Ударидагшад 8:23 - Библи

²³ Гидоон тэдээндэ иигэжэ хэлэбэ: – Таанадые би зонхилон ударидахагүйб. Таанадые минии хүбүүдшье зонхилон ударидахагүй. Зүгөөр таанадые Эзэн зонхилон ударидаха болтогой!

Ударидагшад 8:23 Referencias Cruzadas

Псалманууд 149:2

Израиль өөрын Бүтээгшын урда баясан байг, Сионой хүбүүд өөһэдын Хаанай урда хүхилдэн байг лэ.

Исай 33:22

Эзэн манай Удамарша, манай Шүүгшэ, манай Хаан! Тэрэ бидэниие абарха!

Исай 63:19

Танай хэзээдэшье ударидаагүй, мүн тиихэдэ Танай арад түмэн гэжэ хэзээдэшье нэрлэгдэжэ байгаагүй зондол адли болобобди.

Коринфынхидтэ 2-дохи 1:24

Юундэ һүзэглэжэ байхыетнай зааха гэжэ оролдоогүйбди, хатуу һүзэгтэй байһыетнай бидэ мэдэнэбди. Жаргалтай байхынтнайл түлөө бидэ таанадаар хамта хүдэлнэбди.

Пётрой 1-дэхи хандалга 5:3

Таанадта даалгагдаһан хүнүүдые захирха гэжэ бү оролдогты, харин тэдэндээ һайн жэшээ харуулжа байгты.

Ударидагшад 10:18

Галаадай сэрэгшэд болон ударидагшад бэе бэедээ иигэжэ хэлэбэд: «Аммоонуудтай дайлалдахада хэн бидэниие дахуулхаб? Тэрэ Галаадай бүхы зоной ударидагша болохо».

Ударидагшад 2:18

Дайсад оло дахин израильшуудта добтолбо. Тиихэдэнь тэдэнэр өөрынгөө Бурханһаа туһа эрижэ мүргэбэд. Эзэн тэдэниие хайрлаад, дайсадһаа өөрынгөө арад зониие аршалан хамгаалхынь тула тэдээндэ ударидагшадые эльгээдэг болобо. Ударидагшадай амиды мэндэ ажаһуухада, Эзэн Өөрөө тэдэнэй ударидагшадай ахалагша боложо, дайсадһаа израильшуудые ходол аршалан абардаг байба. Гэбэшье дарлалта болон харшалалтада орожо, зобохо тулихадаа, тэдэнэй гэмэрэлдээ болон бархиралдаае дуулаад, Эзэн тэдэниие хайрлажа эхилбэ.

Ударидагшад 8:22

Израильшууд Гидоондо иигэжэ хэлэбэд: – Ши, удаань шинии хүбүүд, һүүлдэнь шинии ашанар бидэниие зонхилон ударидаг. Ушар юуб гэхэдэ, ши бидэниие мидиануудһаа абарааш!

1 Хаан түрэнүүд 10:19

Бүхы гай тодхорһоо, зоболонһоо абардаг Намайе, өөрынгөө Бурханиие, таанад мүнөөдэр үлүү харабат. Маанад дээрэ хааниие табигты гэбэт. Зай, мүнөө Минии урда обог болон мянгаараа зогсогты.

1 Хаан түрэнүүд 12:12

Таанад Аммооной хаан Наһаашай урдаһаатнай дайлажа ерэхые хараад, «үгы, бидэниие хаан захирха ёһотой» гэжэ намда хэлээ һэнта. Эзэн, танай Бурханай, хаантнай байһаар байтар иигэжэ хэлээт.