Ударидагшад 9:23 - Библи

^23-24 Абимээлэхэй өөрынгөө аха дүүнэр болохо Еруббаалай далан хүбүүдые алахадань, Шэхээмдэ ажаһуугшад тэрээндэ туһалһан байгаа. Бурхан Абимээлэх болон Шэхээмдэ ажаһуугшадай хоорондо хорото һүнэһэ һүлдэеэ эльгээбэ. Шэхээмэйхид Абимээлэхдэ дурагүй боложо, яажаб даа тэрээндэ хоро хүргэхэ гэжэ шиидэбэ.

Ударидагшад 9:23 Referencias Cruzadas

3 Хаан түрэнүүд 12:15

Иигэжэ хаан арад зоной гуйлтые анхарбагүй. Ушар юуб гэхэдэ, иимэ аргаар Шилооной Ахияа гэгшээр дамжуулан, Набаадай Еробоһаам хүбүүндэ Эзэнэй айладхагша иигэжэ хүсэлдэхэ байгаа бшуу.

2 Угай бэшэг 10:15

Иигэжэ хаан арад зоной гуйлтые анхарбагүй. Ушар юуб гэхэдэ, иимэ аргаар Шилооной Ахияа гэгшээр дамжуулан, Набаадай Еробоһаам хүбүүндэ Эзэнэй айладхагша иигэжэ хүсэлдэхэ байгаа бшуу.

Исай 19:14

Буруу зүбшэл үгэхыень Эзэн тэдэниие баадхаба. Тиихэдэнь тэдэ Египедые бүхы юумэ буруу хүүлэнэ. Египет хадаа һогтуу хүнэй бөөлжэһэндөө худхалдан найгалзадагтал гуйбана.

Исай 19:2

Эзэн иигэжэ айладхана: «Египедэй зониие өөһэд өөһэдтэйнь мүргэлдүүлэн, урда урдаһаань тухирхаб. Тэдэ аха дүүгэйнгөө урдаһаа, хүршынгөө урдаһаа, хотонь хотын урдаһаа хаанта засаг барихын тула хоорондоо дайлалдаха.

Исай 33:1

Үшөө дээрмэдүүлэгдээгүй дээрмэдэгшэ, урбалга үшөө өөр дээрээ мэдэрээгүй урбагша ши! Шамда өөртэш гай тодхор хүрэхэ! Дээрмэдэжэ дүүргэхэдэшни өөрыеш дээрмэдэхэ, урбажа садахадашни өөртэшни урбаха!

Матвей 7:2

Ушарынь хэлэбэл, бусадые яажа зэмэлнэбта, тиигэжэл Бурхан таанадые зэмэлхэ, ямар хэмжээгээр хэмжэнэбта, тиимэл хэмжээгээр танда хэмжэжэ үгэхэ.

Марк 3:24

Хубааралдаад, хоорондоо дайлалдажа байһан хаан орон удаан байнгүй бутарха.

Ударидагшад 9:20

Тиимэ бэшэ байбалынь, Абимээлэхһээ гал гаража, Шэхээмэй болон Бэт-Миллоогой хүнүүдые галдан шатааг! Шэхээм хотынхид, Бэт-Миллоо һууринайхид Абимээлэхые үгы хэхэ гал носоог!

Ударидагшад 9:22

Гурбан жэл соо Абимээлэх Израилиин хаан түрыень бариба.