Ударидагшад 8:6 - Библи

⁶ Суккоот хотын засаг баригшад тэрээндэ иигэжэ хэлэбэд: – Таанад Зээбах Цалмуннаа хоёрые үшөө баряагүйт. Теэд бидэнэр шинии сэрэгшэдые юундэ эдеэлүүлхэ болобобди?

Ударидагшад 8:6 Referencias Cruzadas

Эхин 25:13

Ишмаһээлэй хүбүүдэй нэрэ, аха захаһаань эхилхэдэ, иимэ: ууган хүбүүн Нэбайһоот, дараань Кэдаар, Адбээл, Мибсаам,

Эхин 37:25

Тиигээд Рэүбээнэй үгы байха үедэ Яковай бусад хүбүүд эдеэ хоол барихаяа һуун байтараа холоһоо ерэжэ ябаһан тэмээн хамбы хараба. Энэ хадаа ишмаһээл обогой наймаашад Галаад хотоһоо Египет руу анхилма һайхан үнэртэй гүгэл болон бусад угаа үнэтэй ашаа аралжаа наймаа эрхилхэеэ абаашажа ябаба.

Эхин 37:28

Мидианай наймаашадай дүтэлэн ерэхэдэ, аханарынь Иосифые худагһаа гаргаад, хорин шээкэл сагаан мүнгөөр худалдаба. Ишмаһээлэй наймаашад Иосифые Египет руу абаад ошобо.

3 Хаан түрэнүүд 20:11

Израилиин хаан харюу эльгэбэ: – Юушье хээгүй аад, һайрхаха гээшэ үлүү. Хэрэгэй эсэстэ һайрхаһан дээрэ.

4 Хаан түрэнүүд 14:9

Израилиин хаан Ехоһааш Иудын хаан Амацияада иимэ харюу эльгээбэ: – Хэзээ нэгэтэ Ливаанда ургажа байгааша үүргэнэ Ливаандахи хуша модондо «Хүбүүнэйм һамган болгон басагаяа үгыш» гэжэ хэлээ бэлэй. Теэд Ливаанай ан арьяатан тэрэнэй хажуугаар үнгэржэ ябахадаа, тэрэ үүргэные хуха нуга дэбһэн гараа.

Һургаал 18:23

Ядуу хүнэй туһа эрижэ гуйхада, баян хүн бүдүүлиг харюу үгэдэг ушар олон.

Филиппынхидтэ 2:21

Бусад зон бүгэдөөрөө Иисүүс Христоосто һайшаагдаха юумэ бүтээхэ тухай огто бодонгүй, өөрынгөө амидаралай түлөө оролдожо ябадаг.

Ударидагшад 5:23

Эзэнэй Эльгээмэл иигэжэ зарлиглана: «Мэрооздо муу хараалым хүргэгты! Тэндэхи зониие муугаар хараагты! Тэдэнэр Эзэндэ туһалхаа бү ерэг! Тэрээндэ сэрэгшэд туһалхаа бү ерэг!»

Ударидагшад 8:15

Гидоон суккоодойхидто ерээд, иигэжэ тэдээндэ хэлэбэ: – Эдэнэр Зээбах Цалмуннаа хоёр лэ даа. Таанад намайе наада барин энеэлдээд: «Таанад Зээбах Цалмуннаа хоёрые үшөө баряагүй байнат. Бидэнэр шинии эсэһэн сэрэгшэдтэ юундэ эдеэ хоол үгэхэ болобобди?» – гэжэ хэлээ бэлэйт.

Ударидагшад 8:5

Гидоон Суккоот хотодо ажаһуугшадта иигэжэ хэлэбэ: – Минии хойноһоо ябаһан сэрэгшэдтэ хилээмэ үгэгты. Эдэнэр гэдэһээ үлдөөшье, эсээшье. Харин би Мидианай хаашуул Зээбах Цалмуннаа хоёрые мүрдэжэ ябанаб.