Ударидагшад 8:10 - Библи

¹⁰ Зээбах Цалмуннаа хоёр арбан таба мянган сэрэгшэдтэеэ суг хамта Каркоор хотодо саг зуура байрлаба. Эдэ сэрэгшэд зүүн зүгтэ ажаһуугшадай зуун хори мянган сэрэгшэдһээ амиды үлэһэн байба.

Ударидагшад 8:10 Referencias Cruzadas

4 Хаан түрэнүүд 3:26

Моһаабай хаан диилдэжэ байһанаа хараад, элдэтэй долоон зуун сэрэгшэдээ абажа, сүмэ сохин гарахаяа Эдоомой хаан тээшэ дабшаба. Теэд тэдэнэр тэрьедэхэ харгы өөһэдтөө гаргажа шадабагүй.

2 Угай бэшэг 13:17

Абияа сэрэгээрээ тэдэниие шанга даража, Израилиин табан зуу мянган эрхим сэрэгшэд алуулба.

2 Угай бэшэг 28:6

Израилиин Рэмаалияагай хүбүүн Пээкаа нэгэ үдэр Иудын зуун хори мянган сэрэгшые бута сохёо бэлэй. Юуб гэбэл, тэдэ үбгэ эсэгэнэрэйнгээ Эзэн Бурханиие орхёо бшуу.

2 Угай бэшэг 28:8

Израилиин сэрэг аха дүү болохо Иудын хоёр зуу мянган эхэнэр, хүүгэдые олзолон барижа, мүн угаа ехэ эд зөөри дээрмэшэлэн абажа, Самари руу эльгээгээ.

Исай 37:36

Тэрэ һүни Эзэнэй Эльгээмэл бии боложо, Ассириин сэрэгэй хүреэндэ зуун наян таба мянган сэрэгшые алаба. Үглөөдэрынь үүр сайхада харахада, оршон тойрон үхэһэн хүнүүдэй бэенүүд хэбтэбэ.

Исай 9:4

Тэдэниие даража байһан хөөмэгшэ, сохижо байһан ташуурые Та эбдээт. Хэзээ нэгэтэ Мидианай сэрэг һамна бута сохиһондол, Өөрынтнай зониие дарлажа-мүлжэжэ байһан арадые Та бута сохёот.

Ударидагшад 20:15

Тэрэ үдэр бусад хотонуудһаа Гибаада сугларһан Бэньямиинэй обогойхиной элдэеэ хуйһаань һугалжа шадаха сэрэгшэдэй тоо хорин зургаа мянган эрэшүүл болобо. Тэдээнһээ гадуур Гибаа хотодо ажаһуугшад өөһэдынгөө долоон зуун шэлэгдэмэл сэрэгшэдые израильшуудай урдаһаа эльгээбэ.

Ударидагшад 20:17

Бэньямиинэй обогой сэрэгшэдһээ гадуур израильшуудай дүрбэ мянган сэрэгшэд тэндэ сугларба. Тэдэ сэрэгшэд элдэеэ хуйһаань һугалжа шадаха, дайшалхы дүй дүршэлтэй байбад.

Ударидагшад 20:2

Тэндэ Израилиин бүхы обогуудай болон бүхы үенүүдэйнь ударидагшад байба. Тэндэ Эзэнэй шэлэһэн арад болон элдэеэ шагтагалан бүһэлһэн дүрбэн зуу мянган сэрэгшэд сугларба.

Ударидагшад 20:25

Тэрэ үдэр Бэньямиинэй угай сэрэгшэд Гибааһаа добтолон гарабад. Тиихэдээ тэдэнэр энэ удаа израильшуудай элдэтэй арбан найма мянган сэрэгшэдые алабад.

Ударидагшад 20:35

Бэньямиинэй угай сэрэг үй бута сохюулаг гэжэ Эзэн үршөөл хайраяа израильшуудта заяаба. Тэрэ үдэр израильшууд дайшалхы һайн бэлэдхэлтэй Бэньямиинэй угайнь сэрэгшэдэй хорин таба мянга нэгэ зуун хүнииень алабад.

Ударидагшад 20:46

Тэрэ үдэр элдэеэ һугалжа шадаха Бэньямиинэй угай хорин таба мянган сэрэгшэд алуулба. Тэдэнэр бултадаа эрэлхэг зоригтой сэрэгшэд байһан юм.

Ударидагшад 6:5

Ушар тиимэһээ тэдэнэй асарһан өөһэдынь майханууд болон үхэр малнууд таршаа шумуул мэтэ олон байгаа. Тоо томшогүй олон тэмээнүүдтэ ашаагаа тээһэн тэдэнэр Израилиин газарай хара шорой болотор ябабад.

Ударидагшад 7:12

Мидианууд, амалээгүүд болон зүүн зүгтэ ажаһуугшад мүрэнэй тэрэ гол газарта байрлан тогтобо. Таршаа мэтэ олон тэдэниие, далайн эрьеын элһэн мэтэ олон тэмээнүүдыень тоолохын аргагүй үй түмэн байба.

Ударидагшад 7:13

Гидоон дайсадай майхан хүреэндэ ерээд, тэдэнэй хөөрэлдөөе шагнажа эхилбэ. Нэгэ сэрэгшэ нүгөөдэдөө иигэжэ хэлэнэ: – Ешмээнэй гурилаар бариһан түхэреэн томо хүбэриг бидэнэй тогтон байрлагша майхан хүреэн соогуур мухариба гэжэ би зүүдэлээб. Түхэреэн тэрэ хүбэриг зээрэмхэйтэн мухариһаар, майхан нэшэн мүргэбэ. Тэрэнэй хүсэнһөө майхан урбалдан һандарба.

Ударидагшад 7:22

Гидооной гурбан зуун сэрэгшэд эбэр бүреэнүүдээ үлеэбэ. Эзэн майхан хүреэн соогоо байһан мидианай сэрэгшэдые бэе бэетэеэ тэмсэхэ эсэргүүсэлгэндэ абаашаба. Тэдэнэр һэлмээрээ бэе бэеэ хадхажа алабад. Тэдэнэй амиды үлэһэн сэрэгшэд Цэрэраа тээхи зүгэй мүрэнэй эрьедэхи Бэт-Шитаа болон Таббаат хотын хажуудахи Абээл-Мэхолаагай хилэ хүрэтэр тэрьедэн зугадаба.

Ударидагшад 8:11

Гидоон Нообаа болон Ёгбэһаа хотоһоо зүүн зүг тээшэ ошодог харгыгаар Каркоор хото хүрөөд, һанаа амар байһан дайсадай майхан хүреэндэ добтолон оробо.