түшэмэлнүүдтэеэ, һамгадтаяа, бага һамгадтаяа хамта тэдэ хундагануудһаа үзэмэй дараһан архи уубаш, тиигээд юушье харадаггүй, дууладаггүй, ойлгодоггүй мүнгэн, алтан, гуулин, түмэр, модон болон шулуун бурхадаа магтан-түүрээн байбаш. Харин ами наһа, хуби заяаеш зонхилон байдаг Бурханиие ши алдаршуулнагүйш.

Һошээ 7:14

Тэдэ Намда үнэнхэ зүрхэнһөө хандажа байгаа бэшэ, орон дэбисхэр дээрээ гансал хашхаралдан байгаа. Тэдэ гансал эдеэ хоолой, үзэмэй дараһан архиин түлөө сугларна, харин Намһаа холо болон байна.

Левит 24:11

Наншалдахадаа, Бурханай нэрэ муушалаа, хараагаа. Тиихэдэнь тэрээниие Моисейдэ асарба. Эхэнь Шэломиит, Даан обогой Дибриигэй басаган бэлэй.

Ударидагшад 16:23

Пилиштүүдые зонхилогшод өөһэдынгөө бурхан Дагоондо асари ехэ үргэл үргэжэ, хүхилдэн сэнгэхэеэ эндэ суглараад, иигэжэ хэлэбэд: – Бидэнэй бурхан бидэнтэй дайлалдаһан Самсоониие бидэнэй гарта тушааба!

Ударидагшад 8:33

Гидооной наһа барахалаар израильшууд дахин Баалда шүтэн забхайралдажа, Баал-Бэриитые өөһэдынгөө бурхан болгобо.

Ударидагшад 9:26

Ээбэдэй хүбүүн Гааһал аха дүүнэртэеэ суг хамта Шэхээмдэ нүүжэ ерээд, тэрэ хотын гудамжануудаар ябаба. Тиихэдэнь урдаа хараха тулгамнай гэжэ шэхээмэйхид тэрээндэ найдадаг болобо.

Ударидагшад 9:4

Тиигээд тэдэнэр Баал-Бэриитэй һүмэһөө далан шээкэл мүнгэ абажа, тэрэнээ Абимээлэхдэ үгэбэ. Мүнгэеэ абаашаха болоходоо Абимээлэх юушье хэдэггүй, дура зоргоороо ябадаг эрэшүүлые хүлһэлэн абаба. Хаанашье ябахадань, тэдэнэр Абимээлэхые дахабад.

Ударидагшад 9:46

Шэхээмэй аранга хэрэмэй һандарһан тухай эндэ ажаһуудаг аха захатан дуулаад, аюулгүй газар бэдэржэ Эл-Бэриит һүмын Нангин таһалга соо сугларба.

1 Хаан түрэнүүд 17:43

Тэрэ Давидта: – Ши юундэ нам руу модо барижа ерэбэш? Би нохой юм гүб? – гэбэ. Пилишт хүн өөрынгөө бурхадые дурдан, Давидые харааба шэрээбэ.